بتجيب لبسك منين؟؟؟؟؟

انا عارف انه سؤال غريب.....بس بعد انتشار توكيلات اللبس و المحلات بقي في انواع كتير من الاختيار لللبس من كوتشهات او بنطلونات او تي شرت .......
و الفكره جاتلي لأني لاحظت لن بقي صعب الواحد يجيب حاجات كويسه حتي لو ماركه معروفه ....لأن بقي كلو صنع في مصر و الخامات و التشطيب بقي تعبان و الاسعار عاليه اوي .....ما عادا الكوتشهات طبعا اللي هي مش مصري ....
بس الاسعار بقيت غاليه علي الفاضي....يعني بدل ما كان تجبلك اجدع كوتش بي 300 جينه تلاقي بقي اقل حاجه 300 و حاجات مش قد كده في بعض التوكيلات....

لو حد بيجيب اي نوع من اللبس من اماكن اخري غير التوكيلات بأسعار اقل و ماركات كويسه ياريت يشارك و يقولنا....

ana banzael portsaid bageeb 7agat kowyesa mn tawkelat gamda aweeee

w as3ar 7wela

ممممممم
سؤال محرج مووت بس اقولك على لعبة اتعلمتها من واحد امريكي كان في زيارة لمصر شوية

باجي اخر الموسم الشتوي مثلا اول التخفيض ما يبدأ اروح المحلات الكبيرة اللي بتبع ماركات وبس لانها بتبقي عاملة تخفيضات فوق ال 50 % وبتبقي تخفيضات حقيقية وكذلك في الكوتشيات والشوزيز وكدة
افتكر مرة محل بتاع ماركة بيست موشن كان عامل عرض رهيب البنطلون اللي ب 450 وانت طالع حطهم كلهم على اتنين استاند
بسعر 110 و 150
تخيل بنطلون ب 600 تاخد ب 150
وهكذا
المضحك بقي لما تجيب كوتش كان ب 500 وشوية ب 300 في التخفيض تيجي بعد التخفيض ما يخلص لو موضتة لسه شغالة وعلية طلب تلاقية رجع تاني 500
ها ها ها
حصلت معايا مرتين في كاتربلر

نصيحة اخيرة
لو هاتشتري في تخفيضات راعي حاجتين
تنزل تشتري اول التخفيضات عشان الحاجة الحلوة والمقاسات بتخلص بسرعة والاستاف بيبعتو قرايبهم يشتروا ويبعوه لحسابهم
ثانيا لازم تبقي عارف سعر الحاجة كام عشان في محلات بتضرب فوق وترجع تنزل تاني وما تخسرش

طبعا كل الكلام السابق ما ينطبقش غير علي الماركات الكبيرة والمحلات المحترمة غير كدة انسي

انسي
لو ليك حد بره خليه يبعتلك هدوم
هاتبقي ارخص وبجوده اعلي
حتي لو اشتراها من هناك وهي صنعت بمصر

فيه مصانع فى 6 أكتوبر و العاشر بيبيعوا انتاج التصدير و أسعارهم كويسة و بعضهم ما بينزلش انتاجه السوق المصرى أساسا

بالطبع فى بورسعيد حاجات كويسة واسعارها معقولة وعن نفسى انا بحب البس تى شيرتات voiki او le coq sportif والاثنين دول بيريحونى جدا فى اللبس وخامتهم جيدة جدا وبالنسبة للبناطيل بفصل القماش وبشترى الجينز من بورسعيد برضة والكوتشيات على حسب المحلات والصناعة بس توكيلات الكوتشيات واللبس عموما سفاحين فمتشريش منهم حاجة الا فى موسم الاوكازيون.

شكرا يا جماعه علي الردود.....
و علي فكره انا بقيت احيانا بعمل زيك كده يا بشمهندس كريم......
بس اكتر حاجه تعباني بصراحه في اللبس هي الكوتشهات لأني عندي فلات فوت و ماينفعش اجيب اي كوتش لازم يبقي فلات.....و الغريب ان الكوتشهات زمان العاديه كلنت بتكون من جوه فلات و من بره عاديه مش شكل الحاجات الفلات.....دلوقتي بقوا مش بيريحوني خالص
فلو حد يعرف محلات جامده عندها كوتشهات فلات جامده ياريت يقول...لأن معظم التوكيلات بقي الكوتشهات عاديه جدا و تلاقيها بي 600 جنيه و بصراحه الواحد بقي بيستحرم غير انه مش بيكون عاجبني .........

