كام واحد ياجماعه هنا معاه سيفيا؟
احنا كتير ولا شويه؟
عاوزين نتعرف ونتقابل ونفيد بعض
ايه رأيكوا
عرض للطباعة
كام واحد ياجماعه هنا معاه سيفيا؟
احنا كتير ولا شويه؟
عاوزين نتعرف ونتقابل ونفيد بعض
ايه رأيكوا
ياريت ولله فعلا فكرة حلوة جدا
وانا اول واحد اهو معايا سيفيا 2000 ولى عايز اى حاجة يسالنى اصلى تقريبا حفظت كل ملى فيها فية اية و يتعمل فين و بكام و ازاى و الى فية الخير يقدمة ربنا ....
يلا يا جماعة هو احنا 2 بس ولا اية ؟؟؟؟
ياريت يا جماعة تفيدونى انا اصلى جديد فى العربيات بصراحة اول مرة هشترى عربية ومعروض على سيفيا 99 اوتوماتيك حالتها كويسة جدا بس لسه مفيش حد فحصها قلولى اعمل ايه علشان مش ينضحك عليه .... وشكرا"
ياريت يارجالة بيانات عن العربية(قطع غيار استهلاك بنزين صيانة ......) عشان انا بفكر اشتري واحده
بص يا سيدى العربية دى من الاخر روعة انا بعشقها بنزين تقريا سفر 6 لتر لل 100 كم جوة المدينة مش عارف بس انا بمون ب 50 جنية مثلا بيعدوا اسبوعين او اكثر يعنى متوسط اسبوعين قطع الغيار ب النسبة للجديد معرفش اوى لان كل تعاملى للقطع الاستيراد انضف من الجديد انما مثلا طقم حشو الاسكاترة لازم يبقى جديد و دة ب 110 جوان وش سلندر 50 جنية جوان وش تاكيهات 35 جنية
المتور الكامل ال1500 او 1600 ب 2200 مكن يزيد 100 او يقل 100 دة المتور الفاضى انما الكامل يعنى ب طرمبة الباور و التكيف و الدينامو ب 3000 الدينامو لوحدة ب 200 طرمبة الباور 350 او 400 طرمبة التكيف 400 ل 500 المساعد 150 الكوبلن 150 و طبعا دى الاسعار الى من الاخر يعنى فاصل لحد متوصلة كدة قالك لا سيبة وامشى
و لقدرالله النص ب 4500 او 5000 دة النضيف الى يقولك 13 او 14 الف دة احدفة بطوبة و امشى الصيانة ممكن تخليها توكيل وتريح دماغك لان المتور بتاعها مش اى حد يشتغل فية العربية فيها حساسات كتير بس ماشاء الله عليها ادائها رائع الى معايا 1500 جايب بيها ال190 ماشاء الله عليها اة الفتيس بتاعها الوتو مثلا ب 3000 المانيول ب 1500
و لو عندك اى سؤال تانى انا فى الخدمة يا باشا
انما ب النسبة لل99 الاوتو الى قدانم هى العربية نفسها ماشاء الله عليها انما الفتيس الوتو بتاعها مبيستحملش
يعنى من الاخر لو انت شاب مش هبنفعك خالص و لو رجليك تقيلة يبقى برضة بلاش انما لو مشيك عادى يعنى حنين و سوقت اوتو قيل كدة يعنى رجليك متعودة على طريقة السحب البطيئة بتاعتة يبقى كدة تمام و ربنا يباركلك فيها يا معلم ...
انا فى الخدمة يا باشا ..
