مساعدة في تسعير bmw 318 مو 2004

**shark_3li** · 02-01-2009 03:21 PM

السلام عليكم ورحمة الله.
اخب اشيد بالمنتدي ده لانو فعلا في كل حاجة محتاجها عن اي عربية و طبعا ده بفضل الاعضاء المتميزين الي فيه.مش عايز اطول عليكو.
سؤالي عن سعر bmw 318i موديل 2004 هي فيها كل الكماليات ما عدا فتحة سقف.انا كنت جايبها مستعملة سنة 2005 و هي دلوقتي عاملة تقريبا 80 الف كيلو.انا حاليا محتاج ابيعها بس عشان مخسرش فيها كتير لاني كنت شاريها ب 280 الف فكنت عايز اعرف هي تجيب كام دلوقتي.يا ريت حد يفيدني.

**speed4speed** · 02-01-2009 09:23 PM

والله يا اخ شارك انت حتخسر كتير حتخسر كتير لا محاله
فى اقتراح .. انت لو حتنزل من بى ام و ركبت بى ام مش حتس بفرق خساره كبير يعنى ممكن تدخلها فى 520 موديل 99 او 2000 بدون فرق
الى يركب بى ام صعب يستريح فى عربيه تانيه غيرها و خاصة ان مواتيرها جامده يعنى الى انت راكبها2000 سىسى حتلاقيها 143 حصان يعنى لو ركبت عربيه تانيه حتحس ان موتورها ضعيف باستبعاد كل من هوندا و مرسيدس

**shark_3li** · 02-01-2009 10:25 PM

متشكر جدا علي الاهتمام يا سبيد.انا فعلا كنت قررت اشتري مرسيدس c200 بس انا كنت عايز اعرف بس هي البي ام تجيب كام دلوقتي عشان هاجيب المرسيدس لما ابيعها ان شاء الله.

**speed4speed** · 02-01-2009 10:40 PM

هو فى ظل الركود دلوقتى اعتقد لو 140 الف يبقى كويس و سعر اعادة البيع فى البى ام مش زى مرسيدس
مرسيدس اسعارها بيبالغ فيها يعنى c200 موديل 2000 ممكن تلاقيها اغلى من عربيتك بكتير قوى و كمان لو c180 برده حتكون غاليه
مش عارف اقلك ايه بصراحه .. صعبان عليا تسيب بى ام و فى نفس الوقت مش عايزك تخسر كتير

**shark_3li** · 02-01-2009 10:47 PM

علي فكرة انا قصدي علي مرسيدس موديل 2009 بس باين من كلام حضرتك ان البي ام مينفعش تتباع بالنسبة للسعر اللي حاتجيبه ده.حاجة تزعل.يعني انت رايك احتفظ بيها احسنلي؟

**speed4speed** · 02-01-2009 11:00 PM

بص يا زميلى العزيز
انت ممكن تركب من عربيتك دى بى ام زيرو !!! بس الفكره ازاااى ...
انت تعيش فى البى ام تبدل بأ520 زى مقلتلك قبل كدا و نظرا لاختلاف اسعار المستعمل بالنسبه لمعظم الناس ممكن تدخل ال 520 فى 116 و من ال 116 ل 316 الشكل الجديد و تطور نفسك لحد ما تركب أخر شكل فى اواخر الموديلات
بس حركه زى دا مش حتتعمل بين يوم و ليله حتخدلها على الاقل سنه و انت و ظروفك ( ممكن ربنا يكرمك بدرى بدرى )
الفكره عندك و احسبها بدماغك , و اعقلها و توكل على الله

**shark_3li** · 02-01-2009 11:32 PM

هي بصراحة فكرة تحفة بس حاسس انها مش مضمونة.خصوصا مع التغيرات الي بتحصل في سوق العربيات.يعني لو تلاقي المستعمل غلي و الزيرو رخص و شوية العكس.هو حضرتك مجربها؟

**speed4speed** · 02-01-2009 11:59 PM

هو حضرتك مجربها؟

اه انا ماشى كدا طبيعى بجيب العربيه و ازبطها و استخدمها شويه و اول زبون حلو لو حتى تانى يوم (س بشرط تكون البيعه حلوه )
حاجه سهله و مبتخدش منك وقت و اهه بتكسب