انا برده العربية بتطلع مياه لونها اسود الصبح
عرض للطباعة
انا برده العربية بتطلع مياه لونها اسود الصبح
الدخان الأسود سببه rich mixture يعني خلل (مش شرط يكون مشكلة) في نسبة خليط الهواء للبنزين لصالح البنزين. يعني المفروض الخليط 14.5:1 ده الطبيعي لكن في حالة الدخان الأسود هتلاقي النسبة مثلاً 14.5:2 أو 14.5:3
يعني البنزين الداخل لغرفة الاحتراق زيادة بالنسبة للهواء و أسبابه كتير لكن انت بتتكلم عن سببه أثناء بداية التشغيل
بالنسبة للمواتير الكاربراتير عند بداية التشغيل على البارد و أثناء التسخين طبيعي أنه بطلع شوية دخان أسود:
1- الخانق مقفول أثناء بداية التشغيل و التسخين لسهولة التشغيل و تسخين أسرع
2- الموتور بارد-->البنزين الداخل بارد و تبخير البنزين و هو بارد أصعب من لو كان ساخن
ده بيسبب زيادة خليط البنزين-->دخان أسود + بخار الماء المتكثف يبقى هينقط نقط سوداء على الأرض
المفروض لما الموتور يصل للحرارة المطلوبة تكون كل الظروف دي اتعكست و خاصة الخانق (الشفاط) يكون فتح لأن استمرارها الآن غير ضروري
شوف باب الجراج عندي من أثر التسخين. هو مش دخان يتشاف بسهولة و هو خارج من الشكمان لكن لما يتراكم لفترة بيظهر
http://img204.imageshack.us/img204/1926/photo089yb3.jpg
لو الخليط زيادة و الموتور ساخن يبقى عندك مشكلة غالباً في ضبط الكاربيراتير أو الشفاط مش بيفصل لما تسخن. لو عندك rich mixture باستمرار هتلاقي البوجيهات سوداء كمان. و شوف برضه فلتر الهواء لو محتاج يتنظف أو تغيره
http://img204.imageshack.us/img204/3747/photo092hr2.jpg