الموضوع: اعتراف من مالكي كورولا جنوب افريقيا بعيوبها امام الله

المشاركة الأصلية كتبت بواسطة momo10000

استاذي الفاضل zarkoor

اسمحلي عن حياء اوضحلك نقطة مهمة جدا واعتقد انها سقطت من سيادتكم سهواَ.....

الا وهو واحد من اهم ادوارمنتدنا الحبيب....

التوعية .... نعم .. التوعية لاي حد بيفكر يشتري عربية جديدة ...بالايجاب والسلب...

لان ببساطة شديدة مش كل الناس بتعمل التست درايف.. وعندي شخصيا عشرات الحالات...

كلهم بيرحوا علي اسم وسمعة العربية...

زي السيفيك والكورولا واللانسر والجيتا والاوكتافيا .....العربيات دي فعلا الناس بتشتريها من غير تست درايف...

هنا لازم نقول ونتكلم ... يا جماعه... الفتيس في نتشة ... اللي عندة عادي مفيش مشكلة ...واللي محسوك لازم يعرف ..

مع احترامي لكل الملاك دا الصح...

علي الجهة التانية... في عربيات لازم تتجرب ...زي الميجان علي الاخص والفرنساوي بشكل عام..

يكاد ان يكون مستحيل ان حد مركبش العربيات دي قبل كدة، يكون اشترها من غير تست درايف... دا الطبيعي..

انا شخصيا مازلت مصمم ان الناس تيجي المقابلة اللي جاية وتوضح اللبس عشان يبقي دور المنتدي في مسارة السليم تجاة السادة الاعضاء...

ومن هنا بأكدلك سيدي الفاضل ان مفيش حد من ملاك الكورولا حيجي
لاثبات العكس...

وبكرة تشوف يا سيدي الفاضل..

علي المقابل .. اما شاركي طلب ان ملاك الميجان يحضروا ... حضورا حوالي 15 مالك بعربيتة الميجان... اعتقد لو العربية فيها مشاكل اكيد كل واحد اعتذر بشكل او اخر لحفط ماء الوجة... ولكن تقريبا الكل حضر... موديلات 2005 و2006 و2007 و2008 ..دا يدي لحضرتك انطباع ان الميجان مفيهاش مشاكل...

انا والله العظيم مش بقارن .. بس علي سبيل المثال اللي انا عايشة..بحكم من ان ملاك هذة السيارة (الميجان) .. ويهمني جدا بحكم ان في كتير جداجداجدا من الناس بيرجعولي في شراء العربيات لازم يكون عندي المعلومة الصادقة ..

سيدي انا والله مش بجادل او بفتح نقاش او خلافة.......

انا باكد علي دور المنتدي اللي بنتحمل مسئوليتة بحكم ان احنا اعضاءة.

ولك كل الشكر والتقدير

كلام حضرتك مظبوط و يستحق التقدير ... :k32:

أنا مش حارد عالموضوع ده عشان مش منطقى أصلا. معلش أنا باجي الموقع مرة كل شهر أو اتنين مش متابع أوي يعنى بس كل ماجي و أفتح تويوتا ألاقى نفس الكلام. بالظبط زي الأفلام الهندي:

واحد فتح الموضوع عن الكورولا الجديدة بأي سؤال أو رأي. على طول شاركي يقوم رادد رد مهاجم للعربيه. يحاول 3 أو 4 أعضاء عندهم كورولا يقولو كويسة. يقوم شاركي قايل والله يا جماعة ده مش كلامي ده كلام ناس عندها العربية و يحط 4 أو 5 إقتباسات باللون الأحمر (و غالبا بيكونوا هما هما). و يقول أوروبا كلهم بيشتكوا منها مع إنها منتشرة جدا هناك (بس واضح إن كلهم مابيتعلموش) و أنا بقول كده لأننى بسافر أوروبا كتير و شوفت بنفسي. و كالعاده الموضوع يتوه و محدش يفهم حاجه :). و دايما نفس السيناريو.

بس أنا ليا رد على الأخ اللي فاتح الموضوع ده.

المشاركة الأصلية كتبت بواسطة ihabhariri

معليش رئيي في الكورولا الجنوب افرقيا مواد الخام سيئه يوجد بها اشياء كسيره مصنعه في افريقيا بمواد خام رخيصه مسال البلاستك الداخلي رديء انا كنت اجرب السياره وعندما ركبت الكرسي فجئه لاحظت انا البلاستك المسبت عليه حزام الامان انفك من مكانه ومسال اخر فرامل السياره قطعت السرفو هيا من نوع بوش الالماني وكلنا يقول تمام هزهي جميله ولاكن الصدمه انها صيني الصنه واشياء كسيره

المشاركة الأصلية كتبت بواسطة ihabhariri

يا عم احمد انا اشتريت البلوه ديه وبعتها بعد 4 الف كيلو متر واشتريت كورولا ياباني 147000 الف جنيه بس تستاهل الفلوس مش زي التنيا الي هيا عار لتويوتا وعار لكورولا

المشاركة الأصلية كتبت بواسطة ihabhariri

طيب مشموهم انا عارف الي انتا بتقوله ده بس انا سيارتي بجنوط واي بي اس وبعدين انتا بتكلم علي كمليات مش علي عيوب جوهريه زي الفيتيس بتاع جنوب افرقيا يا اخي تغور بكملياتها المهم راحت البال الي في الياباني الي مفيهاش عيوب

سؤال بقى، هو إنت جربتها ولا إشتريتها، و لو كنت إشتريتها إزاي بتقول يغور الفتيس و إنت كان عندك المانيوال :)

أه حاجه تانية، أنا لو مكانك و إشتريت عربيه و طلعت زباله كده و بعتها بعد 4000 عمري ماحجيب نفس العربيه تاني ولا ياباني ولا حتي من المريخ و إلا أكون مبفهمش، إزاي حضرتك تبيعها و تجيبها هيا هيا تاني بس الياباني؟ :)

أنا لما كنت لسه بادور و باشتري العربيه شفت الأفريقي و عجبتني أوي و بعدين شوفت الياباني، قلت الحمد لله إنني ماشفتهاش الأول أصل كنت حالغيها من تفكيري أصلا. فرق كبيييييير قوي لصالح الأفريقى فى الإمكانيات. (و أيامها كانت الياباني أغلى عشان تسليم فوري) و أنا جبت الأفريقي فوري بزيادة 5000 جنيه يعنى أرخص من الياباني برضه.

على فكرة يا جماعة أنا إكتشفت عيب كبير فى التويوتا 2008 . لما بركبها كتير بعد فترة بلاقي رمل و تراب كتير بيتكونوا فى أرضية العربية واضح إن الجنوب أفريقي بتلم تراب

ملحوظه أخيرة، ياريت حضرتك تاخد دورات تدريبية فى اللغه العربيه أو أي لغة تانيه عشان بأمانه أنا أعصابي تعبت و أنا بقرأ كتابتك. و على رأي الزميل اللي قال إزاي واحد بيكتب كده يعلق على عربية؟؟ لأ و إيه أفتى إن سياسة تويوتا عاملة إزاي و إن الفتيس ده أرخص و عشان كده نزلوه يعنى ولا خبير صناعي كبير :)

أنا مش قصدي أجرح فى حد بس فعلا الواحد بيصعب عليه الحاله اللي وصلنالها لما ألاقى ناس حتى مش عارفه تكتب. لأ و غير كده بننتقد اليابان و تويوتا و إحنا مش عارفين حتى نصنع قلم رصاص عدل.

المشاركة الأصلية كتبت بواسطة tmrbaset

واحد فتح الموضوع عن الكورولا الجديدة بأي سؤال أو رأي. على طول شاركي يقوم رادد رد مهاجم للعربيه. يحاول 3 أو 4 أعضاء عندهم كورولا يقولو كويسة. يقوم شاركي قايل والله يا جماعة ده مش كلامي ده كلام ناس عندها العربية و يحط 4 أو 5 إقتباسات باللون الأحمر (و غالبا بيكونوا هما هما).

