الموضوع: تقييم المازدا 3 بعد 10,000 كم

المشاركة الأصلية كتبت بواسطة محمد عز

كما هى رائعة تلك السيارة....



الحمد لله والفضل لله عملت صيانة ال 10,000 كم من كام يوم

وهحاول اقيم العربيه فى صور نقاط للمميزات والعيوب من وجهة نظرى كسائق للعربيه ومالكها من 8 شهور

المميزات:
1- الشكل الخارجى المتميز
2- وضعيه القيادة المريحه ذات الرؤيه الجيدة للطريق
3- السحب القوى للموتور (وما ادراك)
4- نعومة الفتيس الاتوماتيك وسلالسة تغيير الغيارات بدون ما تحس
5- المرونة فى المناورة
6- ثباتها فى السرعات العاليه والمنحيات
7- عزل ممتاز
8- عفشه ناعمة
9- تكييف اتوماتيك قوى وفعال بصورة ممتازة
10- تابلوه فخم جدا وشيك

العيوب:
1- صوت ماكينات رفع الزجاج عالى وخشن يعنى مافيش سلاسة
2- الازاز اللى جنب السائق هو الوحيد الاتو اللى يترفع مرة واحدة اما الباقى لازم تفضل دايس على الزار لحد ما يترفع
3- مافيش شاشة عرض بيانات السيارة زى استهلاك البنزين والرسايل المختلفه زى الميجان
4- استهلاك البنزين عالى نوعا ما مقارنتا بالميجان
5- الباور استيرنج هيدروليك وطبعا بيبقى اتقل من الكهربا وان كان ميعتبرش عيب لان العربيه تعتبر رياضية ولكن كنت افضل انه يكون كهربا
6- مافيش مرايات ضم

الحقيقة ده تقريبا معظم الحاجات اللى انا مبسوط منها واللى مضايق منها فى المازدا 3

انا هعمل مقارنه سريعه بينها وبين الميجان
لانى اجرت الميجان اتوماتيك فى مصر لمدة 28 يوم الاجازة اللى فاتت موديل 2006 وعملت بيها حوالى 2500 كليو

الميجان:
عربيه واسعه
شكل خارجى شيك
وضعيه قيادة مريحه
اوبشنز ظريفه
عزل اكتر من ممتاز

مجملا:

1- المازدا تتفوق فى التسارع والسحب القوى ، لان السحب كان مضايقنى اوى فى الميجان ، الحقيقة فرق كبير بين السيارتين
2- المازدا تتفوق فى الفتيس الاتوماتيك من سلاسة النقل بين الغيارات
3- كشكل خارجى اظنهم متساويين
4- كراحة داخليه الميجان تتفوق على المازدا
5- كثبات اظنهم متساويين
6- كاوبشنز الميجان تتفوق
7- كفرامل الميجان تتفوق لان فراملها اقوى من المازدا وده كان عاجبنى اوى
8- كخامات للمواد اظن المازدا تتفوق لان الميجان كانت ايد الابواب الداخليه متقشرة وده كان مضايقنى اوى
9- كوسع داخلى الميجان تتفوق بشده
10- كقوة تكييف المازدا تتفوق بشده
11- استهلاك البنزين افضل بكتير فى الميجان من المازدا
12- كعزل للصوت الميجان تتفوق على المازدا وان كان المازدا عزلها مقارب ولكن مش زى الميجان
13- الباور الكهربا فى الميجان احسن من الباور الهيدورليك فى المازدا


مجملا العربيتين انا مبسوط جدا منهم
وبجد بلاقى متعه حقيقية فى سواقة العربيتين دول

ملحوظة:

التقييم والمقارنة لم يشمل خدمات الوكيل وأسعار قطع الغيار وسعر اعادة البيع

god bless it for you , from where you rent the Megane in egypt, I will have vacation next month , by the way I have Mazda 6 2008 here in saudi and it is fabulous

المشاركة الأصلية كتبت بواسطة محمد عز

عزيزى هشام
تقدر تاجر العربيه من يورب كار وتستلمها فى المطار وتسلمها فى المطار
وكله عن طريق الانترنت
ده الموقع بتاعهم
http://europcar-middleeast.com

مافيش شيكات بتمضيها
بتدفع تامين 450 دولار وبستردهم لما ترجع العربيه

احجز رينو كليو اتوماتيك لانها ارخص حاجة وتقريبا مش موجودة
فاول ما هتروح هيدولك رينو ميجان اتوماتيك
لانى بقالى مرتين بحجز كليو اتوماتيك علشان رخيصة ومش بتبقى موجودة فباخد الميجان

وانا كنت عملت موضوعين عن يورب كار وايجار العربيات من عندهم
هتلاقى اللينكات فى التوقيع

Thanks, MOhamed can I pay the insurance by the credit card

Thanks, MOhamed I just seen your old Post about rental car company