جرب كات
لانهم بيعملو كوتشيات للخدمة الشاقة وغالبا بتبقي واسعة ومريحة من جوة
انا كل كوتشياتي منها بصراحة مريحة وقماش من فوق لاني بتني رجلي تحت المكت وانا قاعد
وما بيريحنيش غير الكوتش القماش

انا لسه كنت في كات و اسعاره دلوقتي تعتير حلوه.....بس عيبه ان يعتبر مافيش كوتشهات اوي....يعني معظمها جايبه علي كلاسيك ....و انا عايز كوتش ابن كوتش :(

هو مافيش حد تاني بيجيب لبس ولا ايه :lol:

يعني لو حد يعرف اماكن تانيه غير التوكيلات فيها انواع كويسه ياريت حد يقولي...لأني بجد بقيت اتعب من موضوع اللف .....و بالذات الكوتشهات :cry:

أنا بجيب كات برضة بس من السعودية (بأروح هناك كل فترة) سعرها هناك فى حدود 200 ريال من غير أوكازيونات فأرخص من هنا بكتيييييير و الموديلات أكتر ... و مرة جبت كوتشى أديداس من محل فى داون تاون فى اسكندرية اسمه Factory outlet دة أسعاره حلوة جداً كنت جايب الكوتشى دة بـ 250 جنيه ... بس الموديلات عنده بتبقى قديمة شوية يعنى موديل سنة أو سنتين فاتو بس بما انى عديت مرحلة الشباب (مش أوى يعنى -- أنا عندى 30 سنة ;)) فمبهتمش أوى بالموضوع دة ..

بصراحة صناعة الملابس فى مصر بتتدهور من سئ لأسوأ بسبب أسلوب الحماية العقيم المتبع و الأسعار مولعة بمعنى الكلامة مقارنة بأى دولة تانية ... فأنا بأفضل أجيب اللبس بقدر الإمكان من السعودية موديلات أرقى و أكثر تنوعاً بكتير و أسعار رائعة

عاوز كوتشي كويس دلوقتي ومتتأخرشي في بورسعيد عند ابو علاء في بورسعيد بس لأن التخفيضات هناك غير القاهرة

عنده كوتشيات ريبوك واكتيف حلوين جدا وكل الاسعار وعنده تخفيضات حلوه بس الحق بقه

اقتباس:

---

المشاركة الأصلية كتبت بواسطة 3mr Farrag

شكرا يا جماعه علي الردود.....
و علي فكره انا بقيت احيانا بعمل زيك كده يا بشمهندس كريم......
بس اكتر حاجه تعباني بصراحه في اللبس هي الكوتشهات لأني عندي فلات فوت و ماينفعش اجيب اي كوتش لازم يبقي فلات.....و الغريب ان الكوتشهات زمان العاديه كلنت بتكون من جوه فلات و من بره عاديه مش شكل الحاجات الفلات.....دلوقتي بقوا مش بيريحوني خالص
فلو حد يعرف محلات جامده عندها كوتشهات فلات جامده ياريت يقول...لأن معظم التوكيلات بقي الكوتشهات عاديه جدا و تلاقيها بي 600 جنيه و بصراحه الواحد بقي بيستحرم غير انه مش بيكون عاجبني .........

