الريموت مبيفتحش الشطنة

**eldoksh87** · 02-01-2009 05:48 PM

انا ركبت انذار للعربية وفي الكتالوج بتاع الانذار موجود ميزة فتح الشنطة من الريموت عن طريق الضغط 5 ثوان علي زرار الفتح unlock بس للاسف الميزة دي مش شغالة عندي:K_crying[1]:
ياتري اية السبب ممكن تكون وصلة ولا حاجة مش متركبة
ولا اصلا الانذار اي كلام ودة كلام جرايد زي مبيقولو

**ecybrarian** · 02-01-2009 08:33 PM

عربيتك نوعها ايه؟؟ اسمح لي اوضح لك.. فتح الشنطة يتم عن طريق احدى طرقتين. الأولى عن ميكانيكية، يعني عن طريق شداد (من الداخل أو الخارج) وفي الحالة دي الريموت مش هاينفع يفتح الشنطة.
والطريقة الثانية كهروميكانيكال، يعني في relay كهربا هو إللي بيفتح المسوجر بتاع الشنطة. يعني هاتلاقى زرار زي زراير التابلو هي إللي بتفتح الشنطة من الداخل (مثلا). دي الحالة إللي ممكن تخلي الشنطة تفتح من الريموت

**hanystar** · 02-01-2009 11:21 PM

المشاركة الأصلية كتبت بواسطة ecybrarian

عربيتك نوعها ايه؟؟ اسمح لي اوضح لك.. فتح الشنطة يتم عن طريق احدى طرقتين. الأولى عن ميكانيكية، يعني عن طريق شداد (من الداخل أو الخارج) وفي الحالة دي الريموت مش هاينفع يفتح الشنطة.
والطريقة الثانية كهروميكانيكال، يعني في relay كهربا هو إللي بيفتح المسوجر بتاع الشنطة. يعني هاتلاقى زرار زي زراير التابلو هي إللي بتفتح الشنطة من الداخل (مثلا). دي الحالة إللي ممكن تخلي الشنطة تفتح من الريموت

كلامك صحيح
شوف الشنطة عندك بتفتح كهربا واللا شداد
ولو بتفتح كهربا يبقى الراجل اللى مركبلك الإنذار نسى يعمل التوصيلة الخاصة بفتح الشنطة من الريموت .

**Ahmed Sharaf** · 05-01-2009 10:44 AM

المشاركة الأصلية كتبت بواسطة eldoksh87

انا ركبت انذار للعربية وفي الكتالوج بتاع الانذار موجود ميزة فتح الشنطة من الريموت عن طريق الضغط 5 ثوان علي زرار الفتح unlock بس للاسف الميزة دي مش شغالة عندي:K_crying[1]:
ياتري اية السبب ممكن تكون وصلة ولا حاجة مش متركبة
ولا اصلا الانذار اي كلام ودة كلام جرايد زي مبيقولو

ارجع للى ركب الإنذار وهو هيركب قربة للشنطة وبيوصلها بالإنذار بحيث انها تفتح من الريموت وكمان ممكن يعملك زرار داخلى عند التابلوة يمكنك من فتح الشنطة من الداخل - دة لو معندكش شداد - انا عملت الحكاية دى فى عربية فيرنا.