أنا عربيتى السير بتاعى بيصفرمحتاجه حل

**RANYAR** · 06-01-2009 10:43 AM

عندى عربيتى السير بتاعها بيصفر غيرته كذا مره بردوه بيصفر فى ناس قالولى حطى عليه مية حطيت وبردوه مافيش فايده ياريت حد يقولى حل

**ihab** · 06-01-2009 01:34 PM

هى العربية ايه و السير اصلى و لا تجارى و العربية عاملة كام الف و انهى سير بالضبط

**yousefkhodier** · 06-01-2009 01:56 PM

هو في الغالب صوت التصفير بينتج عن سير الباور وينصح انه ييجي اصلي مش تجاري واذا كانت العربية موديل حديث يبقي ييجي من التوكيل علي طول ولو ماطلعش هو يبقي سير الديناموا وده نادر لما يصفر ولو عايزة تتاكدي دوري العربية وهي واقفة لفي الدريكسيون عالاخر لو سمعتي الصفارة يبقي سير الباور ولو ماسمعتيهاش روحي للميكانيكي وشكرا

**M!NA** · 06-01-2009 02:05 PM

التصفير بيكون ليه سببين... يا اما السير مش مشدود كويس... و ده سهل أوي تشوفه... لو مش كدا راجع على البلية...

**samirayad** · 06-01-2009 03:01 PM

المشاركة الأصلية كتبت بواسطة ranyar

شكرا على الردود هيه العربيه سويفت موديل 93 واللى بيصفر سير الدينمو وغيرته مرتين تانى يوم بعد ما أركبه يصفر تانى

اضبظ شد السير ..لو لم يجدى...غير بلى الدينامو

**human** · 06-01-2009 03:07 PM

المشاركة الأصلية كتبت بواسطة samirayad

اضبظ شد السير ..لو لم يجدى...غير بلى الدينامو

1000000000000000

**RANYAR** · 06-01-2009 03:20 PM

بالمناسبة لما بحط على السير مية السير بيروح وبمجرد ما المية تنشف الصوت بيرجع تانى يعنى بعد 20 ثانيه كده

**dr_abooody** · 06-01-2009 04:08 PM

اهم حاجة هاتي سير اصلي

انا كان عندي نفس المشكلة دة و غيرت و لا 3 سيور و كل واحد كان اخرة شهرين و يصرخ جامد

هاتي النوع اللي هو الكوري بس في منة مضروب بردة
الاصلي بيكون مكتوب علية بالعربي صنع في كوريا

و الأحسن تروحي الكيلاني اللي عند دار القضاء العالي
دة نضيف اوي و هاتي نفس مقاس السير و بلاش الزيت اللي بيتحط عللى السير عشان دة بيبوظة و بيخلية يريح

**RANYAR** · 06-01-2009 04:53 PM

أنا والله جايبه سير كورى ومكتوب عليه بالعربى كمان وبردوه بيصفر
أنا روحت للميكانيكى ياجماعه قالى فى حاجه إسمها التنبوره باين اللى مشدود عليها السير قالى ديه حاميه مهما غيرتى السير هيصفر بس أنا بيتهيئلى الميكانيكى ده تعبان والله أعلم