---

لو عاوز تريح رجلك سيبك من الكوتشيهات خالص و هات جزمة خفيقة من غير رباط كلاركس أو تمبرلاند، عندى واحدة تمبرلاند مش قادر استغنى عنها من 7 سنين مع ان شكلها بقى مش و لابد و مراتى بتخبيها منى علشان ما البسهاش بس ما تقدرش ترميها علشان عارفة انى معرفش اسوق مسافات بعيدة غير بيها. :lol: :lol: :lol:

اقتباس:

---

المشاركة الأصلية كتبت بواسطة Hossam Hassan

اقتباس:

---

المشاركة الأصلية كتبت بواسطة 3mr Farrag

شكرا يا جماعه علي الردود.....
و علي فكره انا بقيت احيانا بعمل زيك كده يا بشمهندس كريم......
بس اكتر حاجه تعباني بصراحه في اللبس هي الكوتشهات لأني عندي فلات فوت و ماينفعش اجيب اي كوتش لازم يبقي فلات.....و الغريب ان الكوتشهات زمان العاديه كلنت بتكون من جوه فلات و من بره عاديه مش شكل الحاجات الفلات.....دلوقتي بقوا مش بيريحوني خالص
فلو حد يعرف محلات جامده عندها كوتشهات فلات جامده ياريت يقول...لأن معظم التوكيلات بقي الكوتشهات عاديه جدا و تلاقيها بي 600 جنيه و بصراحه الواحد بقي بيستحرم غير انه مش بيكون عاجبني .........

---

لو عاوز تريح رجلك سيبك من الكوتشيهات خالص و هات جزمة خفيقة من غير رباط كلاركس أو تمبرلاند، عندى واحدة تمبرلاند مش قادر استغنى عنها من 7 سنين مع ان شكلها بقى مش و لابد و مراتى بتخبيها منى علشان ما البسهاش بس ما تقدرش ترميها علشان عارفة انى معرفش اسوق مسافات بعيدة غير بيها. :lol: :lol: :lol:

---

فعلا الجزم التمبر لاند تحفة وروعة وانا كان عندي واحدة كانت بنص مرتب شهر بس اتسرقت وانابصلي :cry: :cry:
المهم لو في الحنين وجزم بهدلة ومريحة هاتلك واحدة شياك
دي مريحة زي التمبر والكلاركس تمام بس ارخص كتير-اقل من 250 الواحدة

بس مهما كانت الجزم مريحة عمرها ما بتبقي زي الكوتشي خاصة في لبس معين بيطلبها

هو الصراحه موضوع البس ده موضوع غريب شويه
بس و انا صغير كانت والدتي تشتريلي من محلات سور نادي الزمالك
و لما كبرت بقيت بجيب لبسي اما من المانيا او من دبي و لو اردت شي اخر زياده و لم اكن هناك بروح اي مول و تحديدا جنينه قبل ما يفتح سيتي ستارز و دلوقتي سيتي ستارز

جزم الشياك فعلا مريحة جدا لاصحاب الفلات فووت وسعرها فى بورسعيد بيعمل حوالى 150 جنيه
التمبرلاند سعرها مبالغ فيه جدا وبصراحة شايف ان الخامات والصناعة متساويش الكلام دة, يعنى فى مرة كنت رايح اشترى شورت بحر من تمبر لاند لقيته بـ 350 جنيه ولا تعليق .

طيب هي الكوتشهات الكات حد مجربها؟؟؟؟
انا عايز حاجه مريحه لأني بقالي كذا سنه كل شويه عمال اجيب كوتش و مافيش حاجه مريحه معايا خالص......اما التمبرلاند شكلها كلاسيك اكتر من الكات.........

و اما بقي موضوع بورسعيد فا ده مشوار كبير :lol:

و شكرا علي الردرود و معلش علي الموضوع الغريب ده :lol:

انا مش بلبس في الكوتشيات غير كات
زي الفل
احلى حاجة كمان غير انها مريحة
اني لما بلبسها على كاجوال في الشغل ما تبانش انها كوتش عشان المنظر العام :mrgreen: :mrgreen:

معرفش بس انا بحب ريبوك نيكي و اديدس

اما الt shirts ف اديداس او مومو سبورت و لو قمصان يبقى ايف سان لورن او بيير كردان
و البنطلونات برضك بيير كردان لو كاجوال او ايف سان لورن لو بدل او اديداس لو سبور تقريبا ده ثابت عدا لو عجبني تي شيرت او بنطلون عند حد تاني

بصراحة انا بسافