عرض للطباعة
أرجو من الاخوة الأعضاء ذوي التجربة والخبرة تقديم النصح لي
هل الفرق بين ال 1300 و ال 1600 مانيوال
يعتبر فرق كبير جدا , من حيث الاداء والتكييف والباور
لأن بصراحة كده الميزانية تعبانه جدا اليومين دول
والفرق بينهم في السعر كبير جدا في الخليجي
1300 = 88000 موديل 2008
1600 = 106000 موديل 2009
ومش عارف والله الواحد يوفر الفرق ده و لو استرخصت حجيب لنفسي وجع الراس
افيدونا افادكم الله
وادعوا لإخونكم في غزة
الفرق كماليات +فرق فى العفشه +الجنوط
كماليات لو بنقارن خليجى1600 بخليجى 1300 يبقى الفرق كنبه سبليت +مسند يد امامى +فرش بيج +تابلوه نيكل +اربعه سماعات
لو نقارن مصرى 1600ب مصرى 1300الفرق هيكون طاره شكل جديد بايرباج+مفتاح ايمبليزر+فرامل abs +طاره جلد طبيعى
او بتقارن مصرى 1600 بخليجى 1300 الفرق هيكون بالاضافه للفرق بين 1600 خليجى و1300 خليجى فرامل abs +عتب جانبى +اكر نيكل +طاره جلد
1300 خليجى هتكون زياده فى اريال سقف وفوانيس خلفيه شفافه
نيجى بقى للفرق العفشه ال1600 فيه عامود اتزان فى العفشه الخلفيه بالاضافه الى خنوط اعرض
اما فرق المحرك
بما انك بتكلم عن المانوال مش الاتوماتيك يبقى الفرق انك فى ال1600 وانت ماشى على 100 الrbm بيكون على 2.1 اما ال1300 بيكون على 3
تانى حاجه تحس بيه لو انت بتشد طبعا سحبه ال1600 اقوى
ماشاء الله رد وافى وشافىاقتباس:
المشاركة الأصلية كتبت بواسطة limo
عموما أنا عندى 1300 خليجى وسحبها ممتاز طالما على الغيار الصح وبشد وباعمل كل اللى أنا عايزه ، مع ملاحظة إن سحبها بيضعف بدرجة بسيطة مع تشغيل التكييف بكامل طاقته
وبما إن الموضوع مش سبق سيارات والميزانية مش هتسمح يبقى 1300 وهتكفى إحتياجاتك من عربية جيدة جدا فى كل شئ
لكن لو الميزانية هتسمح يبقى مافيش تردد وعلى طول 1600
انا من رأي لو انتا لسه ماجبتش حلجه هات1600 مصري عشان تتجنب وجع الراس ويكون عندك الضمان والسحب الجامد
وعلى فكره انا عندي 1300 خليجي ولو رجع بيا الزمن هجيب 1600 من غير كلام
بس الحمد لله على كل حال وسواء 1300 او 1600 العربيه دي كفائه وممتازه
وربنا يوفقك
الأستاذ Limo
جاب من الآخر
مشكوووووووووووووووووووووو وور
أختلف معاكاقتباس:
بما انك بتكلم عن المانوال مش الاتوماتيك يبقى الفرق انك فى ال1600 وانت ماشى على 100 الrbm بيكون على 2.1 اما ال1300 بيكون على 3
تانى حاجه تحس بيه لو انت بتشد طبعا سحبه ال1600 اقوى
__________________
لو انت على سرعة 100 في 1.6 أو 1.3 ال RPM حيبقى على 3 برضه
المسألة مش في الماتور المسألة تتعلق بنسب تخفيض الجير بوكس
__الأتوماتيك على سرعة 100 بيكون ال Rpm على 2200 تقريبا
لأن التوب جير في المانيوال نسبته 0.8
اما الأتوماتيك 0.4 CVT
للمزيد انظر الكاتلوج specifications
GearBox specifications
احتمال كبير جدا يكون كلامك صح لانى حكمت بناء على تجربه عربيتى وهى اوتوماتيك 1.6 وعربيه واحد قريبة 1300 مانوالاقتباس:
المشاركة الأصلية كتبت بواسطة nobody
اكيد ال 1600 افضل بكتير من جميع النواحي و انا شايف الفرق يستاهل الصراحه
باشا ... ألف شكر لمعاليك , وشكرا للاهتمام , بس انت كده هتخليني افكر في الرجوع لفكرة الـ1600 مصرياقتباس:
المشاركة الأصلية كتبت بواسطة limo
وهو فعلا الواحد مش بيشتري كل يوم
اشكرك يا صديقي على الرد والاهتمام وجزاك الله خيرااقتباس:
المشاركة الأصلية كتبت بواسطة Dr Ahmed
جزاك الله خيرا على النصيحةاقتباس:
المشاركة الأصلية كتبت بواسطة hamode89
لأن حضرتك فعلا حتخليني أخد قرار ال1600 وكيل دون تردد
انا معملتش الا اللي يرضي ضميري
وعلى العموم ال1600 قويه وربنا يديك خيرها ويبعد عنك شرها
ونقول مبروك بقه