اقتباس:
المشاركة الأصلية كتبت بواسطة ramberandt
حرب اكتوبر المجيدة واعجاز؟؟؟؟؟؟؟
الاخ الكريم اشكر حضرتك على مجهودك الرائع فى شرح و سرد الاحداث ولكن ارجو ان يتسع صدرك الرحب كلامى ربما يكون مؤلم بعد الشيى حرب اكتوبر الى سيادتك وصفتها بلمجيدة ماهى اللا وهم كبيير ضحك علينا بية السادات ربنا يسامحة احنا الدولة الوحيدة فى العالم الى بنعتبر حرب اكتوبر نصرا مهيب حتى الاشقاء العرب يقولون ان هزة الحرب لا خاسر فيها ولا مهزوم ففى حرب اكتوبر النصر الوحيد الزى فعلناة هو عبور خط بارليف المنيع ثم بعد زللك بكام يوم حصلت المصيبة الكبرى الى اسمها الثغرة والزى طوق بها الجيش الاسرائيلى الجيش المصرى و حاصرة وليس زللك
فقط بل توغل الجيش الاسرائيلى فى العمق المصرى وعبر هو ايضا قناة السويس حتى اصبح على مسافة لا تقل عن 70 كيلو من القاهرة وكان السادات فاتح قناة مفتوحة مع الامريكان واخبرهم انة لن يتقدم بعد الممرات حتى يتوقف التوغل الاسرائيلى فى العمق المصرى وحدث وقف اطلاق النار ونحن لم نسترد الا بعد الكيلو مترات بمحازات القنال ثم جائت معاهدة كامب ديفيد المشئومة ولم نسترد باق الارض فنحن استلمنا اخر جزء محتل من سيناء وهى طابا فى عام 1986 عن اى نصر مجيد اخى الكريم تتحدث لقد حصل الجيش الاسرائيلى على سيناء كاملة فى 6 ايام فقط ونحن استردينا اخر جزء محتل بعد 13 سنة من حرب اكتوبر ولو سيادتك بتروح شرم الشيخ او طابا حاليا ستعلم اننا لم نسترد اى شىء اليهود لازالو هناك بيعملو كل حاجة ولا يستطيع احد المساس بهم فهم بل فعل مسيطرين على شبة جزيرة سيناء.احنا مش عايزيين حد يخبرنا بانتصرات مزيفة وما نجدة على ارض الواقع هو شىء مختلف تماما احنا محتاجيين الحقائق والمصارحة مش تزييف لحقائق واسف على الاطالة وارجو ان يتشع صدرك لكلامى
طبعا الاختلاف في الرأي لا يفسد للود قضية
الاعجاز في حرب اكتوبر هو عبور القناة وخط بارليف ......
وبعد ايام قليلة من بداية الحرب كانت امريكا اللي بتحاربنا مش اسرائيل .....وطبعا كان لازم الموازين تتغير .... عشان كدة كان لازم يحصل وقف للعمليات
بالنسبة لإسرائيل التي لا تقوي علي المواجهه المباشرة بدون ساتر ( اللي هو كان القناة و بارليف (والتي لا يحتوي جيشها علي سلاح مشاة ( وهي الوحيدة في العالم بهذا الشكل ) كان وجودها وجها لوجه اما قوات معادية علي طول الجبهه لا يمكن انه يستمر ... لأن ده دمار اقتصادي قبل ما يكون عسكري
وده اللي كان السادات متأكد منه .... وكان لابد من المفاوضات السلمية .... لكن تفرق كتير لما تتفاوض وانت في الضفة الغربية عن لما تتفاوض وانت في الضفة الشرقية ..... عشان كده كان الهدف مش استرداد سيناء بالكامل .... ده كان مستحيل لتفوق اسرائيل التي تدعمها امريكا خصوصا بعد انتهاء الصدمة والمفاجئة الاولي
لكن الهدف هو عبور القناة وتدمير بارليف ثم الوقوف والتفاوض من وضع قوة
......
الاحداث دي اللي بيحاول البعض من الكتاب العرب والاجانب تشويهها وتحويل النصر لهزيمة .... انا عاصرتها و كنت في 5 ابتدائي و لما كبرت و بدأت استوعب ما حدث كانت مفاوضات السلام شغالة في كامب ديفيد ....
يا عزيزي اسرائيل منيت في 73 باكبر هزيمة في تاريخها ... في حرب الطيران الأوليو معركةاادبابات التي كانت الاكبر في التاريخ وقتها و سيبك من اللي بيتقال في الجزيرة والقنوات المعادية لمصر .... ممكن تقرأ مذكرات ديان وكيسينجر وجولدا مائير و باقي قادة اسرائيل المعاصرين للحرب .... اظن هما مش ح يقولو
انهم انهزمو من فراغ .....
ولو كانو انتصرو زي ما انت متصور .... راح فين ديان وزير الدفاع المنتصر .... استقال ليه واعتزل العمل السياسي ...عشان انتصر ؟؟؟؟؟؟؟؟
واعتقد ان شهادتهم باللي حصل في 73 ح تكون واقعية اكتر من من الناس اللي بتجيبهم الجزيرة كل سنة في اكتوبر عشان يقنعوا الناس ان مصر خسرت حرب 73 .... ده تاريخ ومش ممكن يتزيف
اما ما حدث بعدها في كامب ديفيد فدة موضوع آخر
قد يكون التفوق المصري لم يستمر بعد تدخل امريكا .... قد تكون الثغرة اثرت علي الموقف المصري .... لكن اسرائيل هي اللي انتصرت في الحرب ...... دي اسرائيل نفسها لا تدعي ذلك ... ازاي انت بتدعيه ؟؟؟؟؟؟؟
للأسف واضح انهم نجحو في تشوية الحقائق ... ولو جزئيا
انت كدة كأنك بتقول ان صلاح الدين انهزم في حطين