ممكن أسعار (الكويل-الرفرف-الفانوس الأمامى-علبة البيئة-حساس كامة)بره التوكيل

**PASST2000** · 07-01-2009 12:19 AM

النجدة يا ملاك و خبراء الرينو عربية ميجان 2006 فيها شوية مشاكل كده
1-كويلين موبينا
2-الرفرف الفيبر الامامي يمين مدمررررررررررر
3-فانوس امامي يمين
4-سنسور كامه
5-علبة بيئة
6-شبكة ادام
انا دورت في القسم لقيت اسعار قطع الغيار في التوكيل حاجة وهمية كده يعني:
كويلين:500 جنيه
رفرف ادام:1380 جنيه
فانوس امامي:935 جنيه
سنسور كامه:600 جنيه
شبكة ادام:350 جنيه
علبة بيئة:ملقيتش سعر ليها
مجموع الارقام دي من غير علبة البيئة:4265جنيه!!!!!!!!!!

الرقم عالي اوي مش عارف مال قطع غيارها غالية اوي كده ليه المهم احنا محتاجين مساعدتكوا في ان الحاجات دي نجيبها من برا التوكيل لان الاسعار دي غالية جدا جدا جدا جدا جدا

و علبة البيئة الله يخليكوا و لو ليها حل تاني لان من الواضح انها هتكون بسعر خيالي

نرجو الرد السريع و شكرا مقدما

**Ahmed Selim** · 07-01-2009 12:28 AM

بص يا باشا

أولاً هى العربية طلعت من الضمان؟

ثانياً الحاجات اللى أنت عاوزها هتلاقيها فى شارع دمشق وأن كنت معرفش الأسعار بالظبط غير الرفرف بحوالى 300 الى 350 جم وبيبقى تايوانى
بس نصيحتى ليك....غير الكويلات والحساس فى التوكيل والباقى برة التوكيل.

بالنسبة للعلبة....قدامك 3 حلول
1- التوكيل وكانت فى حدود 8 ألاف جم
2- أستيراد وأنت وحظك
3- تجيب علبة عادية بدالها أو تشيل الحشو بتاع العلبة بتاعتك بس ده المفروض ليه 3 أعراض جانبية هى علو صوت العربية و تحسن السحب شوية والتالت ملهوش لازمة فى بلدنا قوى واللى هو العادم هيبقى ملوث أكتر من لو العلبة سليمة.

**PASST2000** · 07-01-2009 12:43 AM

الف شكر يا احمد باشا حضرتك و مومو علي سرعة الرد :):)

العربية طلعت من الضمان فعلا

الحاجة دي الاقيها عند مين في شارع دمشق تحديدا

س سؤال يا احمد باشا اشمعني الكويل و الحساس في التوكيل سعرهم 1600 جنيه و اكيد بدون ضريبة ولا تركيب يعني قول 2000 جنيه مثلا!!

العلبة ب 8 الاف جنيه!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!

هي عربية صاحبي و هو عايز يجيبها جديدة طب ايه رأيك و رأي مومو باشا في تركيب ديفل كامل؟؟

الف شكر لرجالة رينو علي الردود السريعة :):)

**Ahmed Selim** · 07-01-2009 12:49 AM

الديفل أسأل فيه أيمن.........هو مركب واحد
بس على ما أفتكر مركبه من غير علية البيئة عشان تمنها غالى قوى

الكويلات فعلاً ممكن تتركب برة التوكيل.......بس الحساس منصحش خالص أنه يركبه برة التوكيل.

علية البيئة فى أى عربية غالية عشان الحشو اللى فيها.

سؤال بقى لو ينفع........هو كان ماشى بالعربية كده أزاى ؟؟؟؟؟؟

**Sharky** · 07-01-2009 10:34 AM

أسعار التوكيل طبيعى لازم تكون غالية لكن لو قارنها بالسبارات الأخرى إللى فئتها زى الكورلا و السيفيك و الجيتا و الأسترا و غيرها حيلاقيها أرخص منهم

لكن ممكن تشوف علبة البيئة إستيراد من الحرفيين فى حدود 800 جم أو تشوف أيمن بيقول ممكن يجبها أورجينال بـ 750 جم

بالنسبة للكويلات و الحساسات أفضل تغيرهم فى التوكيل لإن بيبقوا إلى شويه لكن لإن عليهم ضمان سنة لو حصل فيهم حاجة

الرفرف الامامى بـ 350 جم تايوانى
و حتلاقى الفانوس و الشبكة بنصف التمن فى شارع دمشق

**Amr_Moh** · 07-01-2009 02:49 PM

الفانوس في منو ديبو تايواني بس منصحكش بيه لئن بيصفر بعد سنة

**PASST2000** · 07-01-2009 04:53 PM

الف شكر يا شباب علي الردود السريعة :):)

يا ريت رأي ايمن في الديفل و يتكلف كام تقريبا

والله يا احمد باشا ما اعرف هو ماشي ازاي كده العربية اساسا مبهدله و هو من ساعة ما عرف اسعار الحاجة دي كلها و هو مذهول و و بتتركن كتير يعني و بصراحة المفروض كان يعمل الحاجات دي حاجة حاجة و يهتم بالصيانة ميسيبهاش لحد ما تتدهور كده
قدر الله و ما شاء فعل

**tamer_samy** · 07-01-2009 07:46 PM

الكويل بره التوكيل 400 أصلي عند ناصر في المعادي
حساس الكامه 355 عند فرنش موتورز الرحاب
فانوس امامي اعتقد في حدود 250 تايواني
علبه البيئه كنت سألت عليها استيراد انت و حظك كانت ب 850

-

الموضوع: ممكن أسعار (الكويل-الرفرف-الفانوس الأمامى-علبة البيئة-حساس كامة)بره التوكيل

LinkBack

أدوات الموضوع

عرض

-

-

-

-

المواضيع المتشابهه

مين ممكن يشتري فحم علبة البيئة؟

ما هو سعر علبة البيئة فى التوكيل ibiza 2002

سعر الرفرف الأمامى للماروتى

تطبيقة فى الرفرف الأمامى

علبة البيئة ممكن تعمل صوت خشونة للماتور ؟

الكلمات الدلالية لهذا الموضوع

المفضلات

المفضلات

ضوابط المشاركة