العربية بتطلع نقط سودة من الشكمان... ساعدوني

**dr_timo** · 07-01-2009 12:15 AM

عربيتي الصبح كدة بالاقيها وانا بسخنها بالاقيها بتعمل بوقعة سامرة تحت الشكمان عشان بتنطور نقط سامرة كدة فانا سئلت ميكانيكي قاللي لا دة عادي هوة الصبح كدة بتطلع النقط دي وقاللي انها مش زيت دي مية وهية مبتعملش كدة لما تكون سوخنة هوة الصبح فعلا في السقعة بس فهل دة صح ولا الراجل دة بيشتغلني

**JOOOOOOOOOO** · 07-01-2009 12:23 AM

لا دا عادي خالص
والمياه دي بتدل على حسن موتور العربية
ونظافته يعني في احسن حالاته

**dr_timo** · 07-01-2009 06:29 AM

ربنا يطمنك ياجو

**ringoo84** · 07-01-2009 08:40 PM

لا عادي هي المفروض ماء بيضه بس السواد ده تلاقيه من الشكمان عادي متقلقش

**samirayad** · 07-01-2009 08:44 PM

دة بيبقى من الرواسب الكربونية لنواتج الاحتراق المتكونة وباقية فى الشكمان.......ولو عملت مشوار نظافة على سرعات عالية مش حتلاقى الموضوع دة موجود

**ihab** · 08-01-2009 11:05 AM

ا

دة بيبقى من الرواسب الكربونية لنواتج الاحتراق المتكونة وباقية فى الشكمان.......ولو عملت مشوار نظافة على سرعات عالية مش حتلاقى الموضوع دة موجود

و ممكن يمكون الكربراتير مش مضبوط نسبة خليط البنزين و الهواء فبتكون النتيجة ان العادم زى ما بيقولوا بيبقى نئ و ده اللى بيخلى مع نقاط المياه اللون الاسود ده

**samirayad** · 08-01-2009 01:43 PM

المشاركة الأصلية كتبت بواسطة ihab

ا
و ممكن يمكون الكربراتير مش مضبوط نسبة خليط البنزين و الهواء فبتكون النتيجة ان العادم زى ما بيقولوا بيبقى نئ و ده اللى بيخلى مع نقاط المياه اللون الاسود ده

لو الخليط نىء حيخرج بنزين من الشكمان ...مش مية زى ماهو موضح بالبوست

**ihab** · 08-01-2009 02:20 PM

و الخليط نئ حايخرج هباب من الشكمان و مع قطرات المياه ( فى حالة الموتور الجيد ) حاتبقى نقط سوداء

**dr_timo** · 08-01-2009 04:47 PM

علي فكرة ياجماعة الراجل اللي قاللي ان دة عادي والماتور كويس دة الراجل بتاع الكاربيراتير لاني ودتهاله من مدة لما كان استهلاك بنزينها عالي وحالتها زفت وبتبطل ومبتدورش بسهولة فغيرلي كزا حاجة في الكاربيراتير وباب وبيك ومسامير واكس والراجل دة جامد اوي الصراحة
فعشان كدة انا بحاول استبعد عيب الكاربيراتير دة لان الراجل دة متخصص فيه وهوة اللي لسة ظابطهولي دة غير تقريبا لو الكاربيراتير فيه عيب هيبقي حكاية البنزين النيء دي دايمة مش الصبح بس