العربية منخفضة جداً

**moussa ahmed** · 12-08-2007 11:39 AM

العربية لانسر 98 معايا من شهر العربية ممتازه بس واطية قوى وطبعا مصر كلع=ها مطبات عالية هل هناك حل قالولى بيزودو كاوتشة فوق السسته الخلفية ترفع شوية إيه رأيكم أفيدونى يا أهل الخبرة

**Nader** · 12-08-2007 11:43 AM

عملية الكاوتشة دي اسمها علايات، هل العربية منخفضة عن نظيراتها ولا زيها بس انت مش عاجبك ارتفاعها؟؟ لو منخفضة عن مثيلاتها يبقي اكشف علي السست ممكن تكون عاوزة تتغير واكشف علي المساعدين برضه.

علي فكرة العلايات هتقلل من ثبات العربية خاصاً مع السرعات العالية.

**tmz9111** · 15-08-2007 04:59 AM

لا أنصح بالعلايات

**hazem_khidr** · 15-08-2007 05:06 AM

زي ما نادر قالك كده بالضبط لو اوطي من مثيلاتها شوف اليايات و لو زيهم ما تلعبش في العربيه علشان الثبات بتاعها

**محمدايهاب** · 15-08-2007 06:08 AM

نفس مشكلة عميتي الحل أنه بيبطأ عند المطبات و ياخذها بالعرض

**sab3aawy** · 19-08-2007 10:02 PM

بص هو حل العلايات هيحسن الاداء مع المطبات لكن هيسئ خواص الثبات فى السرعة العالية

لو انت من انصار السواقة الحنينة وآخرك 100 استعمل العلايات ومتخافش لان لحد سرعة ال100 حكاية الثبات دى مالهاش اثر بالنسبة للانسر موديل عربيتك

بس اهم حاجة بالنسبة لاستعمال علايات هو انك لو هاتحط علايات ورا يبقى تحط زيهم قدام لازم خط العتب السفلى بتاع العربية يكون موازى للأسفلت متبقاش العربية مكفية على وشها، الحاجة التانية المهمة هو ان اخرك فى العلايات 3 سم، إوعى تزود عن كدة

لو انت من محبى الجرى يبقى ابعد عن العلايات نهائيا وانسى انك سمعت عنها اصلا وتحمل الحك فى المطبات

يوجد حل يرفع لك العربية ويحافظ على الثبات لكنه حل مكلف شويتين تلاتة

طقم سوست جديد يكون اعلى من السوست القديمة بتاعتك يديلك 3 سم ارتفاع اضافى، مع استعمال مساعدين رياضية (كونى مثلا) بس فى هذة الحالة العربية هتبقى ناشفة فى المطبات زى الحجر

دى الحلول المتاحة امامك

**mtema99** · 19-08-2007 10:19 PM

العربية لانسر 98 معايا من شهر العربية ممتازه بس واطية قوى وطبعا مصر كلع=ها مطبات عالية هل هناك حل قالولى بيزودو كاوتشة فوق السسته الخلفية ترفع شوية إيه رأيكم أفيدونى يا أهل الخبرة

لا هي بس عشان ممكن مش تكون واخد على علوها
ممكن اسأل حضرتك سؤال
انك كنت سايق ايه قبلها

**moussa ahmed** · 10-11-2008 01:34 PM

والله انا سعيد بيكم جدا ومقدر تعبكم فى الرد عليا وربنا يجزيكم خير وكلها إقتراحات محترمة وآراء سديده ..كفاية معنوياتى إرتفعت ومش لازم العربية تترفع ..ربنا يباركلى فيكم

**ramyiar** · 11-11-2008 11:31 AM

احنا تحت امرك مهوة دة دور المنتدي ان احنا نقف جنب بعض .

-

الموضوع: العربية منخفضة جداً

LinkBack

أدوات الموضوع

عرض

-

-

-

المواضيع المتشابهه

أفيدوني أفادكم الله لأني محتار جداً جداً جداً

العربية منخفضة جدا .. هل في حل ؟

هذا موقع ممتاز جداً جداً جداً جداً جداً

صيف ساخن جداً مع الـ العربية 128

الكلمات الدلالية لهذا الموضوع

المفضلات

المفضلات

ضوابط المشاركة