جربت تروح الملاهي وانت قاعد جوة عربيتك؟؟!! انا جربت

**mmabdelaal** · 01-01-2009 06:25 PM

ياتري ايه شعورك وانت سايق العربية وهي عمالة تترج وانت جواها لحد ماتحس بشعور البيض وهو بيتعمل أومليت؟؟!!!!!
الحكاية ومافيها إني معايا عربية زي الفل الا وهي ابيزا سيستم بورش مودي1992, العربية أسما وشكلا زي مانا بشوفها مع ناس كتير عربية حلوة, سحبها محترم, بتوفر في البنزين, مكيفة, وكمان سعرها مناسب جدا, لكن الكلام دا مش في عربيتي. الظاهر كدة ان اللي باعها حط عليها لعنة ان اللي يشتريها بعده يلف البحور السبعة و يموت التنين قبل مايتهني بيها. المهم العربية كانت حالتها متهانة, وصرفت عليها كتير من تغيير عفشة, لبطارية, لكهربا, والأدهي من دا كلو جبتلها نص موتور جديد :10D5C8~1107: ودا علشان تكمل, بس الصراحة الموتور القديم كان فعلا ضعيف. المهم بعد دا كلو والعربية هتبدأ تقول عملت بيها حادثة والعربية اتقلبت علي ضهرها مش بقولكو كان لازم أحارب التنين
نرجع لمرجوعنا, صعبت علي عمي وعرض انو يتولي عماية تصليحها, وفعلا الراجل عمل اللي عاليه وزيادة وبقي هو اللي بيتعامل مع الصنايعية لحد ماسلمني العربية من كام يوم شكلها أنضف ماشتريتها أصلا
اللي حاصل بقي ان العربية ساحبها قل بكتير بعد الحادثة, وكانت بتتهز جامد وانا لسة علي السلنسيه, وانا بسخن العربية, لازم أدوس علي البنزين علشان تبطل رج, ومع النقلات الأول والتاني الهز لسة موجود شوية, لكن الشئ العجيب حصل لما جيت أمون العربية وحطيتلها بنزين 92 من موبيل, الظاهر العربية مش واخدة علي النضافة (انا كنت بحط 90 علي فكرة, أنا مش ايحة والله) العربية ركبها عفريت, السحب بقي زي الزفت والرجة بقت معظم الوقت تقريبا, فأفيدوني أفاداكم الله ولو واحد يعرف أزاي أفك اللعنة اللي علي العربية يبقي عمل فيا خير :k8:

**khaledsl** · 01-01-2009 11:56 PM

المشكله في حجتين اولا البنزين وارد جدا يكون مخلوط لازم تفضيه من التنك من الطبه بتاعت التنكعشان ينزل كله وتشوفه تغير فلتر البنزين
اذا لسه الاعراض موجوده يبقي اشكف علي سلوك البوجيهات ممكن تكون ضعيفه في جزء منها وبتسرب كهرباء لفها بشريط لحام كويس وجرب اذا بطلت الرعشه وزاد السحب اشتري طقم جديد وامرك لله وحده
وربنا يعمل الي فيه الخير

**speed4speed** · 02-01-2009 12:48 AM

دى قصة كفااااااااااااااااااااااا ح
وخايف عليك ليحصلك زى ما حصل لصاحبى

**ezzatfox** · 02-01-2009 01:30 AM

اكشف على قواعد الموتور و الشداد و اضبط الكهرباء و الله اعلم عشان واضح ان ماتورك عصبى بلغة الميكانيكية

**mmabdelaal** · 02-01-2009 04:08 PM

المشاركة الأصلية كتبت بواسطة khaledsl

المشكله في حجتين اولا البنزين وارد جدا يكون مخلوط لازم تفضيه من التنك من الطبه بتاعت التنكعشان ينزل كله وتشوفه تغير فلتر البنزين
اذا لسه الاعراض موجوده يبقي اشكف علي سلوك البوجيهات ممكن تكون ضعيفه في جزء منها وبتسرب كهرباء لفها بشريط لحام كويس وجرب اذا بطلت الرعشه وزاد السحب اشتري طقم جديد وامرك لله وحده
وربنا يعمل الي فيه الخير

