الموضوع: استفسار في علبة شكمان شاهين

كل سنة وانتو طيبين
من كام يوم بلاقي مية بتنقط من العلبة الورانيه من قدام
انا مشواري اليومي بسيط جدا والعربية مش بتلحق تسخن قوي (الصبح مشواي 1 كم تقريبا)
من سنتين تقريبا حصل الموضوع ده ورحت لبتاع شكمان قالي العلبة محتاجة تتغير
كنت مسافر ومخدش وعطيت
ورحت لواحد تاني لحم العلبة ومنعت
تاني سنة في بداية دخول الشتاء زي اليومين دول اتكرر الموضوع ورحت برضه ولحم العلبة
رحت بقى السنة دي من كام يوم لواحد تاني قالي العبلة محتاجة تتغير لانها اتلحمت كذا مرة - تتكلف كام قال 80 جنيه بالتركيب
المهم مشيت وقلت اشوف حد غيره ورجعت للأولاني قاللي لا ممكن تمشي بيها الشتاء كده وماينفعش تتلحم - والعلبة مش متغيره طبعا قبل كده لو اتغيرت ممكن تبوظ كل سنة - طب لو هاتغيره تكلف كام قال 60 جنيه

دلوقتي انا محتار اغيرها والا لأ؟
هل في ضرر من كده والا عادي؟
يعني ممكن الصوت والاداء يحسنوا لو غيرتها؟
سؤال تاني هل ممكن اركب علبة غير بتاعتها حتى لو اغلى شوية توطي صوت العربية وتفرق في السحب؟

شكرا مقدما لكل اللي هايشاركني برأيه؟

مهندس احمد شكرا على سرعة الرد