أجيب المرايه والرفرف منين

**biboelking200** · 10-01-2009 02:20 AM

عملت حادثه بالعربيه طايرت المرايه والرفرف اليمين
وخد عندك تيل الفرامل اللي قدام كان عاوز يتغير حد يعرف اغيرهم ولا اجببهم منين
وصبح صبح يا عم الحاج

__________________
تم تعديل العنوان
برجاء مراجعة قواعد و قوانين المنتدي قاعدة رقم 16
مشرف القسم

**biboelking200** · 10-01-2009 02:25 AM

وخد عندك كمان الاسعار والنبي يا عم الحاج وربنا يكرم كده يا رب

______________
برجاء عدم الحلف بغير الله
مشرف القسم

**Ahmad Allawy** · 10-01-2009 03:34 AM

شوف يا بيبو باشا..
اولا.. الف سلامه عليك.. و فداك العربية..

شوف بقي.. انت هتحتاج رفرف و مراية يمين.. استيراد افضل طبعا
و التيل هتجيبه جديد..

شوف الموضوع ده فيه اسعار الحاجات الجديدة.. و الاماكن اللي ممكن تجيب منها..
http://www.nilemotors.net/Nile/showthread.php?t=25137

و الموضوع ده فيه رقم تليفون واحد اسمه الشيخ محمد قشطة ف الحي السادس شغال ف الاستيراد.. مكن تكلمه و تسأله.. و تعرف منه اسعار كل حاجة..
http://www.nilemotors.net/Nile/showthread.php?t=45922

معلش مفيش معلومات كتير.. بس الوقت متأخر و مش قادر ادور دلوقتي علي معلومات اكتر..
متزعلش مني..

**tamertamer** · 10-01-2009 12:18 PM

بص المراية تعمل فى حدود 200 الى 250 المتحركة بالكفرات بتعتهاء كملة كهرباء اما الرفرف فيعمل فى حدود 100 الى 150 استيراد ومترحش لقشتة دة عشان مش كويس خالص حصل كذا موقف معاة للاسف انا كنت بتعامل معة دة راجل معندوش صدق او تبقاء عارف السعر عشان ميلوعش

**Ahmad Allawy** · 10-01-2009 12:22 PM

المشاركة الأصلية كتبت بواسطة tamertamer

بص المراية تعمل فى حدود 200 الى 250 المتحركة بالكفرات بتعتهاء كملة كهرباء اما الرفرف فيعمل فى حدود 100 الى 150 استيراد ومترحش لقشتة دة عشان مش كويس خالص حصل كذا موقف معاة للاسف انا كنت بتعامل معة دة راجل معندوش صدق او تبقاء عارف السعر عشان ميلوعش

شكرا يا باشا علي المعلومات..
اما بالنسبة لموضوع محمد قشطة.. فده وليد بك عبد العزيز صديقنا هنا بيتعامل معاه من فترة كبيرة.. و بياخد منه الحاجات باسعار كويسة جدا.. و مرتاح معاه جدا..

(اخر حاجة كانت انه اشترا منه شوية حاجات لما عمل حادثة بعربيته و اخد الحاجات من عنده.. و كانت الاسعار اقل بكتير من الاسعار اللي وليد جابها من عند العايدي بتاع الحرفيين مثلا..) بس عشان وليد زبون عنده من زمان..

**M.Osama** · 10-01-2009 04:56 PM

اخر مره غيرت مرايه كانت ب 150 جنيه مانيوال بالكفرات جديده

**tamertamer** · 10-01-2009 05:22 PM

المشاركة الأصلية كتبت بواسطة Ahmad Allawy

شكرا يا باشا علي المعلومات..
اما بالنسبة لموضوع محمد قشطة.. فده وليد بك عبد العزيز صديقنا هنا بيتعامل معاه من فترة كبيرة.. و بياخد منه الحاجات باسعار كويسة جدا.. و مرتاح معاه جدا..

(اخر حاجة كانت انه اشترا منه شوية حاجات لما عمل حادثة بعربيته و اخد الحاجات من عنده.. و كانت الاسعار اقل بكتير من الاسعار اللي وليد جابها من عند العايدي بتاع الحرفيين مثلا..) بس عشان وليد زبون عنده من زمان..

انا اعرفة من كذا سنة عشان كدة انا هقلك اة قلى حصل بس انا مكنتش عايز ااقول بص كنا ريحين نشترى سرفيس كامل للكورساء 1200
عارف دفعنا كام رقم انا مدفعتوش فى الفكتراء حتى انت بتتكلم فى رقم غريب وللاسف انا قلى كنت مودهولة وراجل كسفنى جدا عشان كدة مبقتش اتعامل معاة تانى الراجل خد العلب وراح سال برة وبقى الحاجة قلى 10 مدهالو 50 يعنى تهريج والراجل مدير بنك مش عارف الواحد كان يودى وشة فين ودالة انواع وحشة كمان على العموم انا بقول قلى حصل

**biboelking200** · 11-01-2009 07:05 PM

الف الف شكر يا جدعان علي الاهتمام ومحدش يزعل من حد الموضوع مش مستهل العبوا مع بعض متتخانقوش :d:D:D:D:D:D:
ومعلش يا عم احمد الموضوع ده مفهوش الحاجات بتاعت العربيه بتاعتي انا العربيه كورسا 2003
وبعدين يعني يعني معلش انا عارف اني قليل الذوق فين رقم الشيخ مهند ده :D:D

**Ahmad Allawy** · 11-01-2009 09:43 PM

الأسم : محمد قشطة (الشيخ محمد)
اسم المحل : اوبل وان Opel one
العنوان : بلوك 102 شارع الخليفة - الحي السادس - مدينة نصر امام مستشفى جراحات اليوم الواحد

0162916986

**abdelaziz-waleed** · 11-01-2009 09:45 PM

المشاركة الأصلية كتبت بواسطة tamertamer

بص المراية تعمل فى حدود 200 الى 250 المتحركة بالكفرات بتعتهاء كملة كهرباء اما الرفرف فيعمل فى حدود 100 الى 150 استيراد ومترحش لقشتة دة عشان مش كويس خالص حصل كذا موقف معاة للاسف انا كنت بتعامل معة دة راجل معندوش صدق او تبقاء عارف السعر عشان ميلوعش

حضرتك انا بتعامل مع الشيخ محمد قشطة من اكتر من سنتين.
تعليقي عليه ان تعامله كويس جدا واسعاره دايما اقل من الحرفيين ومن هاني العايدي ذات نفسه
ومين اللي قال لحضرتك ان حاجته وحشة
انا عمري ما اخدت منه حاجة وحشة الصراحة
وعلى فكرة لو الشيخ محمد قشطة حاجته مش كويسة او غالي انا اول واحد هاقول كدة بس انا مش شايف الكلام اللي حضرتك بتقوله ده وعمره ما حصل معايا
انا لما عملت حادثة بالعربية بتاعتي الراجل شالني على دماغه واداني قطع الغيار باسعار ماقدرشي اقول عليها في المنتدي وارخص من برة بمئات الجنيهات مش عشرين ولا ثلاثين جنيه
عموما المفروض حضرتك قبل ما تشتري حاجة من حد تكون سائل عليها بره في اكثر من مكان

الموضوع: أجيب المرايه والرفرف منين

LinkBack

أدوات الموضوع

عرض

-

-

-

-

-

-

المواضيع المتشابهه

أجيب اسبرانزا منين

منين أجيب Gps جارمن؟؟؟

أجيب الحاجات ديه منين ؟؟

منين أجيب السعاده

أجيب عده منين

الكلمات الدلالية لهذا الموضوع

المفضلات

المفضلات

ضوابط المشاركة