هو سؤال بس..
العربية عندك.. الجنط اللي فيها مقاسه كام..؟؟
و الفيكترا برة بتنزل بجنط كام..؟؟
سيبك من اللي هنا لسبب.. عشان اوقات العربيات اللي بيتم تجميعها هنا.. بيركبوا جنوط اصغر حاجة بسيطة ف المقاس من المقاس الاصلي بتاع برة.. عشان يوفروا شوية ف السعر.. (زي الفيرنا و اللانوس)
هو عندك هنا في مصر اللي بينزل ف العربيات ال1600 المقاس ده 185/70 14h
مش عارف بقي ال2000 سي سي.. ممكن يكون المقاس الطبيعي بتاعه 15 مش 14 كمان..
و هتلاقي في الاستيكر اللي فيه ضغط الكاوتش مكتوب عليها مقاسات الكاوتش اللي ممكن تركبها من غير قلق..
يعني لو انت عندك 14.. هتلاقي في مقاس 14 موجود و مقاس 15 موجود.. مع اختلاف السمك و العرض طبعا..
لكن لو انت عندك اصلا 15.. يبقي هتلاقي 15 و 16 موجودين..
17 بيتهيألي ممكن يكون متعب شوية للعفشة غشان المعدن كتير.. و الكاوتش قليل.. (سمك الكاوتش بيبقي قليل قوي.. و سرعه رد فعله للصدمات بقي قليل.) صح؟
ده بيحمل علي العفشة و المساعدين..
بيتهيألي لو هتاخد بنصيحتي.. خليك ف ال16 معقولة قوي..و علي الاقل هتبقي مطمن انها مفيهاش خطر علي العفشة..
المفضلات