الموضوع: اخيرا توصيلة Aux للميجان في مصر

شفتوا ال mini ISO connector اللى فى الكابل بكام ؟؟؟؟
http://www.nexxia.co.uk/Car_Stereo_f...Connectors.htm
هى الترامل اللى الأستاذ فرحات بيتكلم عليها هى اللى اسمها M-47-1 ؟؟؟
أنا شفتها لما كنت مع أستاذ هشام دلوقتى و فصص اللى جوا ال connector ولقيت الأجزاء المعدنية دى...

ده شكل الكابل اللى معانا...بس ال connector لونه أصفرو فيه 6 فتحات بس لأن اللى فيه 8 فتحات ده Audio / Video
http://www.audiocentrum.cz/index.php...roducts_id=155

أنا كده ابتديت أفهم....الأصفر ده مجرد حته بلاستيك تحفظ التوصيلات اللى جواه...و التى بدروها بتكون بين كابل ال audio و الterminals المثبتة داخل البلاستيك الأصفر...و فى النهاية العربية فيها ال socket بنفس الشكل بحيص القطعة الصفراء تدخل فيها....المهم ال 3 terminals يكونو مثبتين فى القطعة الصفراء فى الأأماكن المناظرة لل metal connectors اللى فى الsocket بتاعت العربية

وصلتوا يا هاني ؟

انا لسه مركبه...وزي ما قلت لك يا استاذ هاني..الـpins لازم مكانها يتغير..يطلع قدام زي ما شوفنا في العربية... ده غير إن انا قطعت الشفه الطويلة علشان يبقى التركيب سهل. الحقيقة الصوت مش وحش قوي..لكن الأفضل تغير الوصلة لو انت سميع جامد...انا فكيت الوصلة بعد ماركبتها علشان هاركب وصلة تنفع مع iPhone ايضا..لأن وصلة الاستريو إللي فيها 3 شُرط سوداء بتشتغل على الموبيلات وغيرها.

اول صورة بعد ما فكيتالـpins من connector

والصورتين التانين لما ركبت الوصلة ولما شغلتها

"الشفه الطويلة علشان يبقى التركيب سهل" اقصد الشفه في الـconnector

وعلى فكرة الكمبيوتر ده مش منظره والله. لكن انا فعلا ماعنديش حاجة تتطلع صوت ستريو غيره

المشاركة الأصلية كتبت بواسطة ecybrarian

انا لسه مركبه...وزي ما قلت لك يا استاذ هاني..الـpins لازم مكانها يتغير..يطلع قدام زي ما شوفنا في العربية... ده غير إن انا قطعت الشفه الطويلة علشان يبقى التركيب سهل. الحقيقة الصوت مش وحش قوي..لكن الأفضل تغير الوصلة لو انت سميع جامد...انا فكيت الوصلة بعد ماركبتها علشان هاركب وصلة تنفع مع iPhone ايضا..لأن وصلة الاستريو إللي فيها 3 شُرط سوداء بتشتغل على الموبيلات وغيرها.

اول صورة بعد ما فكيتالـpins من connector

والصورتين التانين لما ركبت الوصلة ولما شغلتها

بردو مش فاهيم

لسه راجع من محل clarion.....
ركبت الوصلة......
للأسف ما لخقتش أصورها أثناء التركيب لإنهم قعدوا يعملوا حوار شوية علشان يتنصلوا من مسئولية عدم توافقها مع كاسيت الميجان...
لو عايزين تعرفوا تفاصيل الحوار أبقى أحكي ليكو عليه...
المهم...الموضوع مش معقد و لا حاجة....
الconnector الأصفر ده من جواه فى 3 موصلات...و ال 3 التانيين فاضيين...
الكاسيت ال بيحتاج Blaupunkt بيحتاج الكونيكتور كامل....الميجان المكان فيها ضيق و ال pins المسئولة عن ال Aux مزنوقة....
فالحل السريع هو تكسير الجزء الغير مرغوب و اللى هو فاضى من الconnector الأصفر و إبقاء الجزء المطلوب و اللى هيتركب فى كاسيت الميجان....
بعد ما قاموا بظبط شكل الconnector ركبوه فى الكاسيت و اشتغل تمام....
ملاحظات
الdefault settings فى الكاسيت إن ال Aux بيكون OFF ....بعد شوية فعص فى الزراير بتاعت الكاسيت غيرناه ل Aux--> ON

