الي اهل السوزوكي الكرام انا عايز اشتري جنوط اسبور
مقاس 13 للعربية سويفت موديل 94 وتكون مستعملة اجيبها منين وتكون في حدود كام ومن عند واحد مضمون
عرض للطباعة
الي اهل السوزوكي الكرام انا عايز اشتري جنوط اسبور
مقاس 13 للعربية سويفت موديل 94 وتكون مستعملة اجيبها منين وتكون في حدود كام ومن عند واحد مضمون
شارع احمد سعيد يا باشا
بس نصيحة هات جديد انا لسه كنت شاري طقم للعربية عندي وكان عامل 750 والحمد لله تمام ده من غير كاوتش طبعا لان المستعمل في الحاجات دي مش مضمون وثانيا صعب انك هتلاقي الأبعاد بتاعت العربية دي في المستعمل او حالة نضيفة
طب النوع الي جبتة حضرتك نوعة اية ومن عند مين ولك جزيل الشكر
النوع اسمه Am من عند واحد اسمه علاء موسي معرض كبير ومستورد كاوتش وجنوط وهو اللي بيصنع الجنوط دي في الصين وهتلاقي النوع اختصار لأسمه
بس حضرتك ناس كتيير حظروني من الجنوط الصيني وقالوا انها مش كويسة واي خبطة بتعوج الجنط اية رايك
بص يا أخي
يا صيني يمشيك ويشيلك طالما مش هتخش بالعربية في الرصيف ولو لا قدر الله دخلت يبوظ الجنط ويتعوج أحسن ميتعوج الشاسية
لو برده مصر على حاجة غير الصيني هتلاقي أندونيسي أو تايلندي تقريباً بس مش هتلاقي أشكال كتير زي الصيني
متنساش كمان إن مقاس 13 ده مش هتلاقي منه غير شكلين تلاتة وشكراً
عليك وعلى قسم الكماليات وأعمل بحث وهتلاقي كل إلي إنتا عايزة إن شاء الله وبالتوفيق
طيب الراجل دة فين مكانة بالطبط وممكن يركبهم والا شراء وبس
أنا بس عندي نصيحة ليك يا أشرف باشا انك تكون بس واخد بالك من حاجة مهمة جدا اسمها Et Number و ال رقم ده بيكون موجود على ظهر النط و ده أهميته ان الرقم ده هة اللى بيحدد مكان الجنط تحت الرفرف ( يعني طالع بره الرفرف ولا داخل جوا كله ) و الرقم ده كل ما يزيد كل ما العجل دخل لجوا و كل ما قل كل ما العجل طلع بره العربية ..
و امشكلة في جنوط السويفت ان أبعاد المسامير فيها مختلفة عن بقيت العربيات و نادرة شوية و غالبا هتلاقي رقم ال Et هو 25 و ده في أغلب ان لم يكن في كل الجنوط الصيني .... و المشكلة هتلاقي لو انتا ركبت ناس ورا ممكن العجل يحك فالرفرف و عشان كده أنا بنصحك تجيب الرقم ده 35 و ده كده مظبوط و كله هيكون فالسليم حتى لو انتا ركبت جنوط 15 كمان و مع عجل عرضوا 195 كمان ....
ده اللى حصل معايا و بعد ما غيرتوا ل 35 كله اتظبت و عمرها ما حكت بعد كده مع العلم اني مركب كاوتشات عريضة 185 ..
الف شكر يا باشا علي المعلومة الجميلة دي ولكن الرقم دة موجود فين بالضبط وهل يختلف من جنط لاخر وهل الافضل اخد العربية واركب علي الطبيعة
لا شكر على واجب ....
بالنسبة لمكان الرقم ده هتلاقيه في الجنط من جوا يعني في ظهر الجنط و بيكون عبارة عن دايرة صغيرة مكتوب فيها رقمين زي 40 أو 35 أو 25 و ده بيختلف فعلا من جنط للتاني و معظم الصيني بيكون 25 و النظيف شوية بيكون 35 و أعلى و أن بنصحك بالنسبة للسويفت انك تجيب النظيف عشان ميخليش العجل بره (( زي ما قلت ان كل ما يزيد الرقم بيدخل العجل لجوة أكتر يعني 35 بيكون داخل لجوه أكتر من 25 )) و بكده تتجنب مشكلة ان العجل يحك في الرفرف اللى ورا خصوصا مع التحميل عشان أنا غيرت الجنط بتاعي بعد ما جبتوا بكام شهر بسبب المشكلة السخيفة دي .... و خلي بالك مش كل صنايعي كاوتشات هيبقى عارف حوار الرقم ده و هيقولك ان الكاوتش عريض على العربية .. بس فكك من كلاموا عن الكاوتش العريض ده و خليك في حوار الرقم بس و ركب أي عرض انتا عايزو لغايت 195 بدون أي قلق ....
و أنا تحت أمرك في أي استفسار تاني
شكرا يا باشا علي مجهودك معايا ويا تري الجنوط الصيني am دي كويسة واجيبها منين بالظبط
الجنوط الصيني AM كويسة بس أشكلها مش حلوة و كمان مش هتلاقي أشكال كتير لأبعاد مسامير السويفت ....... أنا أنصحك تجيب حاجة اندونسي زي Divino و ده اللى أنا مركبوا في الصورة بتاعت profile بتاعي و العربية اللى في الصورة ديه بتاعتي و الفرق في السعر يعتبر مش موجود (( يعني 100 او 150 بالكتيير عن الصيني و أحسن منه بمراحل )) .... و يا سلام يا أشرف باشا لو تجيب حته تايواني ... هوه ده الشغل هتلاقي أنواع و أشكال نضيفة بجد و هتلاقيه عند المحلات النضيفة بس و مش غالي أوي في حدود 1400 جنيه ..
شكرا يا باشا علي النصيحة طب النوع الاندونيسي الي انتا جايبة جايبة منيين وبكام بالظبط وعلي فكرة عربيتك حلوة ربنا يبارك لك فيها ويكفيك شرها
الله يكرمك و ألف شكر على ذوقك ....
بالنسبة للجنط ده DIVINO ..أنا لقيتوا هنا في الاسكندرية في شارع بورسعيد و كان تقريبا طقم واحد بس اللى جه و فعلا تقريبا مشفتش غير واحد بس مركب زي بتاعي (( الله أعلم ممكن فيه ناس تانيين)) و كان عامل تقريبا ألفايه .... بس بصراحة أحسن من الصيني و حاسس ان العربية مرتاحه معاه أكتر..
و ديه صور الجنوط.......الأول هوا الصيني (أحلى حاجة الشكل بجد) و التاني هو الاندونيسي
http://www.postimage.org/PqavQwi.jpg
http://www.postimage.org/aVd0CD9.jpg
بجد متشكر جدا علي ذوقك وتعبك معايا وانا هسأل عن الجنوط الاندونيسي في القاهرة عندي ويارب الاقيها
طيب انا عندي سويفت وعايز اجنطها ممكن اركب اكبر من 15 وهل الكاوتشات الي جايه مع قياس الفبريكه نتفع تركب على ال15؟
شكلها حلو يامان.انت شجعتني اركبلها جنوط.
انا عاوزكم تدخولو علي ال you tube وتشوف السويفت بتعمل اة.والله هتحبوا العربية دي اوي,اة اكتبوا swift sedan علشان متدخلوش علي السوفت الجديدة.
يا ريت تقول لنا كمان على الارقام الى على الكاوتش زى تاريخ الصنع و المقاس و ازاى نقراه