الموضوع: أزاى تتصرف إذا وقعت حادثة لعربيتك؟

الحمد لله على سلامة حضرتك، بالنسبة للتصرف فى حالة الحوادث (الخبطات اللى مفايهاش إصابات بشرية) فللأسف القانون فى مصر مش هيجيب لك حقك، وبالتالى الخلاصة هى (طالما مأمن) تطلع على القسم (أى قسم يعجبك) تعمل محضر وتوضح إنه علشان التأمين (وتتفاهم) مع اللى بيكتب المحضر بحيث ما تطلعش إنت الغلطان، وتاخد صورة من المحضر ومنها تكمل إجراءات التصليح مع شركة التأمين (ممكن حد تانى من الإخوة يفيدك فى الجزئية دى)

أما إذا كنت مش مأمن، يبقى حصولك على تعويض من الطرف الثانى(المخطىء) متوقف على قدرتك على (استخراج) هذا التعويض منه (بالواسطة أو بالقوة أو بالتهديد أو بالإقناع ) ولا حول ولا قوة إلا بالله، غير كده مفيش قانون يجبره يدفع ثمن التصليح

أهم أهم أهم حاجة بعد الحادثة على طول تقفل أبواب وشبابيك عربيتك كويس جدا قبل ما تنزل منها تشوف اللى حصل ، عشان ولاد الحلال اللى بيتلموا فى الحوادث ما بيتوصوش بصراحة

للمزيد من المعلومات يمكن مراجعة هذا الموضوع القيم
http://www.nilemotors.net/Nile/showthread.php?t=23068