جديد في السواقة وفي اللانوس- عاوز مساعدااااااااات
السلام عليكم ورحمة الله وبركاته ازيكم يا لانوساوية عاملين ايه يا رب تكونوا بخير وعربياتكم كمان انا كنت كاتب موضوع باركولي هبئا لانوساوي http://www.nilemotors.net/Nile/showthread.php?t=52188
الحمد لله دلوقتي خلاص بقيت لانوساوي
لسا شاري لانوس 1 موديل99 مانيوال انا اصلا لسا بتعلم السواقة وجديد في عالم السيارات جدا ماعرفش اسامي قطع الغيار اصلا ولا اعرف اي حاجة عن العربية عندي اسئلة عن السواقة وعن العربية يا ريت تساعدوني
1- اسخن العربية اد ايه قبل ما اسوقها؟
2- لما بحط المفتاح وادور بتنور مكان الزيت ولمبة chek بس بيطفوا اول ما العربية تدور على طول يعني بعد كام ثانية كده هل ده العادي ولا ايه؟
3- اخد المطبات على الاول ولا التاني؟( ملحوظة رفيعة)العربية بتبطل عند المطبات مش عارف ليه
4- طول مانا سايق رجلي على الدبرياج هل ده صح ولا غلط حتى وانا على الثالث ببقى دايس نص دوسة كده على الدبرياج - انا لسا ماوصلتش للرابع(انا سمعت انه غلط على الاسطوانة ولا ماعرفش ايه)
5- انقل على التاني عند سرعة كام والتالت والرابع وكده يعني /يعني اخر كل نقله في السرعات؟
6- لو انا ماشي على التالت وفرملت اجيب التاني وبعد كده اجيب التالت ولا اكمل عادي على التالت من غير ما اجيب التاني؟
7- ايه هي الحاجات اللي عايزه صيانة دورية في العربية يعني مثلا
- امتى ازود مياه للعربية (وايه هي المية الزرقا) وهل لازم اكون مدور العربية
-امتى اغير زيت فرامل
-زيت باكم
- زيت فتيس
-زيت موتور
- زيت باور
- امتى اغير سير الكاتينة -وهل في سيور تانية بتتغير غير سير الكاتينة
- بوجيهات
- الكاوتش امتى اغيرة وازاي اعمله صيانه
معلش يا اخواني استحملوا جهلي واللي عنده معلومة ممكن تفيدني اكون شاكر ليه اصل بصراحة العربية حالتها كويسة وانا مش عاوز اهلكها انا عاوز احافظ عليها جدا اصل انتم ماتعرفوش انا عملت ايه عشان اجيبها وعشان كده عاوز احطها في عنيه وبجد انا بحب اللانوس جدا وبحبكم انتم كمان وربنا يجزيكم عني كل خير