الاخ اللى حاطط صورة ال505 وقايل انها عادة معلش انا بعتزرلك وبختلف معاك الصورة دى ل505 طيارة جدا جدا بس دة الموديا الامريكان ولو عايز تتأكد بص على المرايات وانت تعرف والموديل دة هو الطيارة بس اللى بينزل فى امريكل وانا عربيتى ال 505 موديل 80 ومتعدلة نفس الشكل دة والتابلوة بناعى طيارة ...اما الطيارة الاوروبى بتكون نفس المرايات ونفس التابلوة بس الاكصدامات بتكون بكساحات وبيكون فية على الشنطة جناح صغير اما عن الموتور بيكون فية شوية اختلاف من شكل العمة وقربة المية وكمان الكربراتير وفية منها انجيكشن بس مش هتلاقيها متقلقش ...عموما ال505 عربية جبارة وقطع غيارها عندنا هنا فى المنصورة ببلاش وبكرر ببلاش يعنى مثلا 4باب بمواتير الكربا بتاعة الازاز بالازاز بالمرايات بالفرش الداخلى ممكن بعمل 1000او 1100 جنية يعنى هبل ..وكمان مش هكلمك على السرعة والثبات والاتساع والاهم من دة كلة انك هتكون راكب عربية محترمة مهما عدا عليها الزمن ولو حد شد عليك على الطريق حضرتك بكل بساطة هتطر تستعرض عضلاتك وتستخدم الالفين سى سى وابقى اعملة باى باى من المراية ...وبالتوفيق