ده تجربة حصلتلي شخصيا وأحب اعرضها عليكم علشان لاقدر الله ماتحصلش لأي حد من اصحابي وحبايبي الى في المنتدى , وعموما اهو كله علام لينا وياريت اي حد يمر بتجربة ذي ده يفيد اخوانه علشان نتعلم من اخطأنا.
المهم ....
انا كنت امبارح مسافر السويس وانا على الطريق كنت ماشي على 120 بس , وانا متعود دايما قبل السفر اني اعمل تشيك على العربية كلها ذي العفشة,الاستبن,الفرامل , وكده يعني .....
المهم حصل معايا موقف غريب فجأه وانا على الطريق وعلى نفس السرعة لقيت الدنيا ضلمت في وشي مره واحدة وصوت صدمة قوي جداااااااا طبعا فرملت مرة واحدة وستر ربنا مكنش في عربيات معايا على الطريق , وكانت لحظات لحد مافهمت ان الكبوت بتاعي فتح مرة وحدة وخبط في العربية ولك ان تتخيل منظر الكبوت والعربية بعد الخبطة , وطبعا الحمد لله لولا ستر ربنا ورحمته كان زماني دلوقتي
المهم التجربة ده علمتني ان الواحد لازم يخلي بالو كويس من الكبوت ويدخله في حساباته مع التشيك
, ولكن قدّر الله وماشاء فعل وكفانا واياكم الشر .