راح زمن االسيتاوية ولا ايه ؟

**Mohamed_Ibiza** · 09-01-2009 06:17 PM

اولا : تحياتي للجميع عموما وخصوصا السيتاوية

اللي النهاردة بوجه لهم نداء

كلنا هنا بنسال ايه سبب ان السيات مش واخدة حقها في مصر

وكلنا قعدنا نبدي اسباب كتيرة ومختلفة بسبب عدم انتشار سيارات سيات في مصر

لو بصينا في الموضوع من الاساس هنلاقي العيب فينا احنا

ده حتة قسم لسياراتنا مش عارفين نتحكم فيه ولا عارفين نساعد بعضنا فيه لدرجة ان فيه ناس تدخل القسم على امل ان تجد المساعدة ولكن للاسف ولا حياة لمن تنادي

انا عن نفسي بعتذر عن غيابي وانقطاعي الفترة الماضية

ومش هتكلم عن الفترة السابقة ولا بالنسبة لنفسي ولا لاي عضو سيتاوي

بس تعالو نفتح صفحة جديدة نتعاهد فيها كلنا باننا نساعد بعض ونحاول ونسعى جاهدين على نشر اسم سيات ونبدأ الموضوع بخطوة بسيطة وهي تواجدنا ومشاركتنا في قسم سيات سواء بالمواضيع الهامة او تبادل المعلوما والخبرات ومساعدة بعضنا لبعض

ياريت يا جماعة تكونو فهمتو قصدي ونبدأ كلنا في التنفيذ

وكنت عايز اقول حاجة صغيرة :

انا مالك لسيارة سيات ابيزا من حوالي 7 شهور

وافسم بالله العظيم ان امتلاكي لهذه السيارة كان بسبب هذا القسم

دخلت لاقيت تفاعل فظيع بين الاعضاء واهتمام فوق الوصف واختلاف اراء

وكان يقود ثورة السيات صديقي وحبيبي العضو محمد ابيزا الذي نفتقده حاليا بسبب وقفه من المنتدى

وايضا لن انسى العضو ابيزا باشا والعضو سيات لافر

واخيرا اتمنى ان تعود مثل هذه الايام

وتحياتي لكم يا سيتاوية وياريت اشوف التفاعل اللي بجد

**grumby78** · 11-01-2009 07:13 AM

كلام جمييييييييييييييييييييييل جدا وكل السيتاوية عاوزين يقولوه. وبعدين انا بأسأل هو محمد ابيزا مش ممكن يرجع ولا banned 4 life ? واحشني يامحمد وواحشني تحمسك لابيزا منقطع النظير ...

**fadynabil** · 11-01-2009 11:15 AM

+11111 vote
ياريت فعلا يا شباب أنا حاسس فعلاً بقالي فتره إني بكلم نفسي هنا في القسم

وياريت فعلا نبتدي نتبادل الخبرات و كل المعلومات اللي نعرفها عن سياراتنا وشكرا يا ghalasa علي الموضوع الجامد ده وياريت نلاقي إستجابه من الناس اللي هنا

**fadynabil** · 11-01-2009 11:18 AM

+11111 vote
ياريت فعلا يا شباب أنا حاسس فعلاً بقالي فتره إني بكلم نفسي هنا في القسم

وياريت فعلا نبتدي نتبادل الخبرات و كل المعلومات اللي نعرفها عن سياراتنا وشكرا يا ghalasa علي الموضوع الجامد ده وياريت نلاقي إستجابه من الناس اللي هنا

**ehab_mansour** · 11-01-2009 03:38 PM

وانا كمان زيك يا باشا امتلكت الإبيزا من ست شهور وحتي الأن كل معلوماتي عنها من المنتدي وعايز نتكاتف مع بعض عشان نرفع من مستوي القسم ولكن برضه يجب اننا نقول ما نعرفه مش كلام وخلاص يعني نتبادل الخبرات ولكن الصح منها

**MedaSam** · 11-01-2009 06:09 PM

You are right, I have been thinking of buying Cordoba but did not find much info about it here. I know it is not a common car, I found only one user, ONLY ONE!!!!!!

It is the same for Leon of course, although SEAT has very good cars, I really hope this initiative would be a new start for SEAT in the forum

**kojy** · 12-01-2009 11:31 AM

والله العظيم الراجل الي في الاول ده بيقول احلى كلام , وكلكم يا رجاله بتقولو كلام ذي الفل ياريت بقى ننفذو ومحدش يبخل ابدا على حد بأي معلومة , حتى لو في حد معندوش اي خبرة ممكن مجرد انه يضيف اي رد من باب انه يعرّف صاحب السؤال انه مش مطنش , وربنا يوفقنا .

**eng/muhamad** · 12-01-2009 12:57 PM

انا لما اتكلمت عن مشكل العربيه و قولت هنقابل مدير المبيعات مفيش حد اهتم بالموضوع غير فادى
و بصراحه حصل ليا احباط من الموضوع

**fadynabil** · 13-01-2009 03:49 PM

المشاركة الأصلية كتبت بواسطة eng/muhamad

انا لما اتكلمت عن مشكل العربيه و قولت هنقابل مدير المبيعات مفيش حد اهتم بالموضوع غير فادى
و بصراحه حصل ليا احباط من الموضوع

صدقني يا باشا أنا مش مقصر .. بس مستني محمد يكلمني عشان نتفق نظبط حاجه كويسه .. بس إنت عارف إنه عنده ظروف إمتحانات

ع العموم أنا مستنيه يكلمني وربنا يقدم اللي فيه الخير