ما هو الفرق بين الاثنين فى ناس بتقول لو حاله الماتور حلو استخدم تخليقى مش فاهم يعنى لو الماتور حلو واستخدمت عادى مع انى معرفش الفرق بينهم ايه ارجو التوضيع جوليت 99 استيراد من كام يوم وعايز اغير زيت ومحتار
عرض للطباعة
ما هو الفرق بين الاثنين فى ناس بتقول لو حاله الماتور حلو استخدم تخليقى مش فاهم يعنى لو الماتور حلو واستخدمت عادى مع انى معرفش الفرق بينهم ايه ارجو التوضيع جوليت 99 استيراد من كام يوم وعايز اغير زيت ومحتار
على اساس انه لو الموتور حلو مش خساره تحط زيت غالى بس هيحافظ على العربيه لكن لو الموتور ضعيف يبقى مش فارقه هتحافظ على مش مهم يعنى و فى بعض الفروق الكبيرة بين الاتنين تخلى التخليقى احسن بكتير فى عمر المحرك و المحافظه عليه و لو مهتم بالفروق ممكن اقولهم لسيادتك
الزيت العادى من منتجات البترول
الزيت التخليقى من منتجات نباتية ولزوجته ثابتة مع درجات الحرارة المختلفة ولا يتحلل بسرعة..وعكس هذا الكلام فى الزيت العادى...
عينيا يا استاذ مزجانجى انا المعلومات دى كنت حصلت عليها من كورس من الشركه عندى فى اكسون موبيل لان ده مجالى انا مهندس ميكانيكا
بص يا باشا الفرق كالآتى:
1- وزن الزيوت التخليقيه اخف من الزيوت المعدنيه و دة بيسهل عمليه رفع الزيت على طلبه الزيت و يوصله اسرع و بالتالى يقوم بتزييت اجزاء المحرك اسرع و يحافظ على اجزاء المحرك و يطيل عمره.
2- الزيوت التخليقيه انقى من المعدنيه بالنسبه لبرج تقطير الزيت فتكون الشوائب اقل فى التخليقى و هذا ايضا يقلل وزنه عن المعدنى.
3- التركيب البللورى فى الزيوت التخليقيه و هى تبدا بذرات الميثان تكون متماثله مما تجعل الزيت متماسك و تركيبه البللورى قوى فى الروابط و بدون عيوب اى ثبات الرابط و عدم تاثره بالحرارت Oxidation Stability.
4- VI و هى اختصار معامل اللزوجه و تكون للزيوت التخليقيه اكبر من المعدنيه و هذه الخاصيه تحسن خواص الزيوت فى الحرارات العاليه و المنخفضه ايضا بنفس الكفاءه و لها جداول بيانيه لمعرفه خط VI لكل نوع زيت .
5- تحمل درجات الحراره العاليه بدون التغير الكيميائى للزيت Better Thermal Stability .
6- Lower Volatility مقاومه حدوث تطاير و تكون بخار ماء نتيجه تكسر الروابط.
7- المقاومه الداخليه بين الذرات و بعضها تكون فى الزيوت التخليقيه اقل منها فى المعدنيه و بالتالى الزيوت التخليقيه تحتاج طاقه اقل لتحريكها فتوفر الطاقه المبذوله و تسهخل الحركه على طلبه الزيت كمثال.
8-و من اهم خواصه فى الحفاظ على المحك خاصيه Cold Start عند درجه حراره البدايه تكون الحراره قليه و لكن الزيوت التخليقيه تحافظ على درجه لزوجه مناسبه فينتشر سريعا و يغطى اجزاء المحرك اسرع .
9- الزيوت الخليقيه تسمح لها لزوجتها بتكوين طبقه على اجزاء المحرك عند توقف المحرك و بالتالى عند بدايه الدوران تكون اجزاء المحرك مغطاه بطبقه زيت فتقلل الاحتكاك حيث ان الزيت الذى تضخه الطلمبه يتاخر عن الوصول الى اجزاء المحرك لاجزاء من الثانيه فى هذه الاثناء الزيوت التخليقيه تقلل الاحتكاك قليلا.
و قد تم عمل دراسه ان اكثر من 70 % من المحركات تنهار عمرها بسبب بدء دوران المحرك و الاحتكاك بين الاجزاء الداخليه للمحرك .
