معلومات تهمك عند تركيب فوانيس شبوره في صني Ex

**aboezz44** · 15-01-2009 11:32 AM

المشاركة الأصلية كتبت بواسطة medoooooo

معلش انا ركبتهم عند محل اسمو باور ماكس وراء التوحيد والنور اللى فى مصطفى النحاس مش فى شارع دمشق انا اتلخبط معلش .. بس وكانت تكلفت التركيب على حسب ماتدى للراجل اللى بيركبلك 10 جنية ولا حاجة برحتك يعنى والفوجات انا جبتها ب 325 جنية وركبت جهاز زينون فيهم شكلهم تحفة بصراحة مع الرينجات.

الله يباركلك
متشكرين جدا على ردك السريع
وعذرا لكثرة الأسئله ؟
بس انا طمعان فى كرم حضرتك ترد على الأستفسارين دول

1- وركبت جهاز زينون فيهم ؟؟؟
حضرتك جبته منين وبكام واحتاج كتاوت ولا لأ

2-شكلهم تحفة بصراحة مع الرينجات ؟؟؟

حضرتك تقصد الرينجات الى موجوده اصلا فى فانوس العربيه ولا حضرتك عملتلها رينجات زى الى موجوده فى BMW

وجزاك الله خيرا

اخوك / احمد عزالرجال

لكى الله يا غزة

**ahmed_su** · 15-01-2009 11:46 AM

شكرا على المعلومات القيمة

**medoooooo** · 19-01-2009 01:08 PM

باور ماكس دة محل وراء التوحيد والنور اللى فى تقاطع مكرم وركبهملى بس انا اشتريتهم من شارع دمشق

**kshahin** · 19-01-2009 02:54 PM

ياريت توصف لنا المحل اللى اشتريت منه الفوجات وسعر الزينون .

**aboezz44** · 21-01-2009 09:59 PM

الزينون صينى ب500جم

الفوجات من عند اى محل اكسسوارات ويتراوح سعرها ما بين 250-275جم

**kshahin** · 22-01-2009 09:37 AM

معلش انا تعبتك من كتر الاسئلة ...
يترى ركبت كتاوت للفوجات ؟

**medoooooo** · 22-01-2009 11:20 AM

لا مش محتاج تركب كتاوت ولا حاجة خالص لان والزينون ب 500 جنية صينى بس جامد اخر حاجة ولونة تحفة

**aboezz44** · 03-02-2009 10:58 AM

الخلاصه
انا زى ما أوضحت قبل كده انى اشتريت الفوج لايت من المنصوره ب 250جم وجاى معاها كل حاجه الزرار والضفيره وكل الحبشتكانات بتاعتها
اخدتهم وعملت بنصيحة اخويا وحبيبى الأخ medooo
وطلعت بيهم على باور ماكس الى فى الشارع الى ورا التوحيد والنور الى فى مصطفى النحاس عند مكرم عبيد
(33 ش عبدالحكيم الرفاعى الموازى لمصطفى النحاس)
الميزه الى عند الناس دول ان محمد الصنايعى الى هناك ركبهم قبل كده ل3عربيات صنى وانا كنت الرابع ودا ظهر فعلا انه كان عارف هوه رايح فين فى العربيه يعنى ما بهدلش حاجه ودى انا شايف فعلا انها اكبر ميزه لأنى قبل ما اروحلهم
لقيت فيه محل اكسسوارات كبير جدا وعنده صنايعيه كتار فسألته حضرتك ركبت الفوج لايت للنيسان قبل كده قالى طبعا اكيد منطقى وكل عبارات التأكيد والثقه قولتله اتوكل على الله وركب لقيته مسك العلبه بتاعت الفوج لايت مش عارف ياعينى الفرق بين الضفيره والكتاوت ومش عارف هيركب الزرار فين قولتله متشكر جدا وكفى الله المؤمنين شر القتال
ورحت طالع على باور ماكس الراجل الطيب الى هناك ما أخدش فى تركيبهم 20 دقيقه وكان الحوار خلصان
بس كان فيه مشكله انه كان بياخد الكهرباء للفوج لايت من على فيشة الكنترول (الكمبيوتر)بتاع العربيه الى هيه الفيشه البيضاء الكبيره الى هتلاقيها اول ماتفك الغطاء الى تحت الدركسيون ودا خطر جدا اللعب فى المنطقه دى وانا لما شكيت فى الأمر كلمت مهندس الكهرباء بتاع التوكيل وشرحتله القصه قال ممنوع حد يجى مكان الفيشه دى بالذات لو عايز تاخد كهرباء من العربيه للفوج لايت هتلاقى فيه سلك طخين ابيض فى ازرق تحت علبة الدريكسيون دا تاخد منه كهربه زى ما انتا عايز مافيش اى ضرر على العربيه ودا الى انا الحمد لله خليته عمله فأرجو من الأخوه الى ركبوا الفوج لايت قبل كده يتأكدوا من انهم مش واخدين كهرباء من فيشة الكنترول ولو كانوا وقعوا فى الغلطه دى يفكوا التوصيله دى ويأمنوا الفيشه دى تانى ويأخذوا الكهرباء من السلك الأبيض فى الأزرق وعلى فكره قصة السلك الأبيض فى الأزرق هى دى التركه الى ماحدش كتير من الكهربائيه يعرفها وهوه دا السر الى التوكيل بيحتفظ بيه لنفسه .
بس بصراحه مش خساره اى فلوس فى موضوع الفوج لايت دا كفايه انه زود الأضاءه وقفل الأكصدام .
وانا تحت امركم فى اى استفسار
والله المستعان

**aboezz44** · 03-02-2009 11:13 AM

المشاركة الأصلية كتبت بواسطة medoooooo

باور ماكس دة محل وراء التوحيد والنور اللى فى تقاطع مكرم وركبهملى بس انا اشتريتهم من شارع دمشق

حبيبى
انا روحت امبارح باور ماكس وركبت الفوج لايت عنده
بس كان فيه مشكله انه كان بياخد الكهرباء للفوج لايت من على فيشة الكنترول (الكمبيوتر)بتاع العربيه الى هيه الفيشه البيضاء الكبيره الى هتلاقيها اول ماتفك الغطاء الى تحت الدركسيون ودا خطر جدا اللعب فى المنطقه دى وانا لما شكيت فى الأمر كلمت مهندس الكهرباء بتاع التوكيل وشرحتله القصه قال ممنوع حد يجى مكان الفيشه دى بالذات لو عايز تاخد كهرباء من العربيه للفوج لايت هتلاقى فيه سلك طخين ابيض فى ازرق تحت علبة الدريكسيون دا تاخد منه كهربه زى ما انتا عايز مافيش اى ضرر على العربيه ودا الى انا الحمد لله خليته عمله فأرجو منك انك تروحله تانى وخليه يفك التوصيله دى ويأمن الفيشه دى تانى ويأخذ الكهرباء من السلك الأبيض فى الأزرق
زى ما عملى قوله زى العربيه النبيتى بتاعت المنصوره
اوعى تكسل يا ميدو لو اكتشفوا انك لعبت فى الفيشه دى فى التوكيل هايطلعوك من ضمان الضفيره الى هيه ب 17000جم وعلى فكره فيشة الكنترول دى ب6000جم
وعلى فكره قصة السلك الأبيض فى الأزرق هى دى التركه الى ماحدش كتير من الكهربائيه يعرفها وهوه دا السر الى التوكيل بيحتفظ بيه لنفسه .

وانا تحت امرك فى اى استفسار
والله المستعان