اخر ما توصلت اليه وتحت اشراف هندسى من كبار ميكانيكيه العربيات اليابانى فولت العربيه بنزين 80 والعربيه زى الفل دون ادنى مشكله وهذا هو الحل ولكم الخيار مع تحيات مالك سياره نيسان صنى 2008:vctry::k32::k32::k32::k32:
اخر ما توصلت اليه وتحت اشراف هندسى من كبار ميكانيكيه العربيات اليابانى فولت العربيه بنزين 80 والعربيه زى الفل دون ادنى مشكله وهذا هو الحل ولكم الخيار مع تحيات مالك سياره نيسان صنى 2008:vctry::k32::k32::k32::k32:
80
??????????????????????????????????
مكتوب فى الكاتلوج البنزبن الموصى به اوكتين 91
وده حيأثر على عمر النوتوراقتباس:
اخر ما توصلت اليه وتحت اشراف هندسى من كبار ميكانيكيه العربيات اليابانى فولت العربيه بنزين 80
حرام تفول بنزبن 80
يا باشا انا كان معايا لادا 2107 و كنت بفول بنزين 90
ازاى تحط للنيسان صنى بنزين 80 ؟؟؟
والله وبعد التفويله بتاعت البنزين 80 عامل بلعربيه اكتر من 250 كيلو والله التنك ما خلص والعربيه السحب بتاعها بقى احسن بكتير وبلذات فى الجرى
بس يا ترى بتكركر ولا ايه؟
غلط على الموتور اكيد
سيبك من الميكانكيه و خليك مع التوكيل او مركز صيانة كويس
مدام الموضوع كده... ايه رأيكم نجرب نفول سولار ؟؟؟:confused:
ده انا كنت عايز اسال عن موضوع ال 90 و 92 لاني سمعت ان ال 90 افضل من ال 92 للعربيه انا معايا سوبر صالون 2009 بس مش عارف احطلها ايه وال انا سمعته عن ال 92 ده صح ولا لا انو عليه اضافات وان ال90 افضل تيجي انت تقول 80 اكيد حرام
والله كنت ماشى امبارح على سرعه 150 والله اكنى حاطط بنزين 92 ولا كان فى اى حاجه والبنزين 80 والله زى الفل واى حاجه تانى زى 90و 92 و95 والله فشخره كدابه وما فيش كركره والله ده كلام علمى وعملى كمان
متهيألي يا باشا المهندسين الي عاملين العربية وكاتبين أقل حاجة أوكتان 91 فاهمين شغلهم كويس ومش بيلعبوا ، مع إن من مصلحتهم إنهم يقللوا رقم الأوكتان عشان يزودوا مبيعات العربية
فيه اختراع اسمه الرشاشات ودي هتبوظ لو حطيطلها بنزين 80 علشان يتتسد لانه مليان رواسب و80 ده في العريات الكربراتير بس المهم انا زمان حطيب 5 لتر في النوبيرا 80 الرشاشات باظت
كل واحد يفول عربيتة زي ما هو عايز .العبرة بالنتيجة بعدين......في عمر الموتور...
انا مرة يدوبك مليت صفيحة 80 لعربيتي اللانوس(لعدم وجود 92 او 90 وقتها في كل الغردقة).....وعينك ماتشوف الا النور...العربية كركرت وبطلت وماكانتش بتسحب اطلاقا علي الطريق بدرجة خطيرة ...........ومعملتهاش تاني اطلاقا .........
دة غير طبعا ان ربنا ستر وال Injectorsمحصلهومش حاجة...
باشا كلامك علي عيني و راسي و اكيد طبعا صادق فيه
بس في موضوع كبير قوي في قسم الدايو عن البنزين 80 و العربيات الدايو 2001 فما فوق الي موديل 2008 زيرو
و الناس استخدمته و معظمهم بيؤكد انه عادي مع وجود فارق ضئيل في السحب
انا كنت كتبتلهم هناك عن امكانيه استخدام البنزين 80 مع الصني بس محدش رد عليا هناك
و يمكن صاحب الموضوع ده يكون السبب في توفير مبالغ محترمه بندفعها انا و انت كل كام يوم مع انخفاض اسعار البترول عالميا
فياريت المزيد من الاراء و المناقشات علشان نستفاد كلنا
و شكرا للجميع
اولا: انا متشكر جدا علي اسلوب حضرتك بجد الراقي في المناقشة..
ثانيا: يمكن كل عربية وزي متعودها علي نوع معين من البنزين...لكن صدقني البنزين ال 80 خطر علي رشاشات اي عربية حديثة نسبة انضغاط الموتور فيها 9-10
والعربيات اللي نسبة انضغاط الموتور اكتر من 10 تحتاج لبنزين 95 زي الباسات مثلا...
ثالثا: العربيات عندنا هي اللي غالية جدا جدا عن الخارج ولكن البنزين علي سعرة الحالي مدعم كتير ...يعني لو كنت دفعت مثلا في النيسان صني 60000جنية فقط ومكناش هنتكلم في البنزين خالص ....وانا بحلم انه في يوم يشيلوا الجمارك من العربيات خالص ويخلوا البنزين بسعرة العادي المتغير عالميا.........بس تقول لمين........:120146b
حرام عليك هتعرف غلطتك لان البنزين 80في مصر سيئ جدا و كله تراب و بيغشوه بالسولار وهيبوظ الفلاتر اول حاجه و بعد الحقن وهتدخل في متاهات كتير وربنا يسلم وهي عن تجربه والله اعلم ويسترها معاك
الله يسمحك ياريس ابا اشوفك بعد سنة عامل اية الوسطية افضل
انا جربت الموضوع ده بس العربية كانت بتكركر وقالولي ان طلمبة البنزين ممكن تتحرق
تتحرق ليه كده افترا والله اسئلو مجرب وانا مجرب والله ده الحل انا بعمل 150 فى الصفيحه وده اخر التوكيل بيقولو كده كويس يبقى اعمل ايه
ممكن تكلمنا عن التجربه بعد كام شهر كده - والله لو نفعت تبقى كسبت ثواب ولو ما نفعتش يبقى الله يعوض عليك فى اللى حيدمر
السلام عليكم
أنا بصراحة معرفشي هل ده صح ولا لأ ... بس حقول اللي أنا أعرفه :)
أولا: رقم الأوكتين اللي إحنا بنقول عليه 80 و 90 و 92 ده ملوش أي علاقة بدرجة النقاء أو نسبة الشوائب و نظافة البنزين ... إنما ليه علاقة بنسبة الانضغاط لكل اسطوانة ... بمعني علمي أكتر الاشتعال حيحصل عند ضغط كام
نظافة البنزين دي ليها علاقة بالمحطة اللي حضرتك بتمون منها ...
مثال: عربية بي ام دبليو 320 موديل 2008 ماشية 2600 كم مطلعين من التانك بتاعها تراب ... تراب فعلاً و كان بنزين 92
أنا عن نفسي معرفشي نسبة الانضغاط في العربية عندي كام لكن حرجع للكتالوج و لو طلع يتحطلها 80 أكيد ححط 80 و حنقي محطة نظيفة
شكراً :)
ارجع عن الى فى دماغك
انتا كده بتموت العربيه بالبطئ
ومش علشان العربيه بنت ناس وما اشتكاتش يبقى دا معناته ان الوضع مريحها
احذر من غضب الحليم
وانا بقول لحضرتك ان فيه ناس واجهوا مشاكل من النوع بتاع الأستهلاك العالى للبنزين ولما راحوا التوكيل غيرلهم الضفيره والدنيا بقت تمام معاهم
فسيارتك قد تكون مريضه وتحتاج العلاج ولكن لاتحتاج التدمير
انا معايا عربيتى بسم الله ماشاء الله ولا قوة الا بالله بتعمل على الطوالى 320كم/ص وجوه البلد 240كم/ص
انا عربيتى مانيوال ولسه ما عملتش ال10,000كم الأولى
وفى ناس فى المنتدى قالوا ان عربياتهم بتعمل 330كم/ص
روح على التوكيل وشوف ايه المشكله
وربنا يهديك للى فيه الخير
انا بس بنصحك لله
وبنصح اى حد عايز يعمل بنصيحتك
ماينفعش اوفر 17جم فى الصفيحه واخسرهم بعد كده من صحة العربيه وصيانتها واستمتاعى بها وعند بيعها