قصدك يعني يكون غاشين البنزين في موبيل؟!!!! هممممم مش عارف, هاحاول أبص علي الموضوع دا فعلا, أنا علي فكرة سألت عمي وقالي انو ماغيرش البوجيهات فممكن دا فعلا يكون السبب. تسلم ياباشا علي المعلومة

**mmabdelaal** · 02-01-2009 04:15 PM

المشاركة الأصلية كتبت بواسطة speed4speed

دى قصة كفااااااااااااااااااااااا ح
وخايف عليك ليحصلك زى ما حصل لصاحبى

أهلا هو احنا فينا من كدة!!!!!!!!! انت بتفكرني بالفيلم بتاع سمير صبري وعادل أمام, لما بيقولوا اوعي تعمل كدة ليحصلك زي مخيمر صاحبي

أنا بقي هابقي مخيمر

**mmabdelaal** · 02-01-2009 04:36 PM

المشاركة الأصلية كتبت بواسطة ezzatfox

اكشف على قواعد الموتور و الشداد و اضبط الكهرباء و الله اعلم عشان واضح ان ماتورك عصبى بلغة الميكانيكية

بالنسبة لقاعدة الموتور والشدشدات الإتنين جداد فمافتكرش ان دي المشكلة, ممكن تكون حاجة في الكهربا, بس ايه بقي موضوع الموتور العصبي دا!!!! وشكرا أكيد علي الأهتمام

**mmabdelaal** · 02-01-2009 04:43 PM

طيب فيه حد يفتكر ان دا ليه علاقة بالكربراتير؟؟!!!!! ممكن مثلا ولا دا احتمال بعيد!!! ياريت لو الأستاذ محمد ابيزا أو أي حد يكون دايس في العربية دي يشاركنا الحوار. ودمتم

**ezzatfox** · 03-01-2009 12:35 AM

المشاركة الأصلية كتبت بواسطة mmabdelaal

بالنسبة لقاعدة الموتور والشدشدات الإتنين جداد فمافتكرش ان دي المشكلة, ممكن تكون حاجة في الكهربا, بس ايه بقي موضوع الموتور العصبي دا!!!! وشكرا أكيد علي الأهتمام

يعنى حركة الموتور بتكون زايدة اوفر عن الطبيعى و الموتور مش هادى و صوتة عالى شوية و السبب فى كدة حاجتين يا اما الكربراتير مش مظبوط او الكهرباء

**khaledsl** · 03-01-2009 10:43 PM

المشاركة الأصلية كتبت بواسطة mmabdelaal

قصدك يعني يكون غاشين البنزين في موبيل؟!!!! هممممم مش عارف, هاحاول أبص علي الموضوع دا فعلا, أنا علي فكرة سألت عمي وقالي انو ماغيرش البوجيهات فممكن دا فعلا يكون السبب. تسلم ياباشا علي المعلومة

كلنا هنا اخوات وبنحاول نساعد علي قد مانعرف بس وانت بتغير البوجيهات اطلب من الميكانيكي انه يكشف علي السلك بتاع البوجيه عشان احيانا بتضعف وبتسرب الكهرباء و مش بتوصل للبوجيه يعني يدور وسلك البوجيه يقربه من وش السلندر مثلا المفروض ان الجزء الوحيد الذي يصدر الشاره هو طرفه الذي يوصل للبوجيه فقط وليس اي جزء اخر واذا وجدت اي جزء بيطلع شرار ابقي غطي الجزء بشريط لحام لحد ماتجيب طقم سلوك
وربنا يعمل الي فيه الخير

الموضوع: جربت تروح الملاهي وانت قاعد جوة عربيتك؟؟!! انا جربت

LinkBack

أدوات الموضوع

عرض

جربت تروح الملاهي وانت قاعد جوة عربيتك؟؟!! انا جربت - انشر الموضوع فى :

-

-

بنزين مخلوط!!! -

-

دا أنا اللي هايجيني العصبي -

-

-

-

المواضيع المتشابهه

انا جربت قفل الدركسيون

جربت تجدد ايه في بيتك بنفسك ؟؟ انا جربت و ادي النتيجة

جربت زيت valvoline

جربت تحط استيكر؟؟؟؟؟؟؟؟؟؟؟؟؟؟؟؟؟

جربت تحط استيكر؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة