زيستافا

**lancerevolution** · 06-01-2009 10:20 AM

المشاركة الأصلية كتبت بواسطة noni67

خد يا مان اتفرج وادعيلى
http://images.search.yahoo.com/searc...b&fr=yfp-t-501

تعبتنى يا رجل

المهم بقى ممكن أعمل إيه دلوقتى فى الموتور على خفيف لحد لما أسقط لها موتور انا كنت بفكر أركب خرطوم"زى الى رايح لفلتر الهوا " يسحب الهوا و يدخله على الكربراتير و أعمل فتحتين فى الجنب زى الأودى R8 و البورش يعنى ممكن تتلط منهم

**Adham** · 06-01-2009 10:42 AM

في بورسعيد اسمها بنك الإسكان

اول ماتخش و تعدي كوبري الرسوة خش شمال

**hazzan32** · 06-01-2009 08:56 PM

المشاركة الأصلية كتبت بواسطة magyver

المنطقة اللي في بورسعيد اسمها بردة الحرفيين

مكانها فين يعنى ف بورسعيد

**kaboo4** · 12-01-2009 01:52 PM

انا رائى من برة ممكن تركبلها جنوط 13 و كوتش عريض و تدهنا لون ميتالك اسود مثلا و متعملش فيها اى تعديل كبير تحاول تخليها على شكلها الاصلى بس تجددها اكنها لسه خرجة من المعرض ممكن بس تعدل فى الفوانيس من جوة بس متعدلش فى الشكل الخارجى و الاكصدام النيكل تلمعوا كويس بالنسبه لجوة العربيه انت حر ممكن تعمل الى تحبه بس تحطلها طقم صوت حلو و تحاول تخلى التبلوة زى بتاع المينى كوبر القديم شكله محترم و كلاسك زى العربيه
اما المتور ممكن تركب متور 127 توب سبور حيخليلك العربيه طيارة و طبعا غير العدادات و ممكن تركب فلتر هوا و بوجيهات رياضيه و حافظ عليها حجمها يخليها عمليه فى شوارع مصر و المشواير الصغيرة

**lancerevolution** · 14-01-2009 10:18 PM

شكرا على الإقتراح بخصوص شكل العربية من بره فعلا لما بتبقى شكل الأصلى بتبقى أقيم بس موتور 127 مش تعبان شوية ولا حيبقى حلو عليها

**elgamal** · 14-01-2009 11:53 PM

حرام عليك تصرف عليها انت شكلك غنى انا اشتريت واحدة من سنه ونصف ب 1500 جنية وصرفت عليها 11600 جنية وبقت حكاية وهما 6 شهور وبعتها خربانة ب 2500 جنية مع العلم ان كنت مسقط فيها موتور لانشا 2000 سىسى وشوية شغل جامد جدا
من الاخر كبر دماغك منها ومتعملش فيها حاجة خالص وخليهلهم عشرة عمر
م / محمود الجمال

**lancerevolution** · 15-01-2009 09:20 AM

إيه ياعم الإحباط دا إن شاء الله ربنا حيسهلها و كله حيبقى تمام
بس الموتور ال2000 دا كبيييييييييييييييييير أوى عليها
أنا بقى عندى سؤال فى الحتة دى لما ركبت الموتور الى أكيد أكبر من الى موجود عملت تعديلات إيه فى العربية

**lancerevolution** · 15-01-2009 09:24 AM

و منكم نستفيد

**kaboo4** · 15-01-2009 12:59 PM

لا طبعا متور ال 127 حلو جدا عليها لان العربيه اخف و اصغر و بعدين فيه متور 127 ال 1050 سىسى
الى كان نازل فى الاسبور بابين دة حيبئى حلو اوى عليها
و بعدين حيخيلها متفقدش مميزتها المفروض العربيه دة الميزة بتعتها رقم واحد انها تكون موفرة فى البنزيم
ممكن تقول ان المتور دة مميزاتة
1- اقوى من المتور بتعها الاصلى كتير
2- موفر فى البنزيم
3- قطع غيارة متوفرة و رخيصة
4-مش غالى بالتالى احسن ما تجيب مواتير احجمها كبيرة و تحتاس حتركبها ازاى و تعد تصرف على الفاضى
5- و بعدين رائى اجاملى التعديلات بعد المتور و الدهان و طقم الصوت و كل الى بتحلم فى المفروض ميزدش عن 5000 جنيه يعنى اعملها ميزانيه متحولش تزود عليها جنيه و ادفع الفلوس فى تظبيط العربيه ميكانيكا كفايه على الشكل دهان نضيف و سمكرة محترمة علشان تلاقى فلوسك على الاقل متقفش منك و هى شكلها حلو و متحتش متور اكبر من كدة علشان الشاسيه يستحمل و العربيه متفكش منك

**hazzan32** · 17-01-2009 02:03 PM

المشاركة الأصلية كتبت بواسطة elgamal

حرام عليك تصرف عليها انت شكلك غنى انا اشتريت واحدة من سنه ونصف ب 1500 جنية وصرفت عليها 11600 جنية وبقت حكاية وهما 6 شهور وبعتها خربانة ب 2500 جنية مع العلم ان كنت مسقط فيها موتور لانشا 2000 سىسى وشوية شغل جامد جدا
من الاخر كبر دماغك منها ومتعملش فيها حاجة خالص وخليهلهم عشرة عمر
م / محمود الجمال

طيب هو ايه الى حصل فيها أصل الزيستافا لما يركبلها 2000 سى سى لازم يتعملها حاجات تانيه عشان الموتور ده شديد