الموضوع: هو كل الجيب شروكي بنزين و لا في ديزل

المشاركة الأصلية كتبت بواسطة gaboor

انا كنت عاوز اعرف هو كل العربيات اللي جيب شروكي اللي قبل سنة 2000 كلها بنزين و لا في منها ديزل و بيكون سعرها كام .
:

منقول من الويكيبيديا...

1997-2000 2.5 L AMC 150 I4, 130 hp (97 kW)
1997-2001 2.5 L VM Motori turbodiesel I4 (sold in Europe, Australia and South America)
1997-1999 4.0 L 242 Power Tech I6, 190 hp (142 kW)
2000-2001 4.0 L 242 Power Tech I6, 193 hp (144 kW)

ديه المواتير اللي نزلتها جيب شيروكي و زي ما حضرتك شايف... الديزل نزل في استراليا و جنوب افريقيا بس بدية من موديل 1997 ل 2001 في الxj و بعد كدا نزل في الليبرتي كمان و لحد دلوقتي...

و حاليا نازل في الرانجلر موديل 2008 تجميع الهيئة العربية للتصنيع AAV بس هي للأسف بتصنع للجيش و بس...

مواصفاتها موجودة في الموضوع ده
http://www.nilemotors.net/Nile/showthread.php?t=49054

المشاركة الأصلية كتبت بواسطة gaboor

و ما هو معدل استهلاك البنزين في الشروكي من1993 الي 1997 :

حسب السعة اللترية... يعني ال4 سلندر 2500cc استهلاكها المتوسط بيكون 7-8 كيلومتر في اللتر - جوة البلد + طرق طوالي (عن تجربة - بنزين 92)
في الطوالي ممكن توصل ل 9-10 كيلو في اللتر (دا لو موتورك مظبوط أوي)

بالنسبة لل6 سلندر... بتكون أكتر مرة و نص... لأن فيه 2 سلندر زيادة شغالين... بس طبعا عزمها بيكون أشد كتير...

لو هتجيب العربية لاستخدام عادي... خليك في ال4 سلندر.. لو هتجيبها لدخول صحرا و جبل.. هات ال6 أحسن

المشاركة الأصلية كتبت بواسطة gaboor

وهل المستعمل جيب بيكون كويس و لا في مشاكل

شكرا مقدما و معلش علي الاسئلة الكتير

لازم تكشف عالعربية كويس جدا لأن حاجاتها غالية... أهم حاجة أساسياتها تكون كويسة... و فيه مراكز خدمة كتير ممكن تكشف عندهم...

أي خدمة :)

المشاركة الأصلية كتبت بواسطة hotboja

رد ممتاز شكرا ليك

عايز اعرف حاجة كان زمان فى عربيات موديل 80 نات ومتسط متور تويوتا او مرسيدس ديزل هم دول اختفو لية من السوق مش باين ليهم لا حس ولا خبار

واية رايك فيهم المتعدل 90

هل حلوة العربية دى ولا بلاش منة ؟؟؟

العربيات ديه لسة موجودة... بس مشاكلها كتير أوي و كل حاجة بتجر حاجة تاني...
يعني مبتبقاش عربية... بتبقى حاجة مشوهة كدا بتمشي و خلاص...

و بعدين العربية اللي بيغيروا موتورها البنزين بموتور ديزل... لازم يتغير معاه فيتيس... و أحيانا كورونة (عشان نسبتها بتختلف عن الكورونة اللي كانت شغالة مع الموتور البنزين)

يعني مبيتبقاش في العربية حاجة متغيرتش...

نصيحة ابعد عن اي عربية بالشكل ده.. حتى لو معدلة 2010

خليك في الحاجة اللي على فابريكتها...

المشاركة الأصلية كتبت بواسطة gaboor

الف شكر يا مينا علي ردك فعلا بجد رد متكامل . شكرا جزيلا :)

أي خدمة...
و لو ظهرت قدامك عربية و حبيت تكشف عليها قوللي و أنا أدلك على مركز خدمة محترم... ناس كويسين و أمناء جدا .. تروح تشوفها عندهم..

المشاركة الأصلية كتبت بواسطة gaboor

بس عاوز اسألك سؤال يا مينا ايه رأيك في موضوع خلط بنزين 90 و 80 مناصفةً في الجيب و الشفروليه فونتيرا و هل الفونتيرا افضل من الجيب شروكي ؟؟؟!!!! طبعا بتكلم علي الجيب اللي كان في نفس موديلها اي من 1997 الي 2000

أنا مش بحب أغامر بموضوع خلط البنزين ده... اذا كنت احيانا بمون 92 و بتطلع تفويلة زي الزفت و مبتقعدش... أمال 90 و 80 عاملين ازاي بأة؟

خلي بالك أن موتورك ده هو روح العربية... و حتى لو مشيت بالبنزين ال80... مش هتدي نفس عزم ال92

أنا و الحمد لله الموتور عندي بيعرق و انا بسخن العربية الصبح... يعني زي الفل...

حافظ على موتورك باستخدام أنضف بنزين و أحسن زيت... يعيش معاك مليون كيلو...

الفرونتيرا بصراحة ماركبتهاش... و أستاذ أدهم (عضو زميل معانا هنا) ممكن يفيدك فيها أكتر مني
بس أنا شايف ميزة ممتازة في الشيروكي و هي اللي مخلياني أستحمل استهلاك البنزين
الا وهي الانتشاااااااااار الجامد جدا.... و قطع غيارها اللي ممكن تلاقي منها بجنيه و بعشرة و بمية... و حسب اللي معاك...

و نصيحة هات من 1998 ل 2001
عشان ده الشكل الجديد من الxj