بالنسبة لمياه الرادياتير فيه أكتر من نوع موبيل وتوتال وأنواع أخرى أى نوع يفى بالغرض أنا بحط موبيل توتال تقريبا لونها أحمر
اهم حاجة متحطش مياه حنفية أو مياه معدنية .... لو عندك تسريب ممكن تزود بمياه مقطرة
الفرق بين المياه العادية والمياه الخضراء او الحمراء .... أول حاجة بتقلل من نسبة حدوث الصدأ داخل دورة التبريد عكس المياه العادية هتبوظلك دورة التبريد و تقصر عمر موتورك .... تانى حاجة المياه الخضراء أو الحمراء درجة غليانها أعلى من المياه العادية يعنى كفاءة تبريد أعلى .... ومع ذلك بعد فترة بتاع 3 سنين هتبقى أو 60 ألف كيلو هتبقى محتاج تغير مياه الرادياتير ... وتنظفها ... وهتشوف قرف كتير نازل من دورة التبريد .. فما بالك بالمياه العادية .... أنا مجربتش أغير مياه الرادياتير بنفسى بس ممكن أنت تعملها بنفسك أو تخلى ميكانيكى يعملها قصادك وتركز معاه بعدين تعملها بنفسك
بالنسبة لقطع الغيار خارج التوكيل سعرها أرخص وجودتها عالية ..... ومع ذلك انا شايف إن فيه استغلال برا التوكيل برضه وإنهم بيبيعوا كمان الحاجة بأزيد من السعر اللى مفروض بتتتباع بيه
المفضلات