:)))))))))))) دانتا ماشاء الله شاكلك دايس عليها اصدي فيها اوييي:36_1_1[1]: شكرا ياجميل عالرد
وانا كمان سيفياوى لسة شايف الموضوع يا جماعه وانا عربيتى سيفيا 2001 نبيتى وانا برضوا من عشاق السياره ولكنى ديما اجد سحبها واطى شوية او التسارع انا عندى مشكلتين هية قاعده فتييس الى فى النص وطرمبة باور
وانا من القاهرة واعرف الواد الى بيتكلم فوق ده اسموا محمد الاسمعلاوى باين بتاع كده ملهوش لزمه كل مره يقول هينزلى وينفض وربنا معاه فى الامتحنات وقوم ذاكر يا محمد
انا جربت كذا حاجة على الرعبية زى مثلاعلبه الشكمان الديفيل والفلتر الرياضى بس بصراحه كماليات شايف تودى فى دهية لاما من المرور لاما من البنزين
ماكس باشا
هو الاكصدام الامامي بكام؟
لحسن انا دمرته النهارده
هاردد باشا
ايه مشكلة قاعدة الفتيس اللي عندك عشان انا شاكك فيها عندي ومش متاكد؟
بص يا سيدى الاكصدام دة انا سمعت ان فية منة صينى بس مشفتوش و سمعت انة ب 250 انما الصلى بتاع العربية استيراد يعنى بيكون على حسب حالتة و الكان الى هتشترية منة و شطارتك طبعا و هو من حدود 400 ل 600 حسب حالتة فية فةجات ولا لا و طبعا حاول تنزل عن كدة الاسعار دى اخر حاجة سمعتها فى الاكصدام و كانت تقريبا من شهرين اوعى تجيب من ابو 700 لحسن هم بيحبوا الرقم دة فى الاكصدامات هههه
ب النسبة للدركسيون هى مفيهاش علبة دركسيون هى فيها اسكاطرة ب النسبة للاسكاطرة الحمد لله اكتر حاجة حصلتلى ان حشو الاسكاطرة باظ و كانت بتجيب زيت من كل حتة بس الحمد لله عملتها بص يا سيدى اكتر جوان بيبوظ هو اول واحد عند الدركسيون و ممكن تلاقية منزل زيت جوة الكابينة يعنى هتلاقى زيت من تحت رجليك كدة انما عشان الاسكاطرة تبوظ بيتهيالى دى صعبة و عموما هى تمنها 700 جنية و موجودة ف كل حتة و لو هتشتؤيها اشتريها ب البيض بتاعها .بيض الطرف .اوعى تتنازل عن ***** ههههههه الواحدة جديدة ب 45 جنية و انت محتاج اتنين تتنازل عنهم لية و كمان مبيكنوش زى الاصلى ....
انا فى الخدمة يا بشوات بس اعزرونى الامتحانات مبهدلانى
بس الحمد لله ربك بيسهلها ههههههه ...
تسلم يا غالى على كل المعلومات القيمة دى وربنا ينجحك وتنول اللى نفسك فيه:Ta_clap[1]:
شكرا ياكبيييييراقتباس:
بص يا سيدى الاكصدام دة انا سمعت ان فية منة صينى بس مشفتوش و سمعت انة ب 250 انما الصلى بتاع العربية استيراد يعنى بيكون على حسب حالتة و الكان الى هتشترية منة و شطارتك طبعا و هو من حدود 400 ل 600 حسب حالتة فية فةجات ولا لا و طبعا حاول تنزل عن كدة الاسعار دى اخر حاجة سمعتها فى الاكصدام و كانت تقريبا من شهرين اوعى تجيب من ابو 700 لحسن هم بيحبوا الرقم دة فى الاكصدامات هههه
بس هو الصيني ده بيتهيئلي بيتكسر بسهوله اي لمسه تلاقيه انشرخ وش
ب الظبت ف احسنلك انزل بور سعيد واهتة من الاسكان او هاتة من الحرفيين او لروح لبتاع فيبر خلية يعملك بتاعك لو الدنيا مزنقة معاك بس احسنلك هات واحد جديد
شكرا ماكس باشا
وعاوزين نعمل مقابله للسيفياويه بقى
ياريت يا باشا دة شرف لى ولله
إن شاء الله انا اساسى رايح الفورميلا يوم 22
ياريت لو نتقابل هناك ..
