الموضوع: اعتراف من مالكي كورولا جنوب افريقيا بعيوبها امام الله

المشاركة الأصلية كتبت بواسطة ahmed _abo samra

اول حاجه بالنسبه لمسالى التعليق على n ومش راضى ينقل العضو قالك انه كان عيب عنده وغيروله الكمبيوتر صح

بالنسبه للنتشتات اسمحلى اقولك دى مش نتشتات دى اسمها سحبه بين النقلات وليست نتشته وشتان بينهما واعتقد لما حضرتك جربتها ما لقتهاش مزعجه قوى للدرجه على es


بالنسبه لمشكله ان العربيه بتعلق على اول غيار ومش بتنقل للتانى اعتقد اننا اتكلمنا فيها فى المقابله وقولتلك ان السبب ان العربيه بتبقى طالعه مكان عالى شويه فالفتيس بيتحول الى وضع المانيوال للحصول على اعلى عزم وبعد جدا انت ترجعه اوتو تانى

بالنسبه لموضوع الزجاج والشمس والدرج بصراحه مش داخل دماغى ولا يدخل دماغ حد ولا الكاسيت بالزمه ده كلام يرضى ربنا وينفع ان حد يصدقه
وبعدين ليه حضرتك بتصدق الاقليه ومش بتصدق الاغلبيه

عموما يا جماعه العربيه والله ممتازه جدا جدا ان عندى كاوتش هو بس اللى عاوز اغيره لانه بيعمل ضوضاء جامد لانه انتنى غير كدا العربيه ممتازه ولا فيه سوء تقفيل ولا اى حاجه وعلى فكره انا مش بتكلم على عربيتى بس انا بتكلم على الجنوب افريقى كله لان اعرف ناس كتير معاهم نفس العربيه ومحدش منهم اشتكى من حاجه ابدا
ارجو الحياديه..........شوفوا طريقة كلام اللى بيوجه الكلام المهاجم وانتم تعرفوا معنى كلامى

السلام عليكم

بصراحة أنا معجب جداً باسلوب الرد بتاع أحمد مندو وأشرف وفعلاً إنت معك حق يا أحمد في موضع تناقض أسلوب العرض زي إن كان بيجربها وبعدين طلعت بتاعتو.

هي بس ممكن تكون حالة، حالة شاذة، أكيد مابين كل ميلون عربية بتنتجها أي شركة سيارات في العالم بتطلع فيها عيوب ، ممكن تكون ديه اللي طلعت من نصيبه وعشان كدة هو بقول كلام كتير عن العيوب اللي هو شافها أو ممكن يكون معرفشي يتأقلم على إن الفتس أساسو مانيوال. دة والله أعلم ، أنا بس بقول وجهت نظري.
أنا كان عندي واحد صاحبي معه كورسا سيدان زي اللي كانت معايا وكان خلاص ناوي يفجر شركة اوبل عشان العربية فيها عيوب الدنيا والاخره على عكسي خالص . اللي ما شاء الله الكورسا بتاعتي كنت بموت فيها. عادي ياجماعة بتحصل في أي مكان.

المشاركة الأصلية كتبت بواسطة محمد عز

كالعادة نحن المصريون
نفتقد الى الموضوعيه فى المناقشه
ونحب التهويل

مش كده برضه
والله عندك حق يا بشمهندس

يا اخواني على فكره اللي بيقول ان النتشه مزعجه دي
برضه ده شئ تقديري للشخص
يعني غيره ممكن يجربه ويقول عليه عادي جدا
انا والله شايف انه عادي جدا جدا
زي المانيوال بالظبط لما بتيجي تنقل بتريح رجلك من على البنزين وتضغط دبرياج وده شئ طبيعي

اما عن فائدة MMT
فمتهيألي سبق وان ذكرناها
1- استهلاك البنزين الأقل وفي نفس الوقت نفس راحة الأتوماتيك
ده غير نظام الشيفتات اللي خلف الدركسيون اكثر من رائعة
2- الاداء العالي مقارنة بأي اتوماتيك اخر

ومتهيألي الميزات دي ممكن تبقى عند ناس كتير لها اهميه
خصوصا ان غالب اللي بيشتري عربيه بيفكر الف مره في استهلاك البنزين وفي نفس الوقت راحة رجله من ضغطها المتكرر على الدبرياج خصوصا في الزحمة

لو الميزات دي مش مهمه بالنسبة لك خلاص دي مش مشكلتنا
ولكن دي ميزات اراها مهمه جدا لناس كتير
وبيدخل فيها فئة كبيرة من الناس

ده غير ان في الكورولا الياباني الخليجي بالنظام القديم العادي

يعني الموضوع مريح الكل
انا بقه عاوز اعرف الناس متضايقه ليه
واظن محدش يقولي اني متضايق لني اقل واحد شاركت في الموضوع
مش انا اللي مش سايب مشاركة الا لما ارد عليها

المشاركة الأصلية كتبت بواسطة Sharky

أبو عبدالله يا حبيبى الفتيس طلع فيه عيب فى الكمبيوتر بتاعه فى مصر و دا العيب إللى مشهور فى اوربا تخيل إنت بقى ماشى بالعربية و فجاة تلاقى الفتيس نقل على N لوحده !!!
و تقولى فى الأخر بنهول و الفتيس مافيهوش عيب !!!