ارجو الا اكون اطلت الحديث عليكم
و ارجو ان يكون مفيد للاخوه فى منتدانا
يا باشا الف شكر ليك ومجهود عظيم فعلا والف شكر ليك بس بخصوص انهى الافضل موبيل والا شيل؟؟؟ انا سمعت ان معظم الناس بتقول شيل افضل من موبيل كثيرا ويستحمل الحرق ومع شيل صوت الموتور افضل واهدى ... ارجوا من حضرتك تعليق على هذا الكلام وسمعت برضوا ان لازم اغيره بعد 6 شهور حتى لو معملتش غير الف كيلو واحد فى ال 6 شهور !!!! ايه رائي حضرتك فى الكلام ده؟؟؟ انا معايا عربيه لانسر 1300 سى سى عداد 39 الف كيلو من الزيرو بستخدم موبيل العادى المعدنى اللى بيتغير كل 3 الاف... وايه اللى لازم اعمله للتحويل الى شيل تخليقى او موبيل وان التخليقى غير تغير الفيلتر؟؟؟؟ وشكرا لحضرتك بجد معلومات فى غايه الاهميه والف شكر لايضاح حضرتك ومستنى اجابه حضرتك على الاسئله دى واسف على الاطااله والف شكر مره تانيه
الأخ الفاضل kliken ألف شكر على الأيضاح
لا شكر على واجب يا رجاله و الحمد لله انى قدرت اوضح حاجه للمنتدى الجميل بتاعنا
و بالنسبه لحضرتك يا استاذ مزجانجى التغيير من موبيل معدنى xhp كمثال الى موبيل 1 و ده من كلام مهندس اللى كان بيحاضر فى التدريب من اكسون موبيل قال غير الفلتر بس و لكن قال نسيب الزيت يتصفى للآخر يعنى نسيب الطبه بتاعه الزيت مفتوحه مده اطول شويه مع تغيير الفلتر هو ده بس اللى قاله بصراحه .
و اتكلم كمان عن جوده زيوت موبيل ان شركه موبيل ليها سياساه جوده قويه جدا و بتخاف على اسمها جدا يعنى بص حضرتك اساس صناعه الزيت ماده اسمها base oil بيهتموا جدا فى استلامه و الماده دى الحكومه بتديها للشركات بحصص لكل شركه و احيانا كان بيقول انهم مش بيستلموها علشان المواصفات و الحكومه بتديها لشركات تانيه هو ما قالش اسمها و هما بيبعتوا يجيبوا من فروع اكسون موبيل بره مصر كمثال حى هو قاله و ارجو اكون وضحت شويه من كلامهم انهم بيهتموا جدا بالجوده و هو قال انه فى عربيته بيغير بعد 15000 كم لان عربيته جديده 2006 و هو محافظ عليها و على مشيها
و شكرا
الله ينور بجد
المنتدى كل يوم بالناس اللى فية يزيد مصداقية وبياخد ثقل جامد وسط المنتديات التانية
على فكرة فية منتديات كتير اعضاءها بينقلوا موضوعات من هنا واخر حاجة انا شوفتها موضوع المواتير القديمة والنفتالين
شكرااااااااا على التوضيح المهم ده
فعلا يا استاذ سمير هو ال base oil اللى بيجى للشركات من الحكومه بيكون ثابت و نسبه الاضافات Additives ه اللى بتختلف من شركه الى اخرى زى خلطه الطبيخ كدة كمثال تشبيهى بس ال base oil المفروض ليه مواصفات عشان يبقى الاساس سليم و كله يتبنى على اساس مظبوط و عشان يدى نتيجه مظبوطف موبيل فيها الموضوع ده بيركزوا فيه مش بيستلموا اى base oil من الحكومه و فى معملين لموبيل فى مصر واحد منهم جامد جدا و بيخدم منطقه افريقيا كلها تقريبا مش متأكد بالظبط بصراحه من موضوع اى المناطق بالظبط بس بيخدم منطقه كبيره جدا من العالم يعنى مستوى عالى جدا من الدقه احنا عندنا فى الشركه بنبعت عينات زيت و بتيجى النتيجه خلال 3 او 4 ايام بس دة للزيوت الصناعيه عندنا للشركه و بالتالى بيقدروا يحللوا و يعرفو جوده ال base oil اللى معاهم و بيقرروا ياخدوه و لا لا و لو مش بياخدوه بيجيبو من بره و هكذا
