-
طريقة تركيب AUX Cable لل Gen2
-
والله أنت فنان يا أخ عاطف :S_thum1[1]: أنا دايخ على الكبل ده
تحياتي لك يا جميل
gen2 lover
-
تسلم ايديك يا معلم ومتشكرين جدا على المعلومات والصور الحلوة ده
بس الوصللة الجديدة ده بعد التركيب وبعد ما ترجع كل حاجة مكانها انت طلعتها من فين ؟؟؟؟
ياريت تصورها لينا هيا كمان لو مافيهاش عزاب ليك .
متشكرين مرة تانية
-
شكرا علي هذا الموضوع الرائع وعلي مجهودك وتعبك
وجزاك الله خيرا
-
شكرا يا جماعه على الردود الجميله ده...
بالنسبه للمكان اللى بيخرج منه الكابل ...
http://www12.0zz0.com/2009/01/03/17/815971520.jpg
http://www12.0zz0.com/2009/01/03/17/554388532.jpg
نزل الكابل من فتحة السي دى و دخل ايدك من تحت حتئدر تمسك الكابل و شده...
انا عارف ان شكلها مش كويس اوى بس صوتها نقى جدا ...
وعلى فكره انا طولت الكبل بوصله تانيه ممكن تجبها من اى كهربائى و حتلاقيها رخيصه.. بس نصيحه هاتها جاهزه من راديوشاك ماسلان بتفرق .. موجده فى راديوشاك ب 49 جنيه. طولها متر و نص و ده شكلها
http://www12.0zz0.com/2009/01/03/17/490434775.jpg
http://www12.0zz0.com/2009/01/03/17/747014774.jpg
-
انت راجل 100 100..دي كمان توصيلة الميجان..التوصيلة دي standard. انا بقالي شهر بادور عليها ولفيت مصر كلها ما عدا توكيل كلاريون المهندسين ..كنت رايح بكره:satelite:
-
عاطف باشا عملت اللى عاليك وزياده شكر تاني ليك انا من اسكندرية اول ما نزل القاهره هروح علي طول بس احنا عندنا توكيل كلاريون فى اسكندرية هروح اسأل لو مالقتش هجيبه من القاهرة :satelite::satelite:
تحياتي
gen2 lover
-
بجد حقيقى موضوع فوق الممتاز تسلم ايدك . تخيل ان مافيش على النت اى موضوع بيشرح تركيب وصله ال AUX لل جين2 ابدا , الموضوع ده يعتبر انفراد :S_thum1[1]:.
غير ان اجمل حاجه انك تعميل الحاجه بايدك لانه بتكون خايف على حاجتك و بتعملها بحرص , و بتتبسط جدا بعد ماتخلص الشغل بنجاح و بتوفر عليك التعامل مع الصنايعيه و قرفهم .
تسلم ايدك بجد شرح هايل و موضوع ممتاز ينضم لباقه المواضيع المميزه عن الجين 2 فى قسم بروتون .
* حابب اضيف ان لو حد عنده مزاج عالى و رايق ممكن يعمل الموضوع ده من غير وصله التوكيل ام 75 جنيه , وصله عاديه من الى ب 2 جنيه و نقطع الطرف الاخر و تلات ترمنات صغيرين " مش عارف ترمنات بالحجم ده بتتباع فيه " بس ممكن العتبه حتلاقى فيها او النخيلى او راديو طلعت .
و الصوره موضحه اماكن التوصيل " التلات ترمنات الى على اليمين " ... هى بس حتحتاج تجربه السلك انهى سلك بيشغل السماعه اليمين و انهى الشمال .
ياريت لو حد يعمل الفكره ديه و يضرب احتكار وكيل كلاريون للوصله ديه .