اية يا شباب فينكم ؟؟
...
ماكس باشا ازيك
بما انك سيفياوى كبير كنت عايز اعرف سعر السيفيا اوتو 2001
لانها معروضه عليا ومحتار لانى معرفش سعرها على فكره هى فول اوبشن وحالتها حلوه جدا
ممكن الافاده .....ولك جزيل الشكر
ولله هقولك على حاجة بسيطة اولا الاوتو بتاعها عايز معاملة خفيفة
تانى حاجة العربية فبريكة ولا لا
2001 اغلبة فية اية بى اس و اير باج فيها دول ولا لا
العربية دى للعلم تقفيل مصرى
فيها اى اضافات ولا لا
بس عموما اى سيفيا دلوقتى ف ظروف السوق الوحشة دى ممكن تعمل من 40 ل 45 ولله اعلم عشان ظروف السوق مش مستقرة
و اتمنى اكون افتك
انا شاريها من 7 شهور ب 47500
و جالى فيها 52000 دة من 3 شهور
و دلوقتى مش بجرب اتمن ولا اسئل عن سعرها عشان ميجليش احباط هههههههه ...
و انا معاك فى اى حاجة يا باشا و انت تأمر بس ...
ماكس باشا مساء الفل
معلش عندى سؤال احسن انا لسه جديد فى العربيات الأتوماتيك عندى لمبة o/D بعد ما ادور العربية وامشى بتفضل تولع وتطفى يعنى بتعمل flashing ايه العمل والمشكلة فين ياريت بسرعة تقولى احسن مش عارف امشى عليها ولا اعمل ايه
وشكرا يا باشا على كل ما تقدمه
بص يا سيدى عندك زرار فى الفتيس هو المسئول عن فتح و غلق الاوفر درايف
ممكن و دة وارد جدا ان يكون الزرار بيشعر و طبعا عشان انا معايا مانيول ف مش هعرف ارد عليك ب الصور انما انت ممكن بسهولة كبيرة تجيب اسبراى تنظيف بتاع بوردة الكمبيوتر ابو 5 جنية و نص و رش على الزرار و انت مبطل العربية و استنى 10 دقائق كدة احتياطى يعنى لحد مينشف و بعدين جرب دوس على الزرار وانت مبطل بردو احتياطى يعنى و اعد افتحة واقفلة افتحة و اقفلة كام مرة و إن شاء الله يتعمل
و ممكن طريقة تانية اكيد هتلاقى العصاية عندك فيها مسمارين فكهم يعنى فك العصاية و رش على الزرار دة علطول بس إن شاء الله هيتعمل منغير متفك حاجة
ربنا معاك و طمنا كدة عملت اية...
انا فى الخدمة يا باشا ..
ايه السرعة دى يا باشا انا مش مصدق ربنا يخليك بكره ان شاء الله هجرب الكلام ده ورد عليك ربنا يباركلك وينجحك
ويجعلك نصير الغلابة
أنا معايا سيفيا موديل 2001 بس سحبها مش جامد هو مش وحش بس بردو مش جامد و أنا لسة منضف الرشاشات من أسبوع و محستش بفرق و أنا عندي زنة كدة فالشكمان من تحت و أنا عارف أن دي ال مصفة اللي فالشكمان ولحمتها قبل كدة فهل دي تأثر في السحب و استهلاك البنزين لأنو مش كويس أوي بردو و بحس لأن صوت المتور عالي شوية
و كنت عايز أعرف أه اللي ممكن يكون مأثر فسحب العربية
و Thnxxxxxxxx
:rfds:
البوجيهات يا زنجا جديده ولا ايه
جرب تغيرها
هي عربيتك مانيوال ولا اوتو وقوللي كده استهلاكها قد ايه في البنزين
واهلا بيك معانا
أنا عربيتي مانيوال و لسة مغيرالبوجيهات لما نضفت الرشاشات من أسبع كده
بس بردو معرفتش أه السبببب :8954[1]:
W 3moman Thnx 4 Replay Ya Ezabyy
:Oc_sun1[1]:
مش عارف بقى
بس بص انت لو متعود تحط بنزين من مكان معين حاول تغيره لحسن ولاد الحلال كتيييير
جرب تكبس جامد على الدواسة متخفش هتستحمل ..
