تسعير عربيتى فكترا 96 فراشه

**mxz911** · 03-01-2009 05:31 PM

اعتقد ان سعرها كويس كده ف الوضع الحالى

احمد ربنا يا باشا على المبلغ وهوه تمام جدا :)

**Ahmad Allawy** · 03-01-2009 05:44 PM

ليه يا جماعه..
انا مستغرب بس علي حاجة..
هو السوق وقع علي الفيكترا بس..؟؟
اشمعني الكورولا مثلا و اللانسر.. الناس لسة بتتكلم في 48-50 الف.. في عربيات 1300 سي سي.. و مش في قوة و شدة الفيكترا.

**muhmado_furp** · 03-01-2009 05:52 PM

المشاركة الأصلية كتبت بواسطة Ahmad Allawy

ليه يا جماعه..
انا مستغرب بس علي حاجة..
هو السوق وقع علي الفيكترا بس..؟؟
اشمعني الكورولا مثلا و اللانسر.. الناس لسة بتتكلم في 48-50 الف.. في عربيات 1300 سي سي.. و مش في قوة و شدة الفيكترا.

أتفق معاك بشكل كبير جداااااااااا
ومش عارف هوس المصريين بالانسر والتويوتا
علي الرغم من وجود سيارات اخري افضل منها في نفس الفئات الي حضرتك ذكرتها

**Ahmad Allawy** · 03-01-2009 06:00 PM

عموما.. مش هاتكلم كتير عشان العربية اتباعت اصلا..
و ربنا يبارك للي باع و للي اشتري..

**goofy_in_love** · 03-01-2009 08:31 PM

شباب الاوبل من زمان سوقه تقيل شويه في البيع انما الانسر و التويوتا اعاده البيع بتاعتهم قويه مع انهم فعلا مش في قوه حاجات تانيه كتير زي الفولكس و الاوبل و دا علي سبيل المثال مش الحصر بس احنا اللي بنعمل كدا مش السوق و اكبر دليل علي كدا اللي حاصل للرينو ميجان بجد العربيه ماتت في السوق خالص مش عارف ليه

**kliken** · 03-01-2009 09:18 PM

استاذ احمد المشكله مش انى مزنوق فى فلوس بس عاوز اركب عربيه جديدة بصراحه و انا لفيت كتير على معارض و قلت لاصحابى ان لو حد يعرف حد عاوز اوبل بس المشكله ان فعلا محدش عاوز يركب اوبل و اى معرض يقول حسن بضاعه و مش حسن سوق حاجة تخنق و بجد انا كنت زعلان جدا و حاسس انه قليل جدا بس هعمل ايه بقى عامه لسه الراجل هيخلص معايا بكرة انا النهاردة نزلت جبت شهادة المخالفات و ضيعت اليوم كله فى المرور حاجة تخنق

**Ahmad Allawy** · 04-01-2009 10:59 AM

عموما.. كل شيء نصيب..
ربنا يوفقك ف الجديد ان شاء الله..

**halimo** · 08-01-2009 12:13 AM

ربنا يكرمك ويباركلك بس هو دة سعرها فعلا لان الالمانى قطع غيارة غالية فسوقة تقيل الحمد للة.... فى الظروف دة ماحدش عارف يبيع اصلا فكر فى خطوتك المقبلة بدقة وربنا يكرمك.