هل أنت مع حملة "خلوها تصدي و موديلها يعدي" ؟؟

**Casio2000** · 10-01-2009 04:03 PM

مع الحملة - و اجلت تغيير السيارة

**Ghamrawy** · 10-01-2009 04:11 PM

أكيد مع الحملة مع انى مش من هواة شراء الزيرو ...مش باحبه و دمه تقيل على قلبى
بس حاستنى لشهر 4 علشان اغير و اوقع حاجة حلوة
و لو عايزين تفلقوهم اطبعوا فلايرز و سلطوا شوية عيال صغيرة يقفوا يوزعوها على باب المعرض على ان يكون مكتوب فيها شعار الحملة و نصائح توعية باللى بيحصل و كفاية ضرب على القفا

**Samir Elshahawy** · 10-01-2009 04:27 PM

في أعتقادي أن الحملة لا يجب أن تتوقف علي أنخفاض الاسعار فقط و لكن يجب ان تمتد و تتسع لتفرض علي الوكلاء و الموزعين المواصفات التي يجب أن تكون مماثلة لما هو موجود في دول الخليج و أوروبا

فعلي سبيل المثال الدايو - اللانوس هنا في مصر منزوعة من وسائل الامان و مايدعي الوكيل بأنه كماليات , بينما في الخارج بها وسائل امان ( ايرباج - أيه بي أس - ملتي فانكشن - أوتوماتيك ) و بسعر أقل من مثيلتها في مصر

الي متي سنظل هكذا نرضي بالقليل و نقبل بما يتفضل علينا به هؤلاء المتحكمين في أذواقنا و رغباتنا

كفاية نصب و كفانا هوان

**maged** · 10-01-2009 05:01 PM

انا كنت ناوى اغير عربيتى اللانوس موديل 2000 كامله واشترى زيرو لكن تم تأجيل الموضوع التزاما بالحمله ولاقتناعى التام بها حتى لو الموضوع طول
وياريت نعمل كده فى كل السلع اللى فيها استغلال واكيد كل سلعة مهما كانت مهمه اكيد ليها بديل

**mk20022002** · 10-01-2009 05:07 PM

الصفحة الأولى الاهرام

44595 ‏السنة 133-العدد 2009 يناير 10 ‏13من محرم 1430 هـ السبت

إجراءات تنفيذية جديدة للتخفيف من آثار الأزمة العالمية
رشيد‏:‏ صرف‏150‏ جنيها لكل قنطار غزل من القطن المصري

أعلن المهندس رشيد محمد رشيد وزير التجارة والصناعة أن الحكومة اتخذت إجراءات جديدة تنفذ لمدة عام‏,‏ لتخفيف آثار الأزمة العالمية علي الإنتاج والعمال‏,‏ استكمالا لقرار الحكومة ضخ‏15‏ مليار جنيه خلال‏6‏ أشهر‏.‏

وقال رشيد ـ في مؤتمر صحفي بعد اجتماعات عقدها أمس الأول مع ممثلي صناعات السيارات والملابس الجاهزة والمنسوجات ـ إنه قد صدرت تعليمات لجميع الجهات الحكومية بمنع استيراد أي سلعة تامة الصنع‏,‏ في حالة وجود مثيل محلي لها

‏وتدبير مساندة مالية قيمتها‏150‏ جنيها لكل قنطار غزل من القطن المصري‏,‏ وإلغاء رسم التنمية علي تصدير السيارات بجميع أنواعها‏,‏ وإلغاء الجمارك علي مستلزمات الإنتاج‏,‏ وتشكيل لجنة لوضع أسعار استرشادية خاصة بالملابس المستوردة‏,‏ لحماية الصناعة من ممارسات التجارة غير المشروعة‏.‏

وقال رشيد‏:‏ إن الإجراءات تضمنت تقييد منح الدعم للصادرات بحيث لا يحصل عليه إلا المصانع التي تحافظ علي العمالة‏,‏ وإن الحكومة تدرس الآن منح مساندة مالية للعمال الذين استغنت عنهم الشركات‏.‏

ومن المقرر أن يلتقي المهندس رشيد مع الدكتور يوسف بطرس غالي وزير المالية‏,‏ والدكتور محمود محيي الدين وزير الاستثمار خلال الأيام المقبلة‏,‏ لبحث نتائج الدراسة حول إلغاء الرسوم الجمركية علي السلع الاستثمارية‏.‏

الكلام دة معناة ان العربيات اللى بتتحمع فى مصر المفروض ترخص تقريبااا 30 فى المية لما نشوف.........

**mk20022002** · 10-01-2009 05:09 PM

وقال الوزير إنه فيما يتعلق بإجراءات مساندة صناعات السيارات والصناعات المغذية لها سيتم إلغاء رسم التنمية علي صادرات السيارات بجميع أنواعها والذي يبلغ حاليا‏2%,‏ كما سيتم إعفاء مكونات السيارات الواردة للمصانع من الجمارك‏,‏ ويجري أيضا دراسة تخفيض ضريبة المبيعات علي السيارات المحلية‏,‏ أو إلغاؤها كما تدرس الوزارة مدي إلتزام دول اتفاقية أغادير بفتح أسواقها أمام صادرات السيارات المصرية دون أي عوائق وبناء علي ذلك ستتم اعادة النظر في السماح بدخول السيارات المصنعة في المغرب للسوق المصرية بدون جمارك‏.‏

وأكد الوزير مجددا أنه لانية لتخفيض الجمارك علي السيارات خلال المرحلة المقبلة وقال انه سيتم عقد اجتماع لممثلي رابطة مصنعي السيارات والجهاز من المصرفي لدراسة منح تيسيرات من الجهاز المصرفي لتجارة السيارات المحلية كما سيتم عقد اجتماع أخر خلال الأسبوع المقبل لإعادة النظر في قرار السماح باستيراد السيارات من غير بلد المنشأ وانه سيتم اتخاذ الاجراءات اللازمة في هذا الشأن والتي تحافظ علي توازن المصالح بين المنتجين المحليين للسيارات والمستوردين وشركات التوزيع‏.

**نور العمر** · 10-01-2009 05:19 PM

انا شايفة إن فيه ناس كتيير متعرفش حاجة عن الحملة وبتشتري عادي
حرام يشتروا في ظل الظروف دي
إزاي نوصلهم
خصوصا إللي مبيستخدموش النت

**mk20022002** · 10-01-2009 05:24 PM

شريط الشات اللى فى قنوات الدش

**asbeats** · 10-01-2009 05:24 PM

كنت هاشتري زيرو بس اجلت القرار لأجل غير مسمى بالرغم من احتياجي الشديد للسيارة

وعلى العموم الناس كلها عارفة موضوع ان العربيات هترخص ومحدش بيشتري لأن الناس لما بتشوف حد شاري زيرو بيقولوا عليه "اهبل"

والواحد على قد ما يقدر بيعرف الناس على الحملة

**mk20022002** · 10-01-2009 06:05 PM

انا عاوز اقول حاجة كمان
الحملة دى بقالها تقريبا شهر او اكتر بس بدات يكون ليها نتائج مفرحة و بدات تعمل صدى عند التجار و الموزعين لان ظروف الازمة القتصادية معانا .... و علشان كدا كلنا لازم نكون مع الحملة و نمسك فيها بادينا و سناننا لان دى فرصتنا الوحيدة فى اننا نحقق اهداف الحملة