Astra, Civic, Mazda3, Tida!!

**the_first_knight** · 12-02-2009 04:30 AM

من وجهة نظري على حسب الاختيارات الموضوعة ... والظروف الشخصية التي تتعلق بطبيعة اسنخدام السيارة في الوقت الحاضر والمستقبل القريب هيكون الاختيار كالتالي .....

أنا في الأساس هيكون ترشيحي بين سيارتين ( السيفيك & المازدا 3 )
تصميم رياضي يحلم به أي شباب & والقدرة على نقل 4 أفراد براحة تامة & وأداء على الطريق ولا أروع & والقدرة على القيام بالمناورات الطارئة بثبات ومرونة & وطبعا عمر افتراضي طويل نسبيا وأيضا مرتبط بطبيعة القيادة في الظروف المختلفة .

أوجه الاختلاف بينهما :
1 - السيفيك تقترب من الأرض أكثر من المازدا 3 ( طبعا دي تعطي ميزة الثبات المطلق على السرعات العالية & وفي نفس الوقت تكون أكثر عرضة للمطبات العشوائية ... وفي نفس الوقت يمكن التعامل مع هذه المطبات بحرفية شديدة .
2 - طبعا اسم سيفيك في مصر أقوى بكثير من المازدا 3 ( أي توافر قطع الغيار على الدوام & وأحسن في إعادة البيع ) .
3 - السيفيك يرعاها توكيل قوي & على عكس المازدا 3 التي لا يعترف بها غبور ( الوكيل الرسمي المعتمد ) ولكن يستوردها الكثير من المعارض وأشهرهم ( سمارت كار & سونستا موتورز ) ويمكن الشراء عن طريق أحدهما وبضمان مثل التوكيل بالضبط ) .
4 - أهم اختلاف وهو السعر :
المازدا 3 ( تبدأ من 120000 حتى 145000 تقريبا )
السيفيك ( تبدا من 150000 حتى 188000 تقريبا )
5 - قوة محرك السيفيك : 125 حصان & المازدا 3 : 107 حصان .
6 - السرعة القصوى للسيفيك : 192 ك & المازدا 3 : 175 ك .
7 - التسارع من 0 : 100 ك ( 10.3 ثانية للسيفيك & 12.1 ثانية للمازدا 3 .
8 - استهلاك الوقود
داخل المدينة : 230 ك في الصفيحة بالنسبة للسيفيك & 200 ك بالنسبة للمازدا 3 .
على طريق السفر : 320 ك في الصفيحة بالنسبة للسيفيك & 310 ك بالنسبة للمازدا 3 .

أوجه التشابه كثيرة مثل :
( مساحة الركوب الخلفية - وزن السيارة ( 1200 للسيفيك & 1235 للمازدا 3 - سعة صندوق الأمتعة ( 340 لتر للسيفيك & 346 لتر للمازدا 3 - عزم المحرك ( 150 للسيفيك & 146 للمازدا 3 )

في النهاية يا رب أكون قد أفدتك ولم تكن قد ازددت حيرة .....

حانت لحظة الاختيار ( من وجهة نظري أن هاتين السيارتين متشابهتان إلح حد بعيد وكل الاختلافات نسبية : بمعنى أن الاراء تختلف على أهميتها في تفضيل أحدهما على الأخرى )

من وجهة نظر الكثيرين أن الاعتراض الوحيد على المازدا 3 هو مسألة التوكيل وسعر إعادة البيع مش تمام & وهذا مردود عليه بالشراء من مكان محترم ويكون بضمان لا يقل عن 3 سنوات ( وأعتقد هذا متوافر ) ... نيجي لمسألة سعر إعادة البيع : أعتقد إنها مسألة نسبية ( بمعنى إني بشتري عربية محترمة يابانية فخمة رياضية وإن شاء الله تقعد فترة طويلة مع من يرغب فيها ... يعني بشوية محافظة تقعد بإذن الله ما لا يقل عن 5 سنوات ... فساعتها مش هفكر كتير في سعر إعادة البيع .. & وكمان من وجهة نظري إني راكب عربية بتعطيني أنا على الأقل نفس الشعور باقتناء ( السيفيك والجيتا و 316 ) الأعلى منها في السعر ....

وانا اخترت المازدا 3 لسببين :
1 - سعر معقول نسبيا .
2 - ملاءمتها لطبيعة الطرق المصرية ( أعلى من الجيتا والسيفيك )

واسف بجد على الإطالة

وربنا يوفقك

**tiida_mohamed** · 27-02-2009 06:10 PM

المشاركة الأصلية كتبت بواسطة crazylambada

موضوع المازدا ده ناس كتير قالتلي عليه
طبعا كل العربيات بتجري
لكن لو في الشد او حاجة ملهاش فيه خالص
ده برضه اللي وصلي و اللي اكدلي الكلام ده ان السرعة القصوى بتاعتها175
في حين اتنين من صوحابي واحد عنده اللانسر الشارك و التاني هوندا سيفيك 2008
معديين 200

انت اكيد قصدك علي الكيك دون علشان كل العربيات الاوتو ماتيك نازلها كنترول علي السرعه بس ده علشان الامان لاكن لو سبت العربيه تجمع براحه هتجيب اكتر من كده

**tiida_mohamed** · 27-02-2009 06:18 PM

انا معايا تيدا انا عامل بيها 21000 في 8 شهور والعربيه ماشاء الله عليها ولو عايز تجربها انا مش عندي مشكله كلمني علي الخاص وهخليك تجربها وتسوقها لو عايز بالنسبه للسبات العربيه ماشاء الله علي جنوط 15 وكوتش 195 بسافر بيها علي طول جامده جدا علي الطريق انا معايا الوتو ماتيك بسم الله ماشاء الله عليها في السحب جامده جدا هي من عيوبها بس ان هي في صوت في التبلوه مع الكات ايس وده بيكون رخم جدا

انا صاحبي معاه سيفيك 2008 هي حلوه جده ماشاء الله عليها بردو لاكن الكرسي الي ورا لو واحد طويل سايق بيزنق الي ورا جدا

المزدا 3 هي مش وحشه بردو بس انا لما ركبتها مش عارف يعني مش عارف والله

الانسر الشارك بردو ممتازه جدا

بس نصيحه اخ ابعد عن الاسترا الانجوي

**tiida_mohamed** · 27-02-2009 06:22 PM

المشاركة الأصلية كتبت بواسطة crazylambada

يا جماعةانا بقولعلىحاجات قالتلي
و يااستاذ كرياتف
الشاب بيحتاج من عربيته 3 حاجات
اللي هو الاستخدام الشبابي
سحب عالي علشان الشد
كماليات كتيرة تريحه
ثبات فوق المستحيل
وعلى هذاالاساس رشحت التيدا و السيفيك ونبهت ان السيفيك واطيةعلىالارض و بتعمل مشاكل
اما موضوع ان صاحبي بيضحكعليافي موضوع الشارك
انا حقوله انامش مصدقك الا لما توريني فيديو و صورة بده
ولو ورهوملي هرفعهم على المنتدى
و ارجو ان يكون صاحب الموضوع استفاد من النقاش بتاعنا ده

+1111111111111111111111111

كلامك بين التلت خشبات يا مان علي راي مدحت شلبي

**M.Mokhtar** · 28-02-2009 02:16 AM

المشاركة الأصلية كتبت بواسطة tiida_mohamed

الانسر الشارك بردو ممتازه جدا

بس نصيحه اخ ابعد عن الاسترا الانجوي

معلش عايز اسأل فى الجملتين دول

اولا ايه عجبك فى الشارك غير شكلها؟؟

ثانيا يبعد ليه عن الاسترا؟

**Mustafa_Farouk** · 28-02-2009 01:40 PM

السلام عليكم،

من ضمن الاختيارات، ومن كلام حضرتك، أنا حاسس انك مش عايز اوبل استرا، أنا برشح نيسان تيدا أو ممكن كمان سيات كوردوبا وحضرتك ممكن تتفرج عليها في التوكيل في المهندسين أو رمسيس.

**tiida_mohamed** · 03-03-2009 12:26 AM

المشاركة الأصلية كتبت بواسطة M.Mokhtar

معلش عايز اسأل فى الجملتين دول

اولا ايه عجبك فى الشارك غير شكلها؟؟

ثانيا يبعد ليه عن الاسترا؟

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

**M.Mokhtar** · 03-03-2009 03:34 PM

المشاركة الأصلية كتبت بواسطة tiida_mohamed

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

انا فكرت فى عيب معين
شكرا يا باشا

طيب بالنسبة للشارك انت جربتها؟ ولا ايه اللى عجبك فيها؟

**Mustafa_Farouk** · 04-03-2009 10:12 AM

المشاركة الأصلية كتبت بواسطة tiida_mohamed

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

االسلام عليكم،

دة قضاء وقدر ، السبورت مود مش حيخلي العربية تمشي لوحدها، لازم يكون سواق جامد برضو.
ده التعليق الوحيد عنها؟
أخبار التيدا إيه معاك، بحبها جداً العربية دي

**Islam Amer** · 04-03-2009 12:16 PM

المشاركة الأصلية كتبت بواسطة Busquets

اهلا بيك

هو مش هيستمر بيها اكتر من سنه يعنى بالنسبة لشاب فهى ممتازة و لو واحد كبير و استمر بيها سنه هتكون احسن

هو للاسف عايز السيفك و انا بكره شكلها :) و التيدا حلوه لانى من عشاق الهاتشباك

اللى مخوفنى من الاسترا الفتيس لان ابويا عايز اوتوماتك و يريح دماغه مش هيستحمل اقول له استنى عشان النتشة و انقل دلوقتى و شيل رجلك عشان ما تنتش !

شكرا ليك على كل حال

السلام عليكم يا اخي العزيز

بخصوص استرا هي الحقيقه عربيه محترمه جدا

مش عشان انا راكبها بس بجد عربيه كويسه جدا

بخصوص والد حضرتك مش يعني عشان العربيه الناس قالت عليها انها شبابيه يعني محدش يركبها غيرهم طب انا مره شوفت راجل كبير حوالي 60 سنه راكب GTC
يعني عربيه تعتبر اسبور جدااا فيعني كبر دماغق

طالما بتقول انها مش هتكمل غير سنه
اما بخصوص الفتيس فهو بجد اسهل كمان من الاتوماتيك العادي وسيبك من حكايه النتشه ولو تحتب والدك يجرب العربيه انا تحت امرك كلمني لو عايز

او ممكن تروح توكيل منصور ال في مصر الجديده وتعمل تست دريف وتقارن بنفسك
وانا تحت امرك في اي معلومه

مشاهدة نتائج الإستطلاع: من منهم الافضل.؟

الموضوع: Astra, Civic, Mazda3, Tida!!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

Opel Astra hatchback 2007 Vs Mazda3 2007

Civic, Mazda3 Aero and the Opel Astra

Mazda3. vs Opel Astra

civic mazda3

HONDA CIVIC 2007 OR MAZDA3

الكلمات الدلالية لهذا الموضوع

المفضلات

المفضلات

ضوابط المشاركة