التابلوه كله مقفل جدا....هو اقترح يخرم الجزء اللى تحت الكاسيت اللى احنا بنستعمله لكاسيت آخر أو DVD أو مجرد حتة نحط فيها المفاتيح و ال mobile لكن أنا قولتله لأ و كان عايز يدلدله من عند دواسة البنزين و برضه قولتله لأ...المهم سحبه من عند التابلوه...بس فعلا الكابل قصير على إن الواحد يتحكم فى جهاز ال MP3 اللى هيتوصل...إلا إذا كنت ناوى تحطه و تسيبه فى التابلوه فيبقى ده وضع مثالى

باشمهندس هشام....لو كنت مش هتقدر تكسر فى الconnector الأصفر قوللى و أنا أروح معاك لو حابب....و هما عارفين إن أنا واخد 3 وصلات و هما فاهمين إنى لو قابلتنى مشكلة هأرجع لهم تانى و سألونى ليه واخد 3 ففهمتهم إنى عندى 2 أصدقاء معاهم ميجان ....

الوحش أحمد عبد المقصود...أنا ظبطت شكل الكابل بتاع حضرتك...هو جاهز على التركيب.... إذا هاتعرف تركبه لوحدك و ممكن أكون معاك طبعا( كل القصة فى فك الكاسيت و تركيبه و سحب الكابل بس...الباقى أنا شفته و سهل جدا جدا ) يبقى ماشى...لو حابب تروح له لوحدك هما برضه فاهمين كده فى المحل...لو حابب آجى معاك عندهم برضه مافيش مشكلة أبدا... و بالنسبة لتوافقه مع ال IPhone فهو محتاج converter و السبب إن الفتحة بتاعت ال audio فى ال Iphone ليها 4 مخارج....2 للسماعتين اليمين و الشمال و 1 للأرضى و 1 للميكروفون...إنما ال Ipod , باقى ال MP3 Players فليهم 3 بس ( من غير ميكروفون ) علشان كده ال headphones بتاعت ال computer بتركب فيه على طول ( المهندس هشام مكى على فكرة هو اللى فهمنى الموضوع ده و هو عنده IPhone )......فبعد إذن حضرتك تقول منين جبت ال converter لما تجيبه إن شاء الله علشان أنا فى احتمال أجيبه قريب

لو فى أى استفسار من الوحوش تحت أمركم و أنا بأشكر كل اللى ساهم معانا فى الموضوع ده بنصائح أو خبرات أو آراء سديدة و ربنا يجعل العرين عامر بوحوشه...
أترككم مع الصور.....





شكل عام للكابل


شكل ال connector قبل التعديل..نلاحظ ال 6 فتحات...3 منهم به توصيلات معدنية و الباقى غير مهم




3.5 mm audio jack for all audio player NOT equipped with microphone (such as IPhone)



شكل ال connector بعد التعديل






فى النهاية أحب أطمئن السادة الوحوش بالنسبة لنقاء الصوت...فهو crystal clear ....أنا جربته على metallica ( خبط و رقع و دوشة و هى ال noise عالية خلقة ) و بعدين على michael Jackson ( آلات ذات صوت حاد و طبيعة متعددة من طبول و مؤثرات صوتية )
و إمعانا فى الاختبار..قفلت الزجاج و شغلت التكييف و كله تمام و كمان ال function بتاعت تعلية الصوت عند سرعة 90 كم/س و 140 كم/س شغالة و الcontrols ورا الدركسيون شغالة...
و إليكم فيديو لتجربة الوصلة بشكل سريع ( أنا عندى سماعة فى الباب اللى غيرته فيها زنة بسيطة )
http://rapidshare.com/files/181731920/MOV03625.MPG