الام بى فور بيفصل مع الشاحن

**ابوهاشم** · 03-01-2009 01:50 PM

السلام عليكم
انا جبت ام بى فور جديد ووصلته على الكاسيت على وصلة سى دى ان واشتغل زى الفل وكمان جبتله اكولايزر منفصل عن الكاسيت وسماعتين خاصيت بيه
علشان يبقى الكاسيت لواحده والام بى فور لواحده وبرضه اشتغل زى الفل
المشكله انى لو ركبت شاحن الام بى فور فى العربيه الام بى فور بيفصل على طول ومايرضاش يشتغل ابدا والكلام ده بيحصل سواء كان شغال على الكاسيت او الاكولايزر جربت اشغله على عربية واحد صاحبى اشتغل كويس جدا والشاحن راكب فهمت ان اكيد فى عيب فى الكهرباء اكيد ياريت اهل الخبره يفيدونى ايه السبب بالظبط لانى روحت لكهربائى وشرحتله القصه كلها كشف على الولاعاه والكهربا بتاعت العربيه وقاللى التوصيلات سليمه

**KoDaK_Gti** · 03-01-2009 02:06 PM

ممكن تلاقى الكهربا بتاعة الولاعة ضعيفة او سلك الارضى بتاعها ضعيف

**ZAKI32** · 03-01-2009 09:53 PM

المشاركة الأصلية كتبت بواسطة kodak_gti

ممكن تلاقى الكهربا بتاعة الولاعة ضعيفة او سلك الارضى بتاعها ضعيف

تمااااااااام انا كان عندى المشكل دة. رحت للكهربائى ظبطلى وصلات جديدة للولاعة من اول وجديد على نضافة وشغالة زى الفل.

لية سؤال بقة انت جبت الام بى فور بكام ونوعه ايه والميمورى اد اية.

ولية سؤال يا kodak_gti عايز اعرف سعر البايونير اللى فى الصورة الى انت حاططها واجيبه منين

**ابوهاشم** · 04-01-2009 12:45 AM

الام بى فور نوعه ديجتال بلير وسعره 100 جنيه ومساحته 1 جيجا
وعلى فكره هو كمان فيه راديو fm

**ابوهاشم** · 08-01-2009 01:57 PM

الحمد لله روحت للكهربائى وحل المشكله
والمشكله هى ان ماينفعش اشغل ام بى فور على وصلة سى دى ان
وهو قاللى هات شريط وهمى ولما جبته ووصلته ووصلت الشاحن اشتغل زى الفل اما وصلة السى دى ان علشان اوصلها يشتغل عادى بس من غير مااوصل الشاحن فى الولاعه