الموضوع: هل انت لسة حابب شكل اللانوس ؟؟

انا مقلتش تبيع العربية عشان حضرتي استريح
وللعلم بالشئ انا جاي اتكلم بروح خفيفة جدا يعني مش حد يقولي وانت ايه اللي جايبك وانت مش عاجباك متشتريش والكلام دا
انا جاي بسأل رأي اصحاب اللانوس عن حاجة محددة وانا وضحت في كلامي ان العربية عاجباني وحتى لو مش عاجباني مش هناخدها تعصب بقه
حرام يعني حتى مش في العربيات برضو هنتعصب !!!
وانا عارف ان احنا شعب غلبان عشان كدة كتبت عربيات في نفس الفئة السعرية وانا عن نفسي ان شاء الله في القريب يا هشتريها يا هشتري اللوجان مش هقدر ازود عن كدة عشان محدش يفتكر اني هجيب الهامر قريب واني بتريق ع اللانوس

شكرا للأخ الكريم اللي عدل اسم الموضوع ....

انا شخصيا حابب شكل الانوس
وبامانة والله لو مكانش معانا نكمل ونجيب نوبيرا كنت هنصحهم بالبيت ان احنا نجيب لانوس لانها جميلة من برة ولها طابع وقور عكس الفرنا مع ان تابلوه الفرنا احسن منها
حاجة كمان انا واحد من الناس شخصيا بعيد عن الدايو بحب الكلاسيك فى العربيات
مثلا الباسات الجديد شكله مش بيعجبنى وبيعجبن موديل معين فية فوانيسه من ورا فيها دايرتين فوق بعض
اللانسر عمرى ماحبيت الشارك لكن محبيتش عربية قد البوما
وكده

انت جاى بتسأل اصحاب اللانوس شكلها عاجبهم ولا لاء ؟؟؟
اكيد عاجبهم والا مكنش اشتروها
يعنى مثال لو انت معاك لوجان ينفع اجى اسألك انت عاجبك شكل اللوجان ولا لاء وانت اصلا مشتريها !!!

شكرا جدا على الرد والاهتمام
وانا مازلت بكرر ان انا كنت - ومازلت - من محبي اللانوس لأنها فعلا لما نزلت جديد كنت مؤيد ليها جدا للاسرة المصرية انا بس بتكلم على الانتشار
بالنسبة للاخ الكريم اللي بيقول ان انا جاي وسط اللانوس وبقول انتوا عاجبكم شكل اللانوس ولا لا
طيب ايه المشكلة ؟
ما انا عن نفسي مش عاجبني اوي شكل اللوجان فعلا
ومش شرط الحاجة تعجبك اوي شكلا _ ولاحظ اني بتكلم على الشكل بس
ومش معنى ان الناس معاهم لانوس يعني محدش شايف فيها عيوب
زي مثلا واحد زملكاوي محب للزمالك بس شايف عيوب في الزمالك
وعجبني جدا الرد بتاع الاخ الكريم اللي بيقول ماهي اللادا او الشاهين منتشرة ورغم كدة محدش اشتكى منها طبعا دا صحيح لكن انا بتكلم على اساس واحد هيدفع حوالي سبعين الف جنيه غير ان انا حاسس ان بجد اللانوس تفوقت ع اي عربية في الانتشار

حتى لو شكلها وحش تكفى اعتماديتها وتوافر قطع الغيار و........................