ما معنى كلامك إن غالبا بيطلعوا نفس الناس
ياريت حضرتك تتأكد قبل ما تدى معلومة غلط طالما مشمتأكد منها

المشاركة الأصلية كتبت بواسطة tmrbaset

و يقول أوروبا كلهم بيشتكوا منها مع إنها منتشرة جدا هناك (بس واضح إن كلهم مابيتعلموش) و أنا بقول كده لأننى بسافر أوروبا كتير و شوفت بنفسي. و كالعاده الموضوع يتوه و محدش يفهم حاجه :). و دايما نفس السيناريو.

مش ذنبى إن حضرتك ما بيتقرأش اللنكات إللى جبتها من أوربا إللى بتقول إن دا عيب شائع فى فتيس الـ MMT
ثم مين إللى بيتوه أنا يا بيه كلامى واضح و بجيب لينكات تاكد كلامى من بره و من جوه و من ملاكها يعنى مش بقولوا من أهوائى

المشاركة الأصلية كتبت بواسطة tmrbaset

أنا مش قصدي أجرح فى حد بس فعلا الواحد بيصعب عليه الحاله اللي وصلنالها لما ألاقى ناس حتى مش عارفه تكتب. لأ و غير كده بننتقد اليابان و تويوتا و إحنا مش عارفين حتى نصنع قلم رصاص عدل.

مش معنى انا ما بصنعش إنى أقبل حاجة مش عاجبانى

مش معنى انا ما بصنعش إنى أقبل حاجة مش عاجبانى [/QUOTE]

صح بس اللي بينقد حاجه المفروض يكون على الأقل فاهم فيها و عارف بينقد ايه. مش أقول إيه الأمريكان الأغبياء دول. دول باعتين صاروخ للقمر و حاطين أوكسجين فى التانك بدل البنزين و أنا أصلا كل علاقت بالقمر إنني باشوفه كل ليله :)

عموما أنا مكنتش أقصد حضرتك بالنقطه دي بالذات فى التعليق لأن حضرتك فاهم بس متحيز أوي أوي أوي أوي لحد بكره :)

المشاركة الأصلية كتبت بواسطة tmrbaset

مش معنى انا ما بصنعش إنى أقبل حاجة مش عاجبانى

صح بس اللي بينقد حاجه المفروض يكون على الأقل فاهم فيها و عارف بينقد ايه. مش أقول إيه الأمريكان الأغبياء دول. دول باعتين صاروخ للقمر و حاطين أوكسجين فى التانك بدل البنزين و أنا أصلا كل علاقت بالقمر إنني باشوفه كل ليله :)

عموما أنا مكنتش أقصد حضرتك بالنقطه دي بالذات فى التعليق لأن حضرتك فاهم بس متحيز أوي أوي أوي أوي لحد بكره :)[/quote]

متحيز لإظهار الحق فقط مش حاجة تانية

على فكرة يا جماعة أنا إكتشفت عيب كبير فى التويوتا 2008 . لما بركبها كتير بعد فترة بلاقي رمل و تراب كتير بيتكونوا فى أرضية العربية واضح إن الجنوب أفريقي بتلم تراب ----

انا عملت فرش جلد للارضيه ممتاز وكان عملي جدا --- وشكله رائع وجميل وكان معمول بطريقة ممتازه ...

المشاركة الأصلية كتبت بواسطة ashrafE51

على فكرة يا جماعة أنا إكتشفت عيب كبير فى التويوتا 2008 . لما بركبها كتير بعد فترة بلاقي رمل و تراب كتير بيتكونوا فى أرضية العربية واضح إن الجنوب أفريقي بتلم تراب ----

...

بصراحة يا أشرف باشا دا عيب مضحك و غير واقعى