تقليل إستهلاك البنزين فى مقابل الراحة !!
إزاى يا أبو عبدالله دا الفتيس بيعمل تناقض مع الجملة دى
يعنى لو عايز تقليل إستهلاك البنزين مش حتاخد راحة لغنك حتبقى ماشى على E إللى فيه نتشات مزعجة جدا
لو عايزالراحة هات ES رغم إنها مش راحة قوى لكن بتقلل النتشات شوية حتلاقى إستهلاك البنزين بقى عالى لإنه على نظام الـ Sport
يبقى النقولة دى خاطئة تماما و تويوتا بتضحك بيها على الناس

انت بتناقض نفسك يا احمد والله

منين انت جربت العربيه بنفسك ومعملتشي معاك حاجه ومنين تقولي ده عيب في الفتيس وتعممه على كل العربيات
طيب ما انت جربت العربيه ومعملتشي حاجه والناس اللي هنا في المنتدى من ملاك العربيه برضه قالو نفس الكلام وانا عن نفسي لم اقابل واحد من ملاكها اشتكى من الموضوع ده
وانا لا انكره ولكن ده ليس تعميم على الفتيس على كل العربيات وعلى الشركه كمان
خليك حقاني يا اخي

اما مسألة ازعاج وان النتشه ازاج
فأنا واحد من اللي ركبوا العربيه وشايف ان الموضوع عادي وصاحب العربيه كان شايفه موضوع عادي جدا
وملاك العربيه هنا برضه اللي قاعدين بيهاتو برضه بيقولوا عليه عادي جدا
يبقى متخليش رايك انت يمشي على كل الناس تقييمك للفتيس ليس مقياس ان يعمم على كل الناس انه مزعج
انا والله شايفه عادي جدا
وانا متاكد ان اغلب الناس اللي هيجربوه اللي معندهمشي حساسية من الكورولا لأنها مكتسحه السوق
هيقولوا عليها عاديه جدا لأنه فعلا الموضوع عادي جدا
يعني انا عاوز اسال سؤال
هو لو الواحد ركب مانيوال ولما يجي ينقل هيقول فيه نتشه وحشه
انا بستغرب انت بتخترع مشاكل من الهوا والله وده دليل نجاح لنك مش لاقي حاجه تمسكها على العربيه
وبعدين يا اخي عندك الفتيس العادي لو ده مش عاجبك
وبعدين ملاك العربيه معجبين بها اهه انا بقه مش فاهم انت عاوز توصل لأيه
مشاكل كمبيوتر ايوه ناس اشتكت منها ومعتش حد بيذكرها لأنها اتعالجت خلاص
ايه تانيه نتشه
النتشه قياس لحضرتك وليس ذلك بدليل
والدليل اي واحد يجرب العربيه يقولنا رايه ايه في النتشه المزعجه اللي احمد بيقول عليها دي

انا عاوزك تعمل استفتاء على النتشه وتشوف راي الناس اللي جربت العربيه وليس اللي سمعت وانت تعرف ان الموضوع عادي ولكن حساسيات بقه

بأمانة...ردك سليم ومقنع جدا يا شاركي ...

احمد اللنك اللي انت ماسكه ده كل شويه
واحد بس من ملاك العربيه هو اللي بيقول الكلام ده قصاد اكتر من واحد بينفي

ده غير ان كلامه كان في شهر 5 يعني اول مانزلت العربيه
ودلوقتي معناش بنسمع الكلام ده
ثانيا لو حضرتك حيادي اعملي احصائية وبلاش كلام عايم
كام واحد قصاد كام واحد

يعني بلاش كلام مرسل وخلاص
وسبق وحضرتك في مواضيع سابقه رفضت المشاكل اللي بتيجي من اوروبا ولا ايه

انا بالنسبة لي عادي ولكن بعرفك انك مقاييسك مختلفه حسب ميولك
يعني لو ميجان نرفض لو كورولا نقبل

النهاية علشان الناس بس

العربيه الأن لا نسمع عنها مشاكل نهائي
واللي عاوزها ييروح يجرب او يسأل ملاكها مش يسمع كلام وخلاص خصوصا انه ليس من ملاكها حتى لو كلامي انا

اللي عاوز يشتري يجرب العربيه ليست كما يقول عليها البعض
العربيه فعلا جيده جدا وتويوتا معروفة خصوصا الكورولا بكده
وبكره بعد سنتين هفكرك يا احمد وانا بتحدى في الموضوع ده هتشوف المبيعات عامله ازاي