السلام عليكم,
انا اشتريت نوبيرا مو 2005 عاملة 60 الف كيلو, اعرف منين ان سير الكاتينة سليم ولا لأ, هي العربية برة الضمان لو غيرته في التوكيل يتكلف كام , و شكرا جزيلا.
عرض للطباعة
السلام عليكم,
انا اشتريت نوبيرا مو 2005 عاملة 60 الف كيلو, اعرف منين ان سير الكاتينة سليم ولا لأ, هي العربية برة الضمان لو غيرته في التوكيل يتكلف كام , و شكرا جزيلا.
عشان تبقى مطمن وفي الأمان غير السيور كلها والفلاتر والموضوع مش محتاج توكيل اشترى الحاجة وخلى ميكانيكي بيفهم يغيرهملك
متهيالي مفيش طريقة بيها تقدر تكشف على عمر سير الكاتينة
بس الافضل زي ماقال شريف باشا تغير كل السيور عشان تبقى مطمن وتقدر تحسب عمرهم بنفسك وانت واثق من النتيجة
والسيور عموما غير مكلفة وممكن تركبهم عند الميكانيكي عادي جدا
غير سير الكاتينة والزيت والفلتر.....حتى لو اللى انت شارى منة قالك لسة مغيرهم امبارحعلشان تبدأ صفحة جديدة مع صيانة المحرك
ممكن تسأل في منتدي دايز و تشوف..
الطبيعي و في جداول الصيانة بيتغير كل كام الف كم..
يعني ف الاوبل كورسا بيتغير كل 40 الف. و في الفيكترا بيتغير كل 60 الف..
يعني خليك ف المضمون و غيره دلوقتي..
اعمل سيرش على النت و شوف السير بيتغير كل اد ايه تبعاً لموديل عربيتك ... حاليا معظم العربيات الحديثه سير الكاتينه بيعيش فيها ل 100,000 كيلو
سير الكاتينة من العناصر المهمة والتى يجب أن تخضع لمبدأ الوقاية خير من العلاج
نا لسه مغيره النهارده
مع ان العربيه مكملتش 60 الف
بس كشفت عليه لقيته مشقق بسيط
غيرته
جبت اليابانى ب 90 جنيه
وبليه شداد السير ب 90 جنيه
غير السير احسن
لأن لو قطع هتزعل جدا
لا غيره طبعا في اقرب وقت لانه لو اتقطع هيكلفك على الاقل وقت مش اقل من 3 ايام ده غير التكلفة المادية روح دلوقتي عند اي ميكانيكي يبفهم في الدايو وهات السيور الاصلية وتذكر دائما الغالي ثمنه فيه وان شاء الله خير
وعيب سير الكاتينه انه مش بيصفر مثلا قبل ما يبدا يبوظ او حاجه ده فجاة بيتطقع دون سابق انذار وخصوصا اللى بيزيد من احتمالية قطعه لا قدر الله سرعة الموتور العاليه مش القرص وان شاء الله ميحصلش حاجه
لاء انا مبقلقش من المواضيع دى
لانى بحب اكشف على كل حاجه بنفسى
وكمان الميكانيكى جارى يعنى كل يوم بعدى عليه من 7 سنين لما بقينا اصحاب
فكل غيار زيت بيكشف لى على كل حاجه وهو ممتاز فى الدايو والهيونداى
الصراحه عمره ما كسفنى
وبالنسبه لقطع الغيار
متعود انى اشتريها من محل اسمه ميراج فى طنطا
ناس كويسه واسلوبها حلو واسعارها مناسبه مش ارخص حاجه بس مش بتوع اشتتغالات
يعنى يقولك دى احسن حاجه تاخدها وانت مغمض
المحل فى طنطا مش عارف اسم الشارع بس سهل توصله
وانت رايح من بسيون لطنطا هتعدى على السريع على مدخل شارع النادى بعد سوق الجمله
هتكمل على الطريق الزراعى حوالى 200 متر
هتلاقى واحد بتاع كاوتش اسمه عطوان
هو فى الشارع ده
اسمه ميراج
الظريف ان صاحب الموضوع مش هنا اصلا
:36_1_35[2]:
قدر الله وما شاء فعل بس ازاي اتقطع احكيلنا ملابسات القطع واديلك قد ايه مغيرتهوش؟؟؟ علشان نسفتيد بس من اخطاء الغير
وعموما فداك مال الدنيا كله
الحمد لله على كل شيئ اولا
والله انا كنت ماشى فى طريق الكليه الحربيه ومره واحده سمعت صوت تكتكه جامد كده ولمبه الدينامو نورت عرفت علطول ان ده سير الدينامو
وقفت ونزلت لقيت فعلا السير مقطوع هو وسير الكاتينه بس كنت مشيت بيهم حوالى 200 متر للاسف!!!
بس هى دى غلطتى لانى من ساعة ما اشتريت العربيه وانا مغيرتش السيور
وبصراحه لسه مش عارف حجم الخسائر لانى قطرت العربيه وسبتها فى نادى الشمس مؤقتا وان شاء الله هاروح اجيبها النهارده انا وزميلى بس مش هبدا اشتغل فيها قبل اسبوع علشان امتحاناتى وربنا يوفك باذن الله
نصيحه اى حد يجيب عربيه مهما كانت حالتها يغير السيور
(على فكرة ده حصل فى الريتمو وليس الشاهين والحمد لله )
ربنا يستر ان شاء الله..
ممكن يكون اللي حصل ان الصبابات تكون اتكسرت..
بس مش عارف ايه تاني ممكن يكون اتأثر.. عشان كده انا كنت باسأل
هو اللى بيحصل ان صباب أو أكثر بينعوج....ولاتوجد خسائر غير ذلك....وعملية الاصلاح بعد كدة انة بيجيب طقم صباب كامل وبيعمل رودية للصبابات الجديدة على قواعدها...وبيغير جوان رأس السلندر وخلاص.وسيلات الصبابات...بس الموضوع لة جانب ايجابى على الرغم من عدم تمنيه لأى واحد....وهو أنة يمكنة نظافة مجارى التبريد بالبلوك وبالتالى رفع كفاءة التبريد.... بالاضافة الى رفع كفاءة الاحكام بالنسبة لخليط الحريق بعد عمل الرودية الازم للبلوف(الصبابات).....وكذلك يتم تغيير سيلات الصبابات وبالتالى تأمبن عملية تفويت زيت التزييت الى غرف الحريق....
الف الف شكر يا باشا علي التوضيح..
الف الف شكر على الشرح الوافى
يا جماعة جزاكم الله كل خير على الردود الهايلة دي, انا سألت سؤالي و اختفيت اصلي كنت مشغول جدا و قلت ابقي احكيلكم عملت ايه. بصوا بقي... انا رحت مركز خدمة الكويت و البلاد العربية اللي في الدقي النهاردة الساعة 8 الصبح,, بصراحة هما معاملتهم كويسة جدا, بس انا طلبت اعمل سير الدينامو و الكاتينة و بلية الشداد والمفاجئة انهم قالولي 850 جنيه و لما قلتيلهم سير الكاتينة بس قالولي 750 يعني خصموا 100 جنيه, طبعا انا مكدبتش خبر و قلت يا فكيك,, طلعت بعد كدة اشتريت بنفسي الحاجات كالتالي:
سير كاتينة 60 جنية
بلي شداد ثابت و متحرك و سير دينامو و بوجيهات 210 جنيه
فلتر بنزين و فلتر هواء 55 جنيه
و الراجل دلني على مركز سيارات في فيصل بيشتغل في السيارات الحديثة و ركب لي كل دة و اخد مني 180 جنيه مصنعية.
المهم انا من كام يوم و انا حاسس ان صوت العربية عالي بس بعد ماركب الحاجات النهاردة حاسس ان صوته اعلى شوية, و الميكانيكي بيقولي ان الايدل عايز يتظبت, و كشف عليها بالكمبيوتر لقى كله تمام و اتفقت معاه ارحله تاني علشان الايدل ده.
السير كان ايطالي يا باشا