طبعا الموضوع بسيط وكل اللي هيقرا هيقولي ايه التفاهة دي بس خواطر بقه حبيت اقولها في اللانوس
يا جماعة انا من حوالي تمن سنين لما كانت اللانوس عربية جديدة لسة كنت بجد بعشقها وكان نفسي تبقي عندنا
بس اللي بيحصل دا مش طبيعي
انتشارها بقي غريب جدا بقيت عاملة زي الوباء والله
كل خمس عربيات راكنة منهم تلاتة لانوس
انا عارف ان اول رد هسمعه ان دا دليل على ان العربية ممتازة و و و
والله عارف ومتأكد من كدة
بس انا حابب اسأل هل انت لسة حابب شكل اللانوس ؟؟
مش متضايق من انتشارها ؟
وليه احنا الشعب المصري لما نمسك في حاجة مش بنسيبها
زيها زي النوكيا في الموبايل كأنه دستور
موبايل ___ نوكيا
عربية____لانوس
في عربيات كتييير في فئتها
ريو - لوجان - فيرنا - فيفا - افيو - وغيرهم
وخصوصا الريو واللوجان الحقيقة الوكيل مقصرش معاهم
انا بشوف هنا ناس بتبيع اللانوس عشان تشتري اللانوس ..
للدرجادي ؟؟؟؟؟