سؤال عن مقاسات البناطيل الجينز خاص بالرجال

**SHLD** · 03-01-2009 09:52 AM

لو سمحتم يا جماعة عندي سؤال بس عن المقاسات لاني بلبس بناطيل جينز لو جبت مقاس 38 ما برتحاش فيه بحس إنه واسع شوية ولوجبت مقاس 36 بيبقي ضيق خاصة إن أنا ساعات بزيد وبنزل فيا تري ما فيش بناطيل مقا 37 فردي يعني ولو في يا تري أنها ماركة

**mbisar** · 03-01-2009 03:47 PM

لأ معتقدش ان فى 37 بس هو الموضوع بيختلف حسب الماركه يعنى ممكن ماركه يبقا 36 هو هو 38 فى ماركه تانيه و العكس صحيح يبقا افضل حل هو انك تجرب كذا نوع و بعدين متاخدش الواسع خد الضيق لأن الجينز بيفرد مع الوقت يعنى كده افضلك ال 36 عموما

**HeMa_LanCeR** · 03-01-2009 03:51 PM

في ياباشا 37 بس بيكون شبابي طبعا
وممكن فعلا تجيب 38 بس بيكون ضيق او العكس حسب الموديل

**essam_virus** · 04-01-2009 12:14 AM

انتا ممكن تجيب 38 وتخلي المحل يضيقه في الورشه بتاعته......

**MoMohsen** · 04-01-2009 12:38 AM

الجينزات مقاساتها زوجى ولكن بتفرق من نوع لاخر يعنى فى انواع بتبقى حجر ضيق فممكن تلبس فيها مقاس اكبر من مقاسك و فية بنطلونات حجر واسع و دية بتلبس فيها مقاس اقل.
وفعلا الجينز بيفرد مع الوقت بس طبعا متجبهوش ضيق اوى عشان تعرف تلبسة لحد ما يفرد:k46:

**michohat** · 04-01-2009 12:39 AM

نصيحه اخ بلاش الجينز الضيق (بيسبب مشاكل بعدين)

**marsguy** · 04-01-2009 12:39 AM

انا أكتر مقاس مناسب لي هو 33، هو موجود بس نادر أوي لما بالاقيه.

زي ما الإخوه قالولك ممكن الماركه تفرق أو قصة البنطلون تفرق.

**Boody8882** · 04-01-2009 02:14 AM

سبحان الله

**bemocarlo** · 04-01-2009 04:04 AM

في الماركات المحترمه بتلاقي ال size الواحد منه 3 انواع.
s ومعناه short
R ومعناه regular
L ومعناه long
شوف انته بتلبس 36 s اوR اوL
bemo,ire

**thegoodhacker** · 04-01-2009 10:22 AM

للاسف مفيش مقاسات فردي ..... المشكلة بتاعة مقاسات الجينز حاليا ان موديلات الجينزالجديدة بتبقي معظمها Straight ودي بتبقي حجرها اصلا ضيق المفروض انه بيناسب اوي الناس الرفيعة انما الناس المليانة يعني مقاسات اواخر التلاتينات و الاربعينات لازم يلبسوا مقاس اكبر بدرجة من المقاس بتاع الموديلات الواسعة بتاعة زمان....
لو بتحب تلبس LEVI'S يبقي اشتري الموديل 507 وان شاء الله يريحك لان حجره معقول....