وهدانا الله واياكم لما فيه الخير
وابقى طمنا عليك
ولله انا مجربتش موضوع ال80 دة و معديش استعداد اجربة بس انا هقول لحضرتك على تجربة واحد صاحبى هو كان معاة لانوس و بيمون 80 و تقريبا لما العربية بتعملها معة بمعنى لما بتبتدى تقطع و سحبها يضعف يروح زى الباشا شارى مسطرة اننجكشن تمنها ميعديش ال100 جنية و سعات بينضف الرشاشات و دمتم ترجع العربية زى الفل زى مكانت و احسن و بكدة بيكون وفر كتييييييير جدا من ثمن البنزين بس تقريبا كان بيغير المسطرة دى كل 4 او 5 شهور بس الرشاشات محصلهاش حاجة و يجماعة على قد علمى و معرفتى بتركيب الرشاش انه صعب يتكتم او يتسد لانه فية اجزاء مغناطيسية متحركة دة غير الفلترين بتوع العربية واحد ف الطرمبة و واحد تانى بعد التانك و بتاع الطرمبة دة ممكن فعلا يعدى رواس لانة لو ضيق كانت الطرمبات كلها باظت انما الفلتر التانى دة صعب يطلع منة رواسب و لو افترضنا انها طلع منها رواسب و دة صعب جدا ان تراب يدوب ف مادة طيارة زى البنزبن و يعدى من الفلاتر و بعد كدة يعدى من المسطرة و يدخل على الرشاش الى اجزائة متحركة و يمسك فية اظن انو لو خرج من المسطرة هيتحرق ف دايرة الحريق بتاعت العربية عادى لان الرشاش كل وظيفتة تحديد كمية البنزبن على حسب الضغطة داخل البستم و تكون مظبوطة مع الهوا .. و ف اعتقادى صعب ان اى رواسب تعلق فية لان بعد الفلاتر دى كلها مش هيعدى رمل مثلا و يوصل لحد الرشاش .. و بنسبة للبنزين نفسة اعتقد ان هنا ف مصر البنزين فية نسبة زيتية عالية جدا سواء 80 او 92 ..عترف ازاى هات حبة بنزين و سيبهم على حاجة بيضا و شوف هيتبقى اية فى الاخر ؟؟ بقعة زيت مع ان المفروض البنزين دة مادة طيارة و 92 دة فاضلة 8 و يبقى 100% اوكتان يعنى مفيش نسبة زيتية و دة طبعا يرجع لانعدام الضمير و اظن لو فى حد ف الاخوة العضاء كبير شوية فى السن و يفتكر البنزين بتاع زمان كان بيطير بسرعة رهيبة و مبيسبش اثر مكانة (كلام والدى طبعا) يعنى اصلا تلاقينا دلوقتى بنمون ال80 على انة 92 و الى بيمون 80 دة تلاقية بيمون 60 مثلا ولا حاجة ههههههه ...
خلاصة الكلام انو نظريا ينفع نمون 80 عادى نظرا لانة كدة كدة بيتحرق بس هيأثر على المتور عشان اختلاف نسب النضغاط ..دة لو كان ال80 الى عندنا 80 فعلا انما هو تفريبا 20 بنزين و 80 دى نسبة الزيوت الى فية هههههه و طبعا الواحد معندوش استعداد يخاطر بعربيتة بس انا كنت بشوف بعينى ف عربيت صاحبى و عشان الناس متقلقش المسطرة ف الكورى كلة واحدة انما مش عارف بصراحة بتاعت النيسان عاملة ازاى ..بس عموما لو زارقة و مدخلها من الجنب الشمال يبقى هى (بتكلم على الدايو و الكيا و اظن الهيونداى زيهم )
ولل ميعرفش المسطرة دى اية هى نفس شكل المسطرة بس رفيعة و مربعة و طولها حوالى 30سم و بتكون مثبتة اعلا الرشاشات الى بتكون مثبتة ف المانيفول الداخل . مش بتاع العادم ...