وبعدين انت بتقول سحبها مش حلو يعنى مثلا لو ممكن تدينى مثال يعنى مثلا اقل من العربية كذا ..
شديت مع كذا وطلع منى
كدة يعنى
.... و احنا معاك يا باشا ..
يا جماعة ونبى عايز منكو خدمة
معلش هتقل عليكو عشان انا فى الامتحانات و مش عارف اسافر
ياريت لو حد يسالى دراع النور بتاع السيفيا بكام
استيراد او جديد مش فارقة
و معلش هتقل عليكو لو حد يسالى تمن القطمة الاستيراد كام
و الف شكر ليكو يا جماعة
ياريت ونبى تردو على سريعا عشان انا ماشى منغير عالى ...
شكرا يا شباب
شكرا يا جماعة محدش رد و كلة طنش عموما انا اتصرفت و جبتها الحمد لله ...
فينكم يا سيفياوية فينكم ؟؟؟
اسفين ماكس باشا بس فعلا انا جديد على السيفيا ومش كنت اعرف بكام وياريت تقولى انت جبتوا بكام لأنى عندى دراع النور ده بيعلق ومش عارف هو عايز ظبط ولا تغيير
اعزرنى انا فعلا مش عارف الأسعار وانت تستحملنى شوية
الف شكر يا باشا
اخوك محمد من الزقازيق
:S_thum1[1]:
كويس ان السيفياوية يتناقشوا بس انا مشفتش ولا واحد من اللي معاهم سيفيا 1 ، انا بقول كده لاني معايا 96 هي كويسه بس قطع غيارها ساعات بتجنني ومش بلاقيها بسهوله فياريت حد يدلني على حد بتاع قطع غيار من الآخر لان حتى حلمي سليمان ساعات مش بلاقي عنده الحاجه اللي عايزها ، آخرها كان بطاحة المساعد الأمامي.
كمان انا ركبت سيفيا 2 لاقيت فتيسها ناعم قوي غير اللي عندي فياريت حد يفيدني ويقولي هل فتيس 1 تقيل شوية عن 2 ولا فيه مشكله عندي ولو عايز اروح للميكانيكي اقله يبص على إيه في الفتيس لاني رحت للميكانيكي وقال لي ان الفتيس كويس مفيهوش حاجة
جرب تسال عند الجندي اللي في دمشق
غالبا هتلاقي كل حاجه عنده
موضوع الفتيش الخشن دة تقصد بية اية الغيارات خشنة و سعات مبتخشش المارشدير بيعصل كدة يعنى ولا تقصد اية اصل كان عندى الظواهر دى و طلعت فبرة العصاية و دى حاجة سهلة جداااا ..
ب النسبة لموضوع دراع النور دة الحق ركب كتاوت جرى
نفس الموصوع دة حصل معايا الاول الفيوز اتحرق قولت عادى و غيرتة و بعدين الدراع اتحرق قولت الحمد لله و هو عموما الغويشة بتاعت النور تتراوح من بين 100 ل 200 على حسب المكان و شطارتك و الى بيبيع
و ربنا معاك
على فكره انا رايح التوكيل يوم الحد ي اجماعه للى عاوز يجى هعمل صيانه لو عاوز تيجى يا ماكس كلمنى
مشكورين ياجماعة على الموضوع الجميل ده
اية يا شباب ااختفيتوا لية؟؟
الحمد لله تم حل المشكلة زى ما قال اخويا ماكس بالتنظيف بالأسبراى وكله تمام
بس انا اسف مش فاهم يعنى ايه كيك دون معلش اعزرونى فى السؤال
ياريت حد يفهمنى معناها
وشكرا لكم جميعا":U_thin1[1]: