هو انا اللى اعرفه ان فى انجلترا لان خالى هناك بيأخد مرتب شهرى له و لمراته و لـ اولاده!! مش عارف المرتب كام بس اكيد حاجة حلوة!!
يعنى اكيد انضف من هنا مليون مرة
عرض للطباعة
هو انا اللى اعرفه ان فى انجلترا لان خالى هناك بيأخد مرتب شهرى له و لمراته و لـ اولاده!! مش عارف المرتب كام بس اكيد حاجة حلوة!!
يعنى اكيد انضف من هنا مليون مرة
تقصد اعانة بطالة
مفيش حاجة أسمها مرتب شهري لواحد مش بيشتغل
طبعا أنا هنا لا أقصد خالك
أنا بتكلم عن الناس اللي مش بتشتغل
إنما لو شغال
المرتبات في أنجلترا كالتالي
أطباء من 20 إلى 60 ألف جنيه أسترليني في العام حسب سن و كفاءة الطبيب
محاسبين مثل الأطباء
كادر الممرضين ......... من 15 إلى 30 ألف في العام
المبرمجين من 20 إلى 40 ألف
المهندسين من 15 إلى 40 ألف
و أغلب الشعب عايش على مرتب لا يتجاوز 1500 جنيه أسترليني في الشهر
و طبعا مفيش راجل يقدر يفتح بيت بالمبلغ ده
كدا ييجي يشحت عندنا في ميدان السيدة احسن له !!!
طيب ليه !!
لأن الضرائب هناك هاتخد نصف المرتب مع الفواتير و مصاريف العربية أو المواصلات
ضرائب الحي للملاك ( من 100 إلى 200 أسترليني في المتوسط )
مصاريف تأمين ( أغلب الناس مأمنين علشان هناك التصليح مكلف جدا ) مش هاتقل عن 100 جنيه أسترليني في الشهر و طبعا في أزيد من كدا بكتير
مصاريف سيارة على الأقل 500 جنيه شهريا ( بنزين - تأمين - ضرائب - ركن !!! مفيش هناك ركن ببلاش - تصليح و صيانة .... الخ )
نيجي للفواتير
كهرباء مش أقل من 50 جنيه أسترليني شهريا
غاز من 50 إلى 100 حسب الموسم ( شتاء غير الصيف )
تليفون و أنترنت و محمول ......... 40 على الأقل
صحيح هناك الحياة نظيفة ..... منظمة
ده الفرق بينا و بينهم
مش أكتر من كدا
النظافة و النظام
إنما الحياة هناك غالية جدا جدا و مكلفة
لذلك تجد أن الناس كلها لازم تشتغل ( أب - أم - أبناء )
علشان يقدرو يسدوا على مصاريف الحياة و يحوشوا حاجة علشان أخر السنة يطلع فسحة برة البلد
و كمان نسيت أقول 800 جنيه ....يا إما قسط للبيت أو أيجار
و طبعا الايجار ممكن يقل عن كدا خارج منطقة لندن و المدن الكبرى زي مانشتر ... ليفربول ... ادنبره ...جلاسكو ...
إنما داخل المدن دي
الايجار يبدأ من 800 إلى 1500 جنيه
يعني من الأخر
مينفعش واحد لوحده يفتح بيت إلا لو كان جراح ....أو حاجة مرتبها ميقلش عن 50 ألف جنيه أسترليني في العام
بالمناسبة اعانةالبطالة
يادوبك تأكلك بصل و توم
تقريبا بتكون في حدود 250 إلى 500 جنيه شهريا لكل الأسرة
بس بشروط
لازم يكون المنتفع من النظام من غير الملاك لأي شئ ( اي شئ و لا حتى عربية )
لازم تكون على الحديدة علشان يدوك أعانة بطالة
و طبعا 500 جنيه ......... يدوبك ... تأكل بيهم عيش حاف
فيه بقى نظام تاني للأخوة اللي أتصابوا اصابة عمل
دول بيأخدوا اعانات شهرية لتمكينهم من الكمال حياتهم على أساس أنهم معندهومش المقدرة على العمل
بصراحة انا مش بسألو فى تفاصيل الحياة اوى كدا
يعنى انا عارف انه عنده محلات اكل هناك بتعمل برجر
و المفروض انها محلات مشهورة
بس مش بسألو بتاخد كام فى الشهر ولا بتكسب اد ايه لان كدا تعتبر سفاله منى :)
بس اللى متأكد منه انه الى جانب الشغل بيأخذ مرتب من الحكومة شهريا
استاذ توت مع احترامي ليك و لارائك طبعا بس انت فاهم الموضوع برا غلط شويه انا مش عارف حضرتك جبت ارقام المرتبات دي منين بس انا بحكم اني شغال في السياحه و سافرت اكتر من دوله اوربيه فاقدر اقولك لحضرتك علي الارقام الحقيقيه اولا احنا لازم نتفق ان الضرائب و الكلام دا هناك غالي جدا بس لو جيت قارنته بالضرايب اللي هنا هتلاقيها ارخص من هنا بالمقارنه بدخل الفرد هناك و دخل الفرد هنا علشان كدا في جاااااااب مش ممكن تتخيلها و كمان احنا الحاجات اللي بتدفع في مصر كدا كلنا طبعا عارفين بتروح فين برا بقي الموضوع مختلف خالص بيقدروا يستثمروا الفلوس دي بجد و يخلوها تخدم المواطن مش مجرد فلوس محدش عارف هيا راحه فين في الاخر