و الاضافات و نسبها بتبقى ليها دور طبعا فى جوده المنتج برضه و بتبقى سر من اسرار المهنه حاجه كده يعنى
بصراحه بالنسبه لموضوع المده ما حصلش كلام عليها فى الكورس خالص مش عارف معنى كده انه مالهاش مده صلاحيه و لا بس الموضوع نفسه اللى مجاش احنا اتكلمنا كتير عن عدد الكيلو مترات تقريبيا فى السيارات و كان بالمناسبه قال ان مديره بيغير الزيت على 20000 كيلو و هو كان بيغير على 15000 كم فى عربيه كورولا 1600 سى سى اتوماتيك موديل 2006
لكن عندى فى الشغل الزيوت بنحللها دايما كل شهر و بنغير على اساس نتيجه التحليل و عدد ساعات العمل مالهاش دعوة بالمده الموجوده فى المعده مش عارف دة بينطبق على السيارات و لا لا بس ممكن احاول اسأل فى الموضوع ده و لو عرفت هبقى ابلغكو ان شاء الله
أشكرك يا أخى للايضاح.....ونحن فى انتظار تقصيك للمعلومة بتاعة ارتباط الزيت بالمدة وليس الكيلومترات على أساس فية ناس بيقعد الزيت معاها أكثر من عام على أساس انها ممكن ماتمشيش بالسيارة أكثرة من 8000 كم فى العام........علشان كدة ياريت تخليك فاكرنا...........بالمناسبة يا أخى بصفتك متخصص فى مجال الزيوت مش المفروض صلاحية الزيت مرتبطة بعمر ارتباط الاضافات للزيوت بالزيت الأساسى(أى قبل حدوث انهيار لارتباطهم ببعض).....أعتقد هو دة الفاصل فى صلاحية الزيت وليس اللزوجة(على أساس ان اللزوجة بتعتبر محصلة الارتباط بينهم) وممكن يكون انهيار اللزوجة بيجى من عملية التحلل أو التكسير لمكونات المنتج.........ياريت تعليق
استاذ سمير هو حضرتك اكيد زى ما بتتكلم فعلا الفاصل هو عمليه ارتباط ال base oil with the additives لانه فعلا هو فى الزيوت التخليقيه الرابطه بتكون متماسكه اكتر فى الحرارات العاليه و المنخفضه ايضا و كنت شفت فيديو مع المهندس بتاع اكسون موبيل عن زجاجتين واحده فيهم مليانه زيت تخليقى موبيل 1 و واحده زيت معدنى و تم وضعهم فى درجه حراره منخفضه جدا و بصراحه مش متاكد من الرقم بالظبط و تم حساب المده اللى هتنزل فيها الكميتين تحت نفس الظروف و كل العوامل وجدا ان الزيت التخليقى و كان حجمه لتر نزل كله فى وقت قصير نسبيا و بعد ما كان بيشطب فى اواخر التر بدأ ينزل الزيت المعدنى و كان لتر ايضا و فى نفس العبوات البلاستيك و تحت نفس الظروف
يدل على ان الزيت التخليقى بيحتفظ اكتر بخواصه و بالروابط بداخله فى الحرارات العاليه و المنخفضه ايضا
و ان شاء الله هسأل قريب عن موضوع الوقت و لو انى اعتقد انه مش بالوقت بالكيلو فقط بس هسأل و هرد على حضرتك قريب ان شاء الله
بالاضافة الى سؤال الاستاذ سمبر
الزيت بتتغير خواصة بعد مدة 6 اشهر من استعماله لكن بالنسبة لنخزينة فى المحلات هل بتتغير برده زى الاطارات
يعنى بصيغة اخرى هل وانا باشترى زيت لاوم ابص على تاريخ الانتاج والصلاحية
طيب معلشى انا العربيه بومه 2010 بحطلها زيت موبيل 1 كوويس والا اغيره لحاجه احسن ياريت حد يفدينى
شكرا اخوانى الكرام على المعلومات المفيدة بس ليا سؤال انا اشريت من كام يوم سيارة رينو رينبو موديل 2000 صاحبها كان بيحطلها زيت امارات مصر فهل فى مشكلة انى اغير لزيت تخليقى ولو ينفع اية الاجرءات التى يجب اتباعها للتغير من معدنى الى تخليقى وشكرا لكم