الموضوع: أسعار قطع غيار الميجان Ii خارج التوكيل

معلش انا كنت بسأل على قطع غيار الرينو ميجان 2.. انا بفكر اجيب ميجان 2 فياريت لو اعرف سعر الفتيس كام لو سمحتم وسعر الموتور علشان دي اكتر حاجه قلقاني فى العربيه قبل ما اجيبها وكنت عايز اعرف اذا كان فى ناس كتير بتصلح الميجان فى القاهره ولا لازم توكيل ولو قطع الغيار كلها متوفره بره التوكيل ياريت اعرف اماكن البيع بتاعتها فين لو سمحتم؟؟؟

طبعا صقر قريش ملوك تصليح الميجان بكل موديلاتة ، ده غير قطع الغيار اللي مغرقة الدنيا هناك ( ممكن يجمعولك عربية تانيه هناك ) واشهر واحد هناك واحد اسمة عادل وشغال معاه المهندس كريم

انما في واحد واحد ممتاز جدااا جدااا في الحرفيين اسمة العسكري على ما اتذكر (هاتأكد من أسمه ورقم تليفونة كمان لو حد عايزة) (عموما هم 3اخوات ومحترمين اووي في التعامل مع الناس تحس انهم بشوات مش صنايعيه خالص) ، هو الوحيد اللي في الحرفيين كلها شغال في الرينو عندهم قطع غيار استيراد ، للأسف مش شغاليين هم في الجديد أووي ، وأكتر حاجة هم شاطرين فيها شغل الكهرباء والكمبيوتر بتاع العربية كله ... عيبهم انهم غاليين شوية عكس صقر قريش ، قطع الغيار هناك والمصنعية كمان قريبة من ال 128

المشاركة الأصلية كتبت بواسطة emmer

السلام عليكم ورحمة الله وبركاته

رجالة الرينو ميجان لسة عايشين ولا اية رأيكوا ياجماعه انا نازل من نوبيرا 2001 وبصراحه كنت بفكر فى تويوتا 2004 2005 لكن لما شوفت كلامكوا الجميل عن الرينو قولت بدل ماادفع 80 الف فى عربية تويوتا 2004 1300 سي سي يبقى الاحسن اجيب رينو 2007 او 2008 بنفس السعر وهاتكون هاي لاين ياجماعه انا كدة بفكر صح ولا اية رأيكوا يهمني ؟؟

سبحانك اللهم وبحمدك ، أشهد أن لا إله إلا أنت أستغفرك وأتوب إليك

انا رأيي الشخصي ان الياباني (والتويوتا خصوصا) لا يعلى عليه ، حتى وان كنت من مالكي الرينو ميجان ، بس أعتقد ان موتور الميجان أقوى بكتييير ده غير الثبات مفيش بعد كده ، كماليات وعفشة وقلة مشاكل التويوتا تكسب ، شوف رأي أباطرة الميجان والرينو عموما هايقولولك ايه والمقارنات دي معمول منها كتيير اوووي ، بس عموما سواء تويوتا او ميجان هاتشعر بفرق رهيب طبعا بعد النوبيرا من ناحية الثبات وقوة الموتور (في الميجان أكثر) والرفاهية (موجوده في الاتنين التويوتا والميجان) .... وطبعا مع احترامي الشديد واعجابي بالنوبيرا

الفتيس انا لسه مغيرة وكان ب 5500

سعر كمبروسر ميجان 2004
خارج التوكيل و افضل الاماكن؟
داخل التوكيل +المصنعيه؟

المشاركة الأصلية كتبت بواسطة hamdi_emo

انا رحت يا جماعه النهارده الحرفيين وجبت اسعار قطع غيار استيراد بس جامده جدا

فانوس امامي استيراد اصلي 600
فانوس امامي جديد تايواني 300
فانوس خلفي استيراد اصلي 350
فانوس خلفي تايواني 250
تيل فرامل اصلي امامي 200
تيل فرامل خلفي تركي 120
رفرف كامل باللون اللى انتا عايزه 550
اكصدام امامي بالفوانيس الشبوره 1600
فتيس كامل بالكنترول 3500
باب امامي كامل 1300
باب خلفي كامل 900

والمفاجأة كمان انه عندو كمبيوتر اعطال الميجان وبيصينها هو بنفسه

واللى عايز يعرف سعر اي حاجه انا تحت امره انا ساكن جنب الحرفيين ب2 كيلو

مشكور وبالنسبه للفتيس ؟
ميجان موديل كم ؟
ومانيوال ولا ستبترونك ؟
ومن عند مين؟