عندى عربيتى السير بتاعها بيصفر غيرته كذا مره بردوه بيصفر فى ناس قالولى حطى عليه مية حطيت وبردوه مافيش فايده ياريت حد يقولى حل
عرض للطباعة
عندى عربيتى السير بتاعها بيصفر غيرته كذا مره بردوه بيصفر فى ناس قالولى حطى عليه مية حطيت وبردوه مافيش فايده ياريت حد يقولى حل
هى العربية ايه و السير اصلى و لا تجارى و العربية عاملة كام الف و انهى سير بالضبط
هو في الغالب صوت التصفير بينتج عن سير الباور وينصح انه ييجي اصلي مش تجاري واذا كانت العربية موديل حديث يبقي ييجي من التوكيل علي طول ولو ماطلعش هو يبقي سير الديناموا وده نادر لما يصفر ولو عايزة تتاكدي دوري العربية وهي واقفة لفي الدريكسيون عالاخر لو سمعتي الصفارة يبقي سير الباور ولو ماسمعتيهاش روحي للميكانيكي وشكرا
التصفير بيكون ليه سببين... يا اما السير مش مشدود كويس... و ده سهل أوي تشوفه... لو مش كدا راجع على البلية...
شكرا على الردود هيه العربيه سويفت موديل 93 واللى بيصفر سير الدينمو وغيرته مرتين تانى يوم بعد ما أركبه يصفر تانى
بالمناسبة لما بحط على السير مية السير بيروح وبمجرد ما المية تنشف الصوت بيرجع تانى يعنى بعد 20 ثانيه كده
اهم حاجة هاتي سير اصلي
انا كان عندي نفس المشكلة دة و غيرت و لا 3 سيور و كل واحد كان اخرة شهرين و يصرخ جامد
هاتي النوع اللي هو الكوري بس في منة مضروب بردة
الاصلي بيكون مكتوب علية بالعربي صنع في كوريا
و الأحسن تروحي الكيلاني اللي عند دار القضاء العالي
دة نضيف اوي و هاتي نفس مقاس السير و بلاش الزيت اللي بيتحط عللى السير عشان دة بيبوظة و بيخلية يريح
أنا والله جايبه سير كورى ومكتوب عليه بالعربى كمان وبردوه بيصفر
أنا روحت للميكانيكى ياجماعه قالى فى حاجه إسمها التنبوره باين اللى مشدود عليها السير قالى ديه حاميه مهما غيرتى السير هيصفر بس أنا بيتهيئلى الميكانيكى ده تعبان والله أعلم