عرض للطباعة
انا كنت عاوز اعرف هو كل العربيات اللي جيب شروكي اللي قبل سنة 2000 كلها بنزين و لا في منها ديزل و بيكون سعرها كام .
و ما هو معدل استهلاك البنزين في الشروكي من1993 الي 1997
وهل المستعمل جيب بيكون كويس و لا في مشاكل
شكرا مقدما و معلش علي الاسئلة الكتير:shyy:
منقول من الويكيبيديا...اقتباس:
المشاركة الأصلية كتبت بواسطة gaboor
1997-2000 2.5 L AMC 150 I4, 130 hp (97 kW)
1997-2001 2.5 L VM Motori turbodiesel I4 (sold in Europe, Australia and South America)
1997-1999 4.0 L 242 Power Tech I6, 190 hp (142 kW)
2000-2001 4.0 L 242 Power Tech I6, 193 hp (144 kW)
ديه المواتير اللي نزلتها جيب شيروكي و زي ما حضرتك شايف... الديزل نزل في استراليا و جنوب افريقيا بس بدية من موديل 1997 ل 2001 في الxj و بعد كدا نزل في الليبرتي كمان و لحد دلوقتي...
و حاليا نازل في الرانجلر موديل 2008 تجميع الهيئة العربية للتصنيع AAV بس هي للأسف بتصنع للجيش و بس...
مواصفاتها موجودة في الموضوع ده
http://www.nilemotors.net/Nile/showthread.php?t=49054
حسب السعة اللترية... يعني ال4 سلندر 2500cc استهلاكها المتوسط بيكون 7-8 كيلومتر في اللتر - جوة البلد + طرق طوالي (عن تجربة - بنزين 92)اقتباس:
المشاركة الأصلية كتبت بواسطة gaboor
في الطوالي ممكن توصل ل 9-10 كيلو في اللتر (دا لو موتورك مظبوط أوي)
بالنسبة لل6 سلندر... بتكون أكتر مرة و نص... لأن فيه 2 سلندر زيادة شغالين... بس طبعا عزمها بيكون أشد كتير...
لو هتجيب العربية لاستخدام عادي... خليك في ال4 سلندر.. لو هتجيبها لدخول صحرا و جبل.. هات ال6 أحسن
لازم تكشف عالعربية كويس جدا لأن حاجاتها غالية... أهم حاجة أساسياتها تكون كويسة... و فيه مراكز خدمة كتير ممكن تكشف عندهم...اقتباس:
المشاركة الأصلية كتبت بواسطة gaboor
أي خدمة :)
رد ممتاز شكرا ليك
عايز اعرف حاجة كان زمان فى عربيات موديل 80 نات ومتسط متور تويوتا او مرسيدس ديزل هم دول اختفو لية من السوق مش باين ليهم لا حس ولا خبار
واية رايك فيهم المتعدل 90
هل حلوة العربية دى ولا بلاش منة ؟؟؟
العربيات ديه لسة موجودة... بس مشاكلها كتير أوي و كل حاجة بتجر حاجة تاني...اقتباس:
المشاركة الأصلية كتبت بواسطة hotboja
يعني مبتبقاش عربية... بتبقى حاجة مشوهة كدا بتمشي و خلاص...
و بعدين العربية اللي بيغيروا موتورها البنزين بموتور ديزل... لازم يتغير معاه فيتيس... و أحيانا كورونة (عشان نسبتها بتختلف عن الكورونة اللي كانت شغالة مع الموتور البنزين)
يعني مبيتبقاش في العربية حاجة متغيرتش...
نصيحة ابعد عن اي عربية بالشكل ده.. حتى لو معدلة 2010
خليك في الحاجة اللي على فابريكتها...
الف شكر يا مينا علي ردك فعلا بجد رد متكامل . شكرا جزيلا :)
أي خدمة...اقتباس:
المشاركة الأصلية كتبت بواسطة gaboor
و لو ظهرت قدامك عربية و حبيت تكشف عليها قوللي و أنا أدلك على مركز خدمة محترم... ناس كويسين و أمناء جدا .. تروح تشوفها عندهم..
بس عاوز اسألك سؤال يا مينا ايه رأيك في موضوع خلط بنزين 90 و 80 مناصفةً في الجيب و الشفروليه فونتيرا و هل الفونتيرا افضل من الجيب شروكي ؟؟؟!!!! طبعا بتكلم علي الجيب اللي كان في نفس موديلها اي من 1997 الي 2000
أنا مش بحب أغامر بموضوع خلط البنزين ده... اذا كنت احيانا بمون 92 و بتطلع تفويلة زي الزفت و مبتقعدش... أمال 90 و 80 عاملين ازاي بأة؟اقتباس:
المشاركة الأصلية كتبت بواسطة gaboor
خلي بالك أن موتورك ده هو روح العربية... و حتى لو مشيت بالبنزين ال80... مش هتدي نفس عزم ال92
أنا و الحمد لله الموتور عندي بيعرق و انا بسخن العربية الصبح... يعني زي الفل...
حافظ على موتورك باستخدام أنضف بنزين و أحسن زيت... يعيش معاك مليون كيلو...
الفرونتيرا بصراحة ماركبتهاش... و أستاذ أدهم (عضو زميل معانا هنا) ممكن يفيدك فيها أكتر مني
بس أنا شايف ميزة ممتازة في الشيروكي و هي اللي مخلياني أستحمل استهلاك البنزين
الا وهي الانتشاااااااااار الجامد جدا.... و قطع غيارها اللي ممكن تلاقي منها بجنيه و بعشرة و بمية... و حسب اللي معاك...
و نصيحة هات من 1998 ل 2001
عشان ده الشكل الجديد من الxj
استاذ مينا انت فعلا مبدع و ردودك فعلا مقنعة الف شكر ليك علي ردودك :)
ربنا يخليك.. دا من ذوقك... :)اقتباس:
المشاركة الأصلية كتبت بواسطة gaboor
و يلا بأه اتشجع و انضم لعائلة جيب قريب... ;)
دعواتك علي العموم انا لسة شوية علي الموضوع ده لأني لسة في بكلوريوس هندسة . بس بجد انا اقتنعت من كلامك اني لو عاوز عربية بتاعة مواقع و شغل مش حفكر غير في جيييييييييييييييييب
الف شكر ليك مرة تانية