جنوط اسبور للسويفت

**sss2000** · 10-01-2009 07:34 PM

الي اهل السوزوكي الكرام انا عايز اشتري جنوط اسبور
مقاس 13 للعربية سويفت موديل 94 وتكون مستعملة اجيبها منين وتكون في حدود كام ومن عند واحد مضمون

**ahmed azab** · 10-01-2009 08:50 PM

شارع احمد سعيد يا باشا
بس نصيحة هات جديد انا لسه كنت شاري طقم للعربية عندي وكان عامل 750 والحمد لله تمام ده من غير كاوتش طبعا لان المستعمل في الحاجات دي مش مضمون وثانيا صعب انك هتلاقي الأبعاد بتاعت العربية دي في المستعمل او حالة نضيفة

**sss2000** · 11-01-2009 09:14 PM

طب النوع الي جبتة حضرتك نوعة اية ومن عند مين ولك جزيل الشكر

**ahmed azab** · 12-01-2009 05:08 PM

النوع اسمه Am من عند واحد اسمه علاء موسي معرض كبير ومستورد كاوتش وجنوط وهو اللي بيصنع الجنوط دي في الصين وهتلاقي النوع اختصار لأسمه

**sss2000** · 12-01-2009 10:18 PM

بس حضرتك ناس كتيير حظروني من الجنوط الصيني وقالوا انها مش كويسة واي خبطة بتعوج الجنط اية رايك

**Jato.33** · 13-01-2009 12:23 AM

بص يا أخي

يا صيني يمشيك ويشيلك طالما مش هتخش بالعربية في الرصيف ولو لا قدر الله دخلت يبوظ الجنط ويتعوج أحسن ميتعوج الشاسية

لو برده مصر على حاجة غير الصيني هتلاقي أندونيسي أو تايلندي تقريباً بس مش هتلاقي أشكال كتير زي الصيني

متنساش كمان إن مقاس 13 ده مش هتلاقي منه غير شكلين تلاتة وشكراً

عليك وعلى قسم الكماليات وأعمل بحث وهتلاقي كل إلي إنتا عايزة إن شاء الله وبالتوفيق

**ahmed azab** · 14-01-2009 12:06 AM

المشاركة الأصلية كتبت بواسطة Jato.33

بص يا أخي

يا صيني يمشيك ويشيلك طالما مش هتخش بالعربية في الرصيف ولو لا قدر الله دخلت يبوظ الجنط ويتعوج أحسن ميتعوج الشاسية

لو برده مصر على حاجة غير الصيني هتلاقي أندونيسي أو تايلندي تقريباً بس مش هتلاقي أشكال كتير زي الصيني

متنساش كمان إن مقاس 13 ده مش هتلاقي منه غير شكلين تلاتة وشكراً

عليك وعلى قسم الكماليات وأعمل بحث وهتلاقي كل إلي إنتا عايزة إن شاء الله وبالتوفيق

صح يا باشا
برضه هاتستعمل الحاجة صح هتعيش معاك
وعلي فكرة الصيني في منه كذا فرز وده افضل حاجة وانا مجربهم في كذا طقم والحمد لله كلهم تمام من خامة او تقل

**sss2000** · 14-01-2009 10:47 PM

طيب الراجل دة فين مكانة بالطبط وممكن يركبهم والا شراء وبس

**Viper911** · 15-01-2009 10:21 AM

أنا بس عندي نصيحة ليك يا أشرف باشا انك تكون بس واخد بالك من حاجة مهمة جدا اسمها Et Number و ال رقم ده بيكون موجود على ظهر النط و ده أهميته ان الرقم ده هة اللى بيحدد مكان الجنط تحت الرفرف ( يعني طالع بره الرفرف ولا داخل جوا كله ) و الرقم ده كل ما يزيد كل ما العجل دخل لجوا و كل ما قل كل ما العجل طلع بره العربية ..
و امشكلة في جنوط السويفت ان أبعاد المسامير فيها مختلفة عن بقيت العربيات و نادرة شوية و غالبا هتلاقي رقم ال Et هو 25 و ده في أغلب ان لم يكن في كل الجنوط الصيني .... و المشكلة هتلاقي لو انتا ركبت ناس ورا ممكن العجل يحك فالرفرف و عشان كده أنا بنصحك تجيب الرقم ده 35 و ده كده مظبوط و كله هيكون فالسليم حتى لو انتا ركبت جنوط 15 كمان و مع عجل عرضوا 195 كمان ....
ده اللى حصل معايا و بعد ما غيرتوا ل 35 كله اتظبت و عمرها ما حكت بعد كده مع العلم اني مركب كاوتشات عريضة 185 ..

**sss2000** · 16-01-2009 07:24 PM

الف شكر يا باشا علي المعلومة الجميلة دي ولكن الرقم دة موجود فين بالضبط وهل يختلف من جنط لاخر وهل الافضل اخد العربية واركب علي الطبيعة

الموضوع: جنوط اسبور للسويفت

LinkBack

أدوات الموضوع

عرض

-

-

-

-

المواضيع المتشابهه

جنوط اسبور 15 بالكاوتش

جنوط 15 اسبور للبيع

جنوط اسبور

جنوط اسبور

جنوط اسبور للسيريون

الكلمات الدلالية لهذا الموضوع

المفضلات

المفضلات

ضوابط المشاركة