-
تسلم إيدك يا باشا , بجد إنت فدت ناس كتير بموضوعك
تستحق الشكر على تعبك
-
هايل تسلم ايديك يا باشا
موضوع جميل
بش فعلا زي ما قال مهاب انا عملتها بالشكل دة
بس دي كانت اول مرة اغرف اصلا الكاسيت بيتفتح ازاي
وفعلا انا شوفت الراجل وهو بيعملهالي السنة اللي فاتت
ب 35 جنية ولحم السلكين
بس فعلا طريقة فك الكاسيت دي صحيحة 100 في 100
لاني فكيتة كدة برضة
سهل اووي بس اصعب مسمار اللي عند التكييف
ولوحد عايز يعرف مكان الراجل دة هو في مدينة نصر
في شارغ موازي لمصطفي النحاس وانت رايح علي الطيران
الناس بيقولوا علية شارع الكنيسة
وبتاع الكاسيت جنب مؤمن علطول اللي في الشارع
بس نصيحة مني بلاش تسترخص وتعمل كدة لأن الصوت
كان ساعات بيكون مش حلو اووي
ونصيحة اخري بلاش تتطول السلك حيكون شكلو وحش اووي
ومش
لازم تتطلع السلك من تحت رجليك ممكن من تحت اللي جنبك
ودة بيكون احسن ليك واريح
-
شكرا جزيلا ليك و ياريت الأداره تثبت الموضوع ده لأنه يعتبر أنفراد
-
متشكر يا جماعه على اهتمامكم بالموضوع ده.... على فكره انا طلع عينى على ما عرفت ال سي دى ده بيتفك ازاى عشان كده حتلاقى ال جزء الى تحت السي دى مخربش. بس بعد ما اتفك لقيت ان كل حاجه بعد كده سهله و قلت اصور و انا بركب عشات لقيت ناس بردو بتسأل عن الموضو ده فلى المنتدى .. وكمان ان السى دى ده audio بس يعنى مش مفيد ... و على فكره انا لقيت frame بيركب بدل السي دى عشان تقدر تركب MP3 او DVD ... وانا بدور عليه فى مصر بس مش لاقيه يا ريت لو حد يعرف مكان ليه فى مصر و ده شكله
http://cgi.ebay.com.my/ws/eBayISAPI....m=270231517525
-
متشكرين مرة تانية للرد السريع بتاعك ومتشكرين على مجهودك ونتمنى عليك يكون فيه مواضيع تانية حلوة زي ده.
-
ازيك يا اخ عاطف
بعد ما شفت موضوعك نزلت شفت التسجيل يالي عندي بالعربية وشغلتو بس ماعطتنيش على الشاشة بتاعها كلمة Aux وحاولت اني اكبس بالزراير كلها ومالقتش نتيجة !
السؤال الاول بما انك عندك اهتمام وعندك فن بالمواضيع ده ماشاء الله ايه السبب انو ماعنديش الحاجة ديه ؟ طيب ممكن لان عربيتي موديل 2007 مافيهاش مأخد الاوكس ده ؟
تاني سؤال : في زرارين ما عرفتش هم ليه اصلا , ياريت تقولي هو ايه عملهم بالزبط
اول زرار مكتوب عليه Lo
تاني زرار مكتوب عليه Ast
ومتشكر جدا ليك
-
ازيك يا alfa باشا ..المفرود تدوس على زرار MODE مره حيكتبلك CD و ملره تانيه حيكتبلك FM و مره كمان حيكتبلك AUX ... على فكره انا عربيتى زيك 2007 ... بالنسبه لى LO ده عشان حساسية البحث الزاتى للراديو on/off لو on حيقف لوحده لما يلاقى اى محطه FM ... بالنسبه AST ده بيسجل اقوى 5 محطات فى الارسال اوتوماتيك فى الميمورى من 1 الى 5
-
الف شكر استاذ عاطف, بجد شرح وافي جدا وصور واضحة , كان موضوع شاغل كل مالكين الجين تو كليهم, ربنا يعوض تعبك.
-
تم المراد من رب العباد وركبتها النهارده وبكده يبقي فكيت السي دي مرتين مره عشان الدي في دي الشماسه وAUX وركبت عليها الموبيل بقيت اتكلم واسمع من سماعات السياره وفل كونترل على الموبيل والسي دي الراديو ولقيت الوصله فى كلاريون اللى فى اسكندرية امام نادي سموحه ب 75 جنيه تحياتي :satelite: تاني يا عاطف باشا كنت بحاول ألاقيها بشمعه
تحياتي
-
مشكور يا استاذ عاطف
ولكن انا عملت زي ما قولتلي ودوست على الزرار ال Mode بس مابيعطينيش غير Cd او Fm
ملاحظة صغيرة انا عربيتي موديل 2007 جين 2 بس بسوريا مش بمصر وماعرفش اذا كانت المواصفات تفرق او متفرق مشعارف الحقيقة
بس انا كنت فاكر ان البروتون كلها زي بعض بكل البلاد
-
انا بفضل دايس على mode ثلاث ثواني بيقلب AUX جرب وقولي
-
اقتباس:
المشاركة الأصلية كتبت بواسطة aapaap855
انا بفضل دايس على mode ثلاث ثواني بيقلب AUX جرب وقولي
شكرا جزيلا على المعلومة ده
انا نزلت وجربتها ونجحت
تسلم ايديك
-
الف شكر
موضوع رائع و شامل - و فعلا كنا محتاجينه جدا
-
السلام عليكم ....
أولاً: شكرا لمجهودك جدا ....
ثانيا : سؤال جاهل منى شويه ...!!!! هى الوصلة دى ممكن استخدمها في أيه علشان أنا مش عارف؟؟؟:shyy: .....
-
-
اقتباس:
المشاركة الأصلية كتبت بواسطة alyyassin
السلام عليكم ....
أولاً: شكرا لمجهودك جدا ....
ثانيا : سؤال جاهل منى شويه ...!!!! هى الوصلة دى ممكن استخدمها في أيه علشان أنا مش عارف؟؟؟:shyy: .....