المرتبات برا غير اللي حضرتك قلت عليه دا خالص و في نفس الوقت المصاريف هناك مش بالحجم اللي حضرتك وضحته و اكبر دليل علي كدا لما كنت في اسبانيا و هيا احدي دول الاتحاد الاوربي بجد انا انبهرت باللي بيحصل هناك من قوانين حازمه و بتطبق بكل شده و مش بيفرق بقي الوسايط و الكلام اللي هنا دا المهم دا مش موضوعنا يعني
كان في دكتور هناك مصري كان زميلي في الجامعه ما شاء الله يعني بياخد في الشهر مايقرب من 3000 يورو بالاضافه الي 800 يورو بدل سكن لانه طبعا مغترب اظن دا مبلغ حلو جداااااااا مش وحش و بعدين دا مرتبه من المستشفي اللي هوا شغال فيها بس و كان بيدور علي شغل مع اي دكتور من الدكاتره الكبار اللي في المستشفي في عيادته الخاصه اعتقد انه بردو هيدخله دخل تاني مناسب و اللهم لا حسد :F_eyeb1[1]: و الوضع مشابه في انجلترا تقريبا لاني لما رحت هناك مش قعدت كتير يعني بس الناس بجد هناك عايشه حلو قوي مش زينا البلد بتتفنن انها تظبطهم و لنا الله
اسف طولت عليكم بس بجد ارجو ان حضرتك متكنش مقتنع ان هنا زي هناك
أنا بس هعلق على مرتبات الدكاترة في أمريكا
الدكتور في أمريكا بعد التخرج مباشرة بياخد نيابة (residency) وبياخد مرتب من42.000 ل50.000
وبعد ما يخلص النيابة ويشتغل المرتبات لا تقل بأي حال من الأحوال عن 120.000 دولار في السنة وبتوصل ل 400.000 حسب التخصص
مش مصر فيها من عاجيب الدنيا
انا ليه رأي مختلف, ان السيارات الجديده مصممه انها تخرج اقل نسبه عوادم مش زي السيارات القديمه اللي مش عارفين نتخلص منها و نجيب الجديد نظرا لارتفاع سعر الجديد.
السؤال لمذا المصريين وحدهم هم من يتحملون عبء حمايه كوكب الارض دونا عن باقي شعوب العالم التي تتنعم بجمارك منخفضه لا تذكر, حتى تعيش هيا في رفاهيه و نحن نتحمل هذا العناء و نمنع انفسنا من ركوب سيارات جديده نظيفه!
انا متاكد ان حد ليه مصلحه ان الجمارك تكون عاليه في مصر عشان "كرشه يكبر" .
و بعدين مشكله المرور في القاهره ممكن انها تتحل بالانفاق زي كل عواصم العالم المكتظه بالسيارات بأعداد اضعاف اضعاف العدد الموجود في مدينه القاهره...
طيب أنا مش عارف كلام حضرتك موجهة لمين ؟؟
أنا الوحيد في الموضوع اللي أتكلمت عن موضوع المناخ و حماية كوكب الأرض .
طيب يا سيدي أنا لا تاجر عربيات و لا بشتغل في الحكومة
و ياريت حضرتك تراقب كلامك قبل ما تهين الناس .
------------
و مين قال أن عواصم العالم مليانة أنفاق ؟؟؟
و مين قال أن ركوب العربيات برة مصر ( أوروبا مثلا رخيص ) ؟؟؟؟
لو عايز تتناقش مناقشة موضوعية أهلا و سهلا بيك
بس ياريت تبقى تحاسب على كلامك علشان فيه إهانة
و السلام عليكم
يا جماعة الموضوع موش مسئلة جمارك و بس. على فكرة كمان شريحة الـ 60% جمارك دي للعربيات اللي اكتر من 1600 سي سي، يعني 1600 سي سي ما هياش 60% جمارك و لا حاجة.
نرجع تاني لمرجعنا، المسئلة ما هياش جمارك و بس، المسئلة في الأساس احتكار تربيطة من الوكلاء و التجار الجشعين للسوق المصري في كل حاجة و سوق السيارات ما هوش استثناء من الاحتكارات دي.
أقل وكيل بيكسب في العربية هامش ربح ما يقلش بأي حال من الأحوال عن 100% و يجوز أكتر من كدة كمان، يعني لو فيه عربية انت بتشتريها ب 100 الف جنيه، لازم تبقى متأكد انها واقفة على الوكيل لغاية ما عرضهالك موش اكتر من 50 الف جنيه بأي حال من الأحوال.
المشكلة الحقيقة هي اننا شعب كسلاتي بيحب يريح دماغه، و ينام في الطراوة. أي واحد مننا اكيد يعرف اكتر من واحد صاحب او معرفة ثقة مسافر برة، و يقدر يبعتله و يشتري له عربية زيرو من برة يوفر فيها على الأقل 30% من اللي هيدفعه هنا، مع العلم انه هيشتري و هيشحن عربية واحدة موش 100 و لا 200 عربية مرة واحدة زي اي وكيل.
أرجو إننا ما نعملشي من موضوع الجمارك ده حاجة زي أمنا الغولة اللي كانوا بيخوفوا بيها عيال القرن الـ19 الموضوع ابسط من كدة و الحكاية هي جشع و احتكارات.