ارجو منكم تقبل كلامى و دة على قد خبرتى و معرفتى ب اجزاء السيارة معلش على التطويل و شكرا لفتح باب النقاش فموضوع هام زى دة ..
يا جماعة انا اكتشفت ان البنزين فعلا وحش و حرام حد يمون 80 ف اى عربية جديدة
لية كان عندى حبة بنزين قدام مركونين ف ازازة
المهم لقيت البنزين لونة اتغير و فى من الازازة من تحت حاجة عاملة ى الطين المترس ولله طين
انا زوهلت من المنظر ولله حاجة فعلا غريبة
المهم رجيت الازازة متوقع ان البنزين لايمكن يشيل الطين دة جواة
لقيت الطيندة اخطلت مع البنزين و رجع تانى للونة الطبيعى
لذلك لا انصح ب ال80 ف العربيات الجديدة خالص ....
اسف على عدم فهمى لحقيقة البنزبن
و الله اعلم ..
بنزين 80 في نيسان صنى ... ؟؟؟؟؟
يا راجل دا الفيرنا مينفعش فيها 90 !!!
حرام عليك هتبوظ العربية!!
انا بيتهيألي انك لو عملت كده في بنزين 92 هيحصل معاه نفس الموضوع تماما..
اما مؤيد لفكرة الاخوة اللي ممكن يحطوا بنزين 80.. لو نسبة الانضغاط عندهم تسمح بكده..
يعني لو الموصي بيه 85-86 مثلا ممكن تحط 80 عادي بس تظبط العربية علي كده.. و الكومبيوتر بتاع العربية اكيد هيظبط نفسه.. في توقيت الاشتعال و كده..
انا في رأيي ممكن تفرق شوية ف السحب.. لكن الرشاشات و دورة الحقن و الوقود.. انا مش مقتنع انها ممكن تأثر علي حاجة التأثير الكبير اللي الناس متخيلاه..
(وارد جدا ان اقتناعي ده يكون فيه شيء من المعلومات الغلط.. ولو حد عنده معلومة مؤكده يفيدنا برضه..)
انا مرة جربت ال 95 فى النيسان
والنتيجة كانت
اولا:السحب زاد بطريقة غير عادية
ثانيا:الشكمان كان عبارة عن حنفية مية (نتيجة نضافة الحرق)
ثالثا:مع التكييف العربية سحبها مش بيقل اوى
رابعا:الاستهلاك عادى زى ال 92
80 مينفعش يا اعضاء المنتدى المحترمين (فلوسكو مش حرام)
(اللى بيحط بنزين 80 دة عامل زى اللى شارى جهاز كومببيوتر حديث جدا وحاطط علية ويندوز 95 )
ولقد اعذر من انذر
اولا بنزين 80 اكبر غلط على الانجكشن
لانو بيحتوى على شوائب ورواسب هتبوظ كل من الرشاشات طرمبة البنزين
ثانيا
انا اسمع ان بنزين 92 يتطاير اسرع من 90 يعنى ممكن يكون بنزين 90 هيقعد فى التانك فترة اطول من ال 92
انا معرفش تأثيرو ايه على الصنى بس اعتقد مش هتفرق من 92
اما بالنسبة لبنزين 95 فانا مجربتوش بس ناس كتير جربتو بيشكرو فيه اوى لانو
1- نظيف جدا وبينظف الموتور
2- بيزود سحب العربية بطريقة غريبة
3- بيقعد فترة كبيرة ومش بيخلص بسرعة (بيقلل استهلاك العربية للبنزين) يعنى بيقلل البنزين اللى بيتحرق على الفاضى
لكن بقول للعضو iso2007 خليك شوية فى البنزين ال 80 وروح التوكيل خليهم يكشفو على العربية وشوف الرشاشات وطرمبة البنزين والشوائب اللى فى التانك لو مفيش حاجة استمر عليه انت اولى بالتوفير فى الفلوس والبنزين كمان
لكن لو لقيت العملية بدأت تبوظ انصحك ترجع لبنزين 92 او 90 على الاقل
واسف للتطويل
موضوع الشوائب مالوش ادني علاقة يا جماعه بالبنزين 80 ولا حتي 50..!!!!!!!!!!
الرقم ده بيعبر عن رقم الاوكتان مش الشوائب..
يعني المفروض و المنطقي ان كل البنزين 80-90-92-95 يكون نضيف و مفيش فيه شوائب.. لأن لو ال80 فيه شوائب.. هيبقي ال90-92-95 كمان فيهم شوائب...
موضوع تطاير البنزين ده بيتحدد علي اساس ايه..؟؟ علي اساس الموتور بتاعك انت بيتعامل معاه علي اساس ايه..؟؟!!!
بمعني.. في الدايو و الاوبل.. في فيشة اوكتان بتحدد بيها انت حاطط فيها بنزين ايه.. و علي اساسه.. بيتحدد مواعيد الاحتراق و شوية متغيرات كده بتغير و بتفرق في سحب و اداء العربية.. يعني لو حطيت بنزين 95 و سايب العربية تشتغل علي 91 زي مانا جربت.. لقيت مأساة.. العربية نعمت شوية فعلا ف الصوت.. لكن السحب واحد..و علي طريق السفر..استهلاك البنزين غريييييييييييب.. سيء جدا.. و تقريبا زي جوة البلد..
لكن ف العربيات اللي فيها تكنولوجي اعلي نسبيا.. المفروض الكومبيوتر بيحدد الموضوع ده و عليه.. بيغير و بيتكيف علي البنزين اللي فيه.. (انا سمعت كده بس مقريتش حاجة تثبت كده) و موضوع الرقم الاوكاتن اللي الشركة بتنصح بيه فغالبا بيبقي عشان التسقيف اللي ممكن يحصل. و ده مشكلته الكبيرة انه علي المدي الطويل.. بيتعب الموتور جدا اكتر من القرص عليه..
بالنسبة لنقطة ان البنزين ال95 نضيف جدا..!!!! مش مقياس.. و حسب المحطة اللي انت بتمون منها.. ممكن تحط منه و يطلع مليان شواءب و زبالة. و ممكن يكون عليه مية كمان..
بينضف الموتور لأ طبعا.. مستحيل.. البنزين ده بيتحرق.. بينضف ايه؟؟ ولا ليه اي علاقة بالتنضيف..
السحب اطكيد عشان الاوكتان اعلي.. يعني لو حطيت بنزين 80 و عليه علبة octane booster هيبقي السحب زي الفل..لأنك كده بتعلي رقم الاوكتان.. و بتخليه ممكن يوصل لحد 92 ولا حاجة.. و يمكن اعلي.. حسب التركيز..
موضوع انه يقعد ف التانك اكتر ولا اقل.. فده حسب العربية.. لأني زي ما قولتلك قعد معايا اقل من ال92..
انا عن نفسي باحط بنزين 92 بدل ما احط 90 لسبب واحد بس.. ان فرق السعر بينهم 10 قروش فقط.. ولولا اني من النوع اللي بيحب يجري بالعربية شوية.. كنت جربت اني اح
بنزين 80 لكنه محتاج شوية حرص كده ف الجري عشان العربية متسقفش مني..
بس هاجربها قريب..
أنا أؤيدك يا باشا فى موضوع البنزين الـ80 و أنا باستخدمه فى عربيتى الأوبترا 2007 أوتوماتيك و عاملة دلوقتى 26000 كم و ما فيش أى مشاكل من أى نوع ، بس السحب قل شويه و العربيه تمام و بتعرق ميه من الشكمان عادى و ما فيش تسقيف فى السواقة العادية و القرص اللى بالعقل و كمان واحد صاحبى ماشى بعربيته 100 ألف كم و الله و العربيه زى الفل و مش عاوز يبيعها عشان التوفير فى البنزين
بنزين 80 في عربية 2008 !!!!!!!!!!!!!!!!!!!!!!!! حرام والله وياريت تستشير مهندسين مش ميكانيكيين
أسمحلي يا باشا أعارض حضرتك .. ودي فكرة خاطئة مليون في المية .. لأن حركة التجارة في مصر ماشية على عجل .. بمعنى أنك لو غليت البنزين أو المحروقات بصفة عامة .. يبقى أسعار أي حاجة تانية بتتنقل من المصنع للمستهلك طبيعي أنها تزيد لزيادة مصاريف نقلها .
إنما لما يزودو أو يخلوا الجمارك على العربيات (وأنا ضد الفكرة دي برضه) فساعتها اللي معاه يشتري .. واللي ممعهوش ميشتريش سلعة ليست أساسية بنسبة مائة بالمائة (موضوع نسبي من شخص لأخر حول أهمية العربيات في حياتنا)
80 حررررررام
ده الصح لو حسبتها ماديا انا معايا بيجو 307 اس دبليو 2008 وبحطلها 80 بس لازم تكون هادي في سواقتك البنزين 80 بيطول معاك ومش بيتحرق بسرعه زي ال 90 بسس لازم تغير فلتر على مدد متقاربه
والله لحد دلوقتى زى الفل ليا 6 شهور وزيلده والحمد لله الف حمد وشكر ليك يارب 80 ده باشااااااااااااااااااا
شكرا على الرد
ربنا يحفظهالك
سؤال أخير بتحط زيت ايه؟
بسم الله
انشاءالله البنزين 80 هو 90 هو 92 هو الـ 95
بس نقف هنا شويه
كله نفس البنزين كبنزين و لكن المخمدات نسبتها تفرق ، البنزين ممكن يشتعل لما حرارته تزيد "طبيعى" و المخمدات هيا اللى بتعلى درجة الإشتعال للبنزين ، يعنى كل ما نسبة المخمدات زادت (رقم الأوكتان) كل ما درجه اشعال البنزين زادت
و طبعا جوه غرفة الإحتراق لما بضغط البنزين درجة حرارته بتزيد (ده عادى حتى لو الموتور موش سخن) يبقى عندى حاجه من الإتنين
1- درجه حرارة البنزين - تزيد------نسبه المخمدات قليله------البنزين ينفجر لوحده قبل ما يوصل للحظه اشعال البوجيه ------------العربيه تسقف (تخيل بقه لو الموتور اصلا ساخن ؟؟؟)
2-درجه حرارة البنزين - تزيد------نسبه المخمدات عاليه------البنزين ينفجر لما يوصل للحظه اشعال البوجيه ------------العربيه زى الفل
العربيه بتسقف "knocking"لأن البنزين بينفجر بدرى لما تكون حركة البستم عكس اتجاه الإنفجار (تخيل ان البستم لسه طالع فوق و البنزين ينفجر و يحاول يرجع البستم لحظيا لتحت :khd:
ده ممكن يسبب كسر بذراع البستم و الموتور يقفش و تبقى الدنيا خرابه
علشان كده فى السيارات الحديثه (غالبا الإنجكشن) يوجد ما يسمى بحساس الصفع knocking sensor و ده اللى بيأخر الشراره (الكهرباء) لو حس ان العربيه بدات تسقف
نيجي للبنزين 80 مابيوفرش فى استهلاك البنزين بالمره !!!!! تقوللى ازاى 0 اقولك سواقة حضرتك بتختلف لما بتحط بنزين 80 ما بتقدرش تكبس full throtell لأن العربيه هتسقف معاك لأن حساس الصفع موش هيقدر يعمل حاجه مع البنزين 80 (بيفرقع لوحده)فبالتالى سواقتك هتبقى اهدأ من الول فالبتالى استهلاكك اقل
اما بالنسبه لحكايه ان انت وصلت لسرعة 150 كم/س عادى جدا بس برضه انت ما ضغطتش على العربيه و انت بتحاول توصل للـ 150 (فاهم قصدى)
استخدم بنزين 80 ما فيش مشاكل لكن اهدا باسلوب سواقتك الى اخر حد ( و اعتقد ان ظروف الطريق و الناس ما بتسمحش بكده)+ طوابير البنزين و الذل اللى حكومتنا بتعرضنا ليه فى كل حاجه
اما بالنسبه للشوائب فعادى انا مره بعربيتى القديمه (بولونيز)(متعود من ساعة لما الـ 90 بقى بـ 130قرش احط 92 لأن الموصى لها فى بولندا من 91 الى 98 اوكتان) مونت 92 من بنزينه محترمه دائما بمون منها لاقيت العربيه بتسقف و حسيت اننا ماشى بكشك موش عربيه فى المرة التانيه قولت لمشرف المحطه قالى كل اللى اضمنهولك ان نسبه بخار المياه فى البنزين ماتعديش المسموح و دى وظيفتنا فى المحطه اما الشوائب او خلط نوعين بنزين معا بعض دى مع سواقين التانكات و ضميرهم (شدى حيلك يا بلد)
لو عايز توفر بنزين بجد و تحافظ على موتور عربيتك مون البنزين المحترم من المحطه المحترمه و اتبع التعليمات دى و شوف الفرق
انا هعرض عليكم شوية حاجات كده و شوف نفسك لو انت بتتبعها يبقى فى حاجه فى العربيه ، اما لو كنت غير كده حاول اتباعها و موش هتكلفك حاجه و بعد كده قولنا الفرق ايه
يلا نبتدى
1- لا تقود السياره الا اذا كنت مضطرا لذلك – بمعنى آخر حاول ان تتجنب المشاوير الصغيره اللى ممكن تقضيها على رجليك أو بالعجله J
2- ما تخليش العربيه دايره كتير على السلانسيه – بمعنى لو انت فى اشاره و عارف انها موش هتفتح الا بعد دقيقه او اتنين من الأفضل ان تبطل العربيه و لما تتحرك تدورها تانى (الدوارة كأنها استهلاك لبنزين 10 ثوانى على السلانسيه)
3- لا تتسارع للوصول الى السرعه المطلوبه بشكل سريع و لكن يفضل ببطء علشان تخلى الـRPMبتاع الموتور واطى و انت بتتسارع
4- تأكد من ضبط ضغط هواء الكاوتش ليكون على الضغط الموصى به من قبل المصنع – ضبط ضغط الكاوتش ممكن يقلل لغاية 3% من استهلاك الوقود
5- حاول و انت مسافر على طريق سريع ان لا تتعدى حدود سرعات الطريق (غالبا 100 كم/ساعه) الزياده عن السرعه دى يزود استهلاك بنزين من 7 الى 23% حسب انسيابية السياره و اتجاه الرياح
6- اترك مسافه ليست بالكبيره بينك و بين السياره اللى قدامك (موش كبيره قوى علشان محدش ياخد غرزه من قدامك) علشان متستخدمش الفرامل بقوه و تضيع الوقود اللى انت استهلكته للوصول للسرعه اللى كنت انت عليها قبل ما تفرمل
7- انسيابيه السياره لها عامل كبير فى استهلاك الوقود علشان تحسن انسيابية سيارتك حاول على قد ما تقدر تسوق و انت رافع زجاجك كله و فتحة السقف مغلقه (لما تكون > 60 كم/ساعه)
8- تقليل استخدامك للتكييف يفرق كتير مثلا لو انت سرعتك < 60 كم/ساعه نزل شبابيكك و استمتع بهوا ربنا لو زدت عن كده اقفل و شغل التكييف يكون افضل (ده لو انت مضطر لكده)
9- افحص بصوره دوريه فلتر الهواء و غيره لو احتاج التغيير (فلتر هواء غير نظيف يؤثر على استهلاك الوقود)
10- غير فلتر البنزين حسب تعليمات المصنع لأنه يؤثر على كفائة استهلاك البنزين
11- كل 40 كجم زياده موجوده معاك فى العربيه بتزود استهلاك الوقود 1- 2%
12- المحافظه على سرعتك ثابته يقلل من استهلاكك للبنزين (دى تقريبا زى نقطه رقم 6)