سؤال لكل المهتمين برياضة السيارات في مصر؟

**عزوز** · 12-08-2007 06:00 PM

السلم عليكم ورحمة الله وبركاته
يا جماعة انا عايز اسأل احنا ليه في مصر رياضات السيارات مستواها متدني اوي كدة بمعني ان مالهاش نصيب كبير بين باقي الرياضات علي الرغم من تزايد اعداد محبي السيارات في مصر يعني مثلا زي دول الخليخ انا باشوف برامهم ومسابقتهم علي قناة جير وان حاجات في منتهي الروعة وأحنا منقلش عنهم بل بالعكس احنا عندنا هنا مهارات ممتازة في القيادة بس محتاجين الفرصة والمجال لأثبات نفسهم بيتهيألي الموضوع ده مهم يا جماعة وأحنا مش قليلين برده مش كدة ولا ايه

**dental_h** · 12-08-2007 06:18 PM

l2nna bbasata ma3andenash 3rbiyat tst7ml el klam dh :!: :!: :!: :!: :!: :!:

**عزوز** · 12-08-2007 09:02 PM

اولا شكرا علي الرد بس بالعكس مين اللي قال كدة احنا دلوقت عندنا الكفاءات والامكانيات اللي بيها ممكن ننافس وبغض النظر عن امكانيات السيارات عندك موضوع تعديل السيارات انا شايف برده ان مصر رصيدها ضعيف في الموضوع ده

**محمد البحيري** · 12-08-2007 09:07 PM

في نقطه احب اوضحها
بره العربيه الستوك الي تمنها 9000 دولار بيتصرف عليها 30000 دولار علشان تتعدل
مابالك العربيه هنا تمنها 100000 عايزه اد ايه علشان تتعدل0000 :?:
التعديل الحقيقي مش بالساهل احنا اخرنا بنرش ونلزق استيكر ونوطيى العربيه وبالكتير بنسقط موتور

**hazem_khidr** · 12-08-2007 11:55 PM

الموضوع مش موضوع تعديل او سواقين الموضوع اكبر من كده بكتير.
اي فريق او اي سائق لابد من شركات كبيره لتمويله و الشركات دي بتصرف ك نوع من الدعايه غير كده ان بيعود ليها نفع جامد جدا لو حققت بطولات او انتصارات.
الخلاصه رياضه السيارات محتاجه دعم مادي و تقني عاليين جدا لو اتوفرو من اصحاب الشركات الكبيره ممكن الرياضه دي تهر و تتالق في مصر مش زي الوضع الحالي .