في سؤال يا جماعة مهم كام واحد الايام دي مرتاح مع التوكيل الي شاري منه العربية
انا شايف ان معظم التوكيلات في مصر زفت ....... (رأي شخصي )
لو محترم تلاقيه راح مزود تمن العربية بال 5 و ال 10 الف جنيه
و لو مزودش اسعار العربيات يبقي الصيانه سئ
الي لازم احنا نعرفوا ان مفيش حاجة في مصر اسمها خدمة ما بعد البيع و لو كل واحد فكر يركب عربية و يشوف التوكيل بتاعها و العيوب بتاعته حتلاقي الواحد ان شاء الله راكب اي حاجة غير عربية
لازم يا جماعة يكون في تأقلم شوية مع الواقع علشان احنا في مصر مش في المانيا ....... هو دا حال بلادنا و مش حيتغير
و لو جينا و شفنا الموضوع من وجه نظر اخري .... علي الرغم ان احنا عارفين ان التوكيل بروتون سئ في مصر الا احنا برده اشترينا العربية علي اساس ان العربية محترمه و امكانيات كتير و سعر كويس ... و حولنا كلنا نتأقلم مع الوكيل ....
فياريت يا جماعة نحاول نعيش مع الواقع الي حوالينا
دا يا جماعة الناس بتشتكي من توكيل فولكس واجن في مصر.... يعني الي راكب عربية مش اقل من 200 الف جنيه التوكيل بتاعه تعبه ....... و كذلك الهيونداي (زحمه جداً جداً ... و كان في موقف حصل مع احد الاقارب في النترا 2006 ملوش لزمه انوا يتقال و لو حكيتوا حتعرفوا ان عز العرب دا و الله ملاك ) و كذلك السكودا عندنا في اسكندرية ( الناس بتقول انه متوسط مش ممتازين يعني )
وربنا يهدي الناس الي الخير بأذن الله