توصل عليها أم بي ثري .. أب بود .. موبايل .. اي حاجة ممكن تتوصل بالجاك اللي في الطرف التاني
-
مجهود رائع جدا جدا جدا
يا ريت فعلا الموضوع يتثبت
-
مجهود رائع وشر ح ممتاذ
الف شكر وبانتظار المزيد
-
بجد شكرا جداااااااااااا على الافكار دى و المجهود ده
-
very goog ya man, realy you was very helpfull, but this is to late!?? i already brake the hidin two nails is broen coz i did not see it, now it looks like S**t!
do not know how to fix my broken dash board?
-
thx ya basha wallahe begad mawdo3 gameeeeeeeed mooooooooot
-
انا عايز اعرف ياجماعة الوصلة دي استخداماتها ايه
-
اقتباس:
المشاركة الأصلية كتبت بواسطة mohamedwaily
انا عايز اعرف ياجماعة الوصلة دي استخداماتها ايه
الإجابه حتلاقيها فوق بكام مشاركه, أنا نقلتهالك تحت تسهيلا ليك
اقتباس:
المشاركة الأصلية كتبت بواسطة ziabassem
توصل عليها أم بي ثري .. أب بود .. موبايل .. اي حاجة ممكن تتوصل بالجاك اللي في الطرف التاني
-
فكره جبااااااااااااااااااااااا اره الف شكر
رغم انى عنى كاسيت موش سى دى وبستعمل شريط كاسيت اللى متوصل فيه سلك واخره نفس الوصله وبرضه بيتوصل زى ماحضرتك قولت
بس اعتقد ان الوصله دى صوتها انقى بكتير من موضوع الكاسيت ده
وشكرا على مجهودك الف شكر
-
:S_thum1[1]:تسلم ايديك يا باشا
-
ميه ميه والله افادكم الله
والصور جمده اوى
فعلا تقرير شامل وكامل
ربنا يجازيك خير
-
ممتااااااااااااااز بس فى صورة لفك المسمرين بتوع الكاسيت الى تحت مش موجوده
-
انت بصراحه جامد يا مان ومجهودك جامد جدا جدا جدا بس كان ممكن تجيب mb3 bluetooth احسن مكنتش تحتاج تفك الجهاز كلو كده
-
4 مرفق
والله يا جماعة انا شايف ان الواحد ممكن يوفر تمن الكابل كمان...عشان سعره مغالي فيه جدا
الواحد يشتري كابل stereo من اي حتة بـ إتنين تلاتة جنيه (ومعاه كام كليبس سماعات بكام قرش يكون علي قد ال cd player terminal -الارجل النحاس اللي خارجة من الكاسيت) ويقطع السلك من ناحية هيلاقي 3 اسلاك يحط في كل سلك كليبس ويقفل عليه بزرادية كويس(واحد ارضي وواحد للفردة اليمين وواحد للشمال)
ويحط علي كل كليبس شريط لحام زيادة في الاحتياط عشان حتي لو فك ميعملش مشاكل
واماكن كل كليبس في cd player انا رفعتها ودي انا لاقيتها في كتالوج لكاسيت blaupunkt
ولا 75 جنيه ولا حاجة هما 5 جنيه بالكتير
وربنا يسهل يمكن اوصل لطريقة اعمل بيها الجاك بتاع الكاست يبقي اظرف وان كان الموضوع مش مستاهل خصوصا ان الجهازمش بيتخرك ةالتوصيلات من ورا
-
-
بس حتلاقي التيرمنال دا فين يا معلم؟
-
السلام عليكم ورحمة الله
بداية أتقدم بالشكر الجزيل للأخ عاطف
وكتر الله خيرك على هالموضوع
بحثت كثيرا عن هذه الطريقة منذ سنتين وحتى الآن ولم أجد لا باللغة العربية ولا بالانكليزية حتى وصلت إلى هذا الموضوع الرائع والمفيد جدا .. ودعوت لك بأطيب الدعوات ووالله تستاهل كل الخير على هالموضوع.
سؤالي عن الكيبل الموجود بأول مشاركة في الصور التوضيحية .. هل هو الكيبل الرسمي من شركة blaupunkt أم هو كيبل بديل من شركة أخرى لعدم توافر الكيبل كيبل الشركة الأصلية ؟؟
سبب هالسؤال هو أني وجدت الكيبل الخاص بشركة blaupunkt وهو يأتي بلون أزرق وب 8 فتحات ( بينما هنا 6 فتحات فقط ) .. فهل يعمل الاثنان أم أن الكيبل الاصفر 6 فتحات هو الذي يعمل فقط.
وهذه صورة الكيبل الذي أتحدث عنه :
http://exclusive-part.com/bluin1.jpg
وكل الشكر للأخ عاطف مرة أخرى