كيا برايد (سايبا برايد الجديدة)

**mesaharaty** · 10-01-2009 09:59 AM

إخوانى السلام عليكم ورحمة الله وبركاته جميعا

قرأت اليوم فى جريدة أخبار اليوم (ملحق السيارات طبعا) عن بدء نزل كيا برايد (سايبا برايد) إيرانى وطرحها فى السوق المصرية .
ولا أخفيكم سرا إنى أعجبت بإمكانياتها وأيضا سعرها (46.500 ألف جنيه) وفيها سنتر وكاسيت وتكييف وزجاج ملون وعجلة قيادة بالنظام الهيدروليكى وعجلة قيادة قابلة للتعديل وكذلك فيها زجاج كهربائى أمامى وريموت وفوانيس للضباب .
شكلها لا بأس به .
طيب يا جماعة حد كون فكرة عن العربية دى قبل كده ، يعنى بالنسبة لكيا برايد اللى موجودة حاليا (سيدان) هل فيه فرق كبير بينها وبين الجديدة اللى نازلة السوق فى مصر .
طيب وإيه رأيكم فى السيارة ككل وإمكانياتها ومعدل دورانها فى البيع (كمستعمل)وهل هى إعتمادية وموفرة فى البنزين وهل قطع غيارها متوفرة أم لا ؟
يعنى يا جماعة كما اعتدنا منكم المساعدة بالرأى والمشورة أرجو من كل من يستطيع المشاركة بمعلومة أن يساهم وله جزيل الشكر والإمتنان

**badblood** · 10-01-2009 02:29 PM

شكلها وحش وخسارة فيها الفلوس
ليه 46 الف عشان ايه
اخرها في ذمتي 20 او 22 الف بكتير اوي

**MoDyBeNz2008** · 11-01-2009 08:17 PM

احنا معانا الكوري سيدان موديل 99 اوتوماتيك العربية ما شاء الله عليها بجيب بيها 140 على طريق مصر اسكندرية بس الثبات في الضياع على السرعة دي العربية اعطالها قليلة جدا ماعدا بلي العجل مشكلة في كل الكيا برايد
موفرة جدا في البنزين مع اني محسبتش الاستهلاك بتاعها
العربية وسعها حلو بالنسة لفئتها
العربية 1300 سي سي التكيف له تأثير على الموتور بس مش جامد اوي
العربية 2 ازاز كهربا امامي عيب فيها ان المريات مبتتقفلش

لو عايز اي معلومات عن الكوري انا ممكن افيدك