اية رأيكم فى استرا موديل 2000

**omdaz_5538** · 05-01-2009 08:39 PM

انا كونت نزلت السوق عشان اغير 132 بتعتى 2000سىسى
وكنت بدور على لانسر كريستالة بس, وفجاة شوفت عربية وقفة سحرتنى بجمال تصممها
العربية كانت اوبل استرا 1200سىسى فجاة لقيت نفسى بخلص فيها ,انا فعلا لبستها غالية اوى بس العربية كانت سحرانى وكنت عايز تقولولى هى تساوى كام؟
انا جبتها موديل 2000المانى فابريكة جوة و برة راشة الجانبين بس وهى كاملة منيول فاتحة سقف و جنوط موتورها ايكوتك 1200سىسى ماشية 84الف كيلو بس.
وجربتها للقيت العربية ما شاء اللة بتجيب 170 عادى جدا و لسة فيها كمان بس انا خوفت اكمل عشان الكوتش بتعها عايز يتغير
و كشفت فى التوكيل وقالولى الموتور بتاعها زى الفل ولسة بخيرة
انا عارف انى طولت عليكوا بس ياريت يا جماعة لو حد يرد علية و يقولى عيوب العربية دى ايه و مازياها بردة؟
وكمان ياريت لو حد يعرف امكانيتها اية ؟
الموتور كام حصان و تسارعة اية واستهلاكها للبنزين وقطع الغياروكدة يعنى.....
اسف كمان مرة انى طولت عليكوا بس انا ارجوا منكم الرد يا رابطة عشاق اوبل
وشكرا

**Ahmad Allawy** · 05-01-2009 08:46 PM

الف مبروك يا باشا..
بيتهيألي ان سعرها ف السوق حاليا في حدود 50-52 الف.. و ممكن توصل 55 بس مش متأكد.. عشان سعر السوق النايم دلوقتي..

العربةي لو متحافظ عليها.. موتورها يفضل بخيره لحد 180 الف.. مش 80 الف بس يا باشا..

بالنسبة لعيوب العربية.. تسارع مش جامد قوي.. و مع التكييف بتجمع بالراحة شوية... بس ثبات رائع.. و العيب الخطير اللي فيها.. انها بتجيب جوان وش سلندر بسهولة.. يعني لازم تخلي بالك من الحرارة جدا.. و ده عيب معروف فيها.. و عارفه من ناس ف التوكيل..
الموتور بتاعها كبيره 65-70 حصان مش متأكد بالظبط.. بس غالبا اقل من 70.. و استهلاك البنزين.. اكتر من 200 ف الصفيحة.. يعني قول 230-250 جوة البلد.. و بره اكيد اكتر..
قطع الغيار موجوده.. و مش غالية قوي..
بس اهم نصيحة.. متخليش حد مش متخصص اوبل يلعب فيها..
عشان لو حد مش بيفهم لعب فيها.. مش بتتظبط ابدا..و هتدوخك معاها..

عموما.. الف مبروك يا باشا.. و ربنا يحفظهالك..
و تنورنا و تشرفنا في العصابة.. و خليك متابعنا هنا علي طول بقي ان شاء الله..

**abouzahra** · 06-01-2009 12:54 AM

الف مبروك على العربية

العربية كويسة

بس محركها مش كويس

بيضرب فى الغالب

idle air control

and

mass air flow

الاول بيعمل حوالى 1200 جنية

والتانى حوالى 650

وفى مشاكل اخرى

**mido777** · 06-01-2009 01:08 AM

العربية دية ماشاء الله عليها
هيه مع والدى بقالها حوالى 7 سنوات ومفيش اى حاجة اتعملت فيها غير الحاجات اللى عمرها الأفتراضى خلص
تقريبا مرة غيًر سنسور السلانسيه - حوالى 1600 جنيه
ومرة تانيه طرمبة المياه - بس مش فاكر بكام

العربية ثباتها عالى جدا وتحس بالأمان وانت قاعد فيها

**احمد عبدالله** · 06-01-2009 01:34 AM

الف مبروك على العربية أنا شايف شكلها ممتاز وأبعادها متناسقة جدا هيه مع عمي من زمان و مريحاه جدا بس هوه الموتور بتاعها ضعيف شوية

**A.Elsheikh.01** · 06-01-2009 03:01 PM

احب اعرفك انك احسنت الاختيار
ودا لان العربية دى من ناحيه الامان 10/10 و الثبات 10/10 والتوفير 10/10 الاحساس انك راكب عربية بجد تستحملك فى اى حاجه
من ناحيه التسارع هى على حسب الى اتعود عليها ويعرف يجيب معاها من الاول للأخر انا مثلا لما كنت بشد بيها مع حد من صحابي فى عربيه لانسر او فيرنا كنت بظبط حالى
ومن ناحيه قطع الغيار هانحسبها سوا
مثلا قطعه غيار ولو مثلا فلتر من الفلاتر لو انت عربيه لانوس او فيرنا او حاجه من الحاجات دى هتلاقى انك فى السنه بتجيب 10 فلاتر ولو افترضنا ان سعره 50 جنيه انما لو جينا على الاوبل هتلاقى انك بتجيب فى السنه فلتر واحد وسعره هتلاقى افتراضاً 200 جنيه ايه الاحسن ( الى يعمر ولا الى يمشى حالك)
دا غير ان قطع غيارها امنه غير قطع غيار الكورى والماليزي وكده
( مع الاعتذار لاصحاب الماركات السابق ذكرها )*
ومبروك عليك الاوبل ومبروك علينا اوبلاوى جميل *

**omdaz_5538** · 06-01-2009 04:17 PM

انا متشكر جدا يا لكل الاوبلاوية الجمال على الرد
بس يا احمد باشا علاوى لو العربية بتعمل 230:250 فى الصفيحة تكون بتستهلك بنزين كتير لانى سألت واحد صحبى معاة لانسر موديل 2002 كاربراتير قالى ان عربيتة بتعمل حوالى 300:280 فى الصفيحة, وانا سمعت بردة ان العربيى الايكزتك اسرع فى التجميع عن العادية يعنى اكبر من 70 حصان, و بعدين اية حوار السخونية دة؟
انا العرربية عندى بتعدى 95 فى الحرارة بس متهيئلى دة الطبيعى بتاعها
و لو ياباشا دة العيب ازاى اعلجة؟

**Ahmad Allawy** · 06-01-2009 04:54 PM

المشاركة الأصلية كتبت بواسطة omdaz_5538

انا متشكر جدا يا لكل الاوبلاوية الجمال على الرد
بس يا احمد باشا علاوى لو العربية بتعمل 230:250 فى الصفيحة تكون بتستهلك بنزين كتير لانى سألت واحد صحبى معاة لانسر موديل 2002 كاربراتير قالى ان عربيتة بتعمل حوالى 300:280 فى الصفيحة, وانا سمعت بردة ان العربيى الايكزتك اسرع فى التجميع عن العادية يعنى اكبر من 70 حصان, و بعدين اية حوار السخونية دة؟
انا العرربية عندى بتعدى 95 فى الحرارة بس متهيئلى دة الطبيعى بتاعها
و لو ياباشا دة العيب ازاى اعلجة؟

انا كنت باقارن باستهلاك البنزين عندي..
وارد انها تكون بتعمل اكتر من كده.. و بعدين اللانسر بتعمل اقل من كده علي فكرة.. ممكن الرقم ده معاه علي الطريق الطوالي و السفر..

العربية دي مفيش منها غير ايكوتك..
الموتور ال1200 العادي زي اللي معايا.. ده 45 حصان فقط.. فلو انت 70 او اكتر حاجة بسيطة يبقي فل قوي..
الحرارة ده الطبيعي بتاعها فعلا.. و ممكن توصل 98 كمان من غير مشاكل.. بس خلي بالك منها عشان بتجيب جوان وش سلندر بسهولة..

**omdaz_5538** · 06-01-2009 07:27 PM

ايوة يا باشا بس ازاى اخد بالى من الموضوع دة
انت اصدق انى اتابع موضوع المياة كل شوية
ولو ياباشا عايز اغير المياة بتعتها بنفسى ينفع ولو ينفع ازاى؟
ومش عايزك يا باشا تقلق انا محضرلك شوية اسئلة عنب
بس جوبنى على السوئل دة بس الاول؟
سلام يا اوبلاوى

**omdaz_5538** · 06-01-2009 08:14 PM

صح يا ابوا زهرة باشا
العربية عندى شكلها عايزة تغير حساس الهواء عندى و احتمال حساس الكرنك
عشان العربية ساعات ابقى فى مشوار و مبطل العربية و ارجع ادورها القيها مش رادية تدور , اسبها شوية 10دقايق مثلا القيا بتدور من اقول لقطة بس يا باشا انت كاتب عربيتك حسام اوبل,
ممكن افهم هوة حسام هوة اللى جايبلك العربية ولة انت قصدك انة احسن واحد بيشتغل فى عربيتك؟
انا متعملتش لسة معاه بس سمعت عنة ماشاء الله سمعته زى الفول,و انا شكلى حروحلة قريبا