تختار 405 ولا فيكترا 94

**midoonesaid** · 05-01-2009 10:28 AM

السلام عليكم ورحمة الله
اولا احب اشكر اعضاء هذا المنتدي الرئع
انا بصراحة ماشي في مشوار عربية معاقين استيراد وكنت محتار بين بيجو 405 مو97 1600cc فل اوبشن اوفيكترا مو94 1600cc فل اوبشن برضو مع العلم اني لما حاولت اجمع معلومات عنهم لقيت انهم تقريبا نفس المواصفات تفرق في حاجات بسيطة
من ناحية جودة العربيتين وعمرهم الافتراضي قريب من بعضه والثبات على السرعات العالية نفس الموضوع بس لاحظت حاجة في المتورعلى حد علمي الـ405 1600cc كاربراتير 92 حصان اما الفيكنرا 74 حصان نص انجكشن (نقطة قوية جدا لصالح الـ405 ) ومصاريف الصيانة للـ405 اوفر من الاخرى وطبعا في حاجات موجودة في الالماني منلاقهاش في العربيات التانية زي الكمبيوتر اللي بيكشف الاعطال والعزل الافضل وحاجات تانية معرفهاش بس انا بصراحة مايل للـ405 معرفش ليه وياريت لو حد عندو معلومات مفيدة عن الافضل في العربيتين يقولي عليها وخصوصا المتور لاني لقيت فرق شاسع بين الاثنين
واسف على الاطالة ياجماعة وفي لنتظار ردودكم باذن الله وشكرا

**م.احمد زكريا** · 05-01-2009 12:46 PM

على فكرة وانا باشتري عربيتي ال 405 كان قدامي اوبل فكترا 95 كاملة اتوماتيك والسعر كان قريب جدا
ولما سالت واحد صاحبي عنها لانها كانت معاه قالي انها عربية مافيش عليها غبار غير ان قطع غيارها غالية جدا
ونصحني بال 405 الي انا كنت مقتنع بيها اصلا وماشاء الله عربية ممتازة

**midoonesaid** · 05-01-2009 06:56 PM

شكرا على الرد
كنت فعلا مايل للـ405 وانتوا اكدتولي صحة الاختيار

**midoonesaid** · 05-01-2009 07:13 PM

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا لأ

**Nour_Peugeot** · 05-01-2009 07:44 PM

توكل علي الله لا نفس السنريو بتاع الاوبل كان معانا و كانت موديل 97 فيكترا و تتوقع اننا جبنا بيجو 405 موديل 90

يعني فرق 7 سنين

توكل علي الله العربيه هتعجبك بس حافظ عليها

**midoonesaid** · 06-01-2009 01:05 AM

المشاركة الأصلية كتبت بواسطة midoonesaid

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا لأ

ياريت حد بجاوبني على السؤال ده علشان لو كده هجيبو إن شاء الله ومعلش اذا كانت اسئلة كتيرة بس مش عايز ادبس في حاجة تجبلي وجع الدماغ من ناحية قطع الغيار بالذات

**Mahmoud_405** · 06-01-2009 02:08 AM

بس كنت عايز اسأل الـ405 مو96 فول انجكشن استيراد بس ولا في منها في مصر وهي لو موجودة قطع غيارها موجودة ولا لأ وايه أخبار البنزين 80 معاها لأني غالبا بشوف اصحاب العريبات دي بتمون 80 بس معرفش انجكشن ولا ل

بس ياباشا ال 405 فول انجكشن موجوده في مصر بس ال 2000 سي سي الي هي نازله باسم ال 405 برستيج عربيه كويسه جدا واحسن من الاوبل ال 1600 بكتير وفيها كمبيوتر 4 ازاز كهرباء زمرايات كهرابا بس اللي في مصر مافيهاش Abs ولا ايربج وقطع غيار موجوده بس مش منتشره ذي ال 1600 كربراتير واغلي طبعا بس برده ارخص من الفيكترا
الموتور 123 حصان 8 صباب كامه واحده وعزم 176 نيوتن وتكيف قوي
علي فكره العربيه دي معايا ومع صاحبنا كريم في المنتدي من سنه ونص وبسم الله ماشاء الله كويسه بس مشكلتها قكع غيار غاليه شويه
وحتلاقيه كتير استيراد لانها منتشره بره
واي اسئله انا في الخدمه

**midoonesaid** · 06-01-2009 11:45 AM

شكرا ليك يامحمود باشا
بس اللي اعرفه ال1600cc
16صباب اما 2000cc فد ه8 صباب بس هل هيفرق في حاجة الموضوع ده ولا ايه
على فكرة انا محمد من طنطا وإن شاء الله هاكون عضو فعال وصديق في هذا المنتدى

**Mahmoud_405** · 06-01-2009 05:40 PM

مش عارف بصراحه ال 1600 كام صباب بس الي متاكد منه ان ال 0002 سي سي 8 صباب

-

الموضوع: تختار 405 ولا فيكترا 94

LinkBack

أدوات الموضوع

عرض

-

-

-

-

المواضيع المتشابهه

تختار ايه؟

لو تختار شاشة 37lcd بوصة، تختار إيه في دول؟

هل استطيع تركيب ماتور فيكترا b على موديل فيكترا a

تختار ايه

الكلمات الدلالية لهذا الموضوع

المفضلات

المفضلات

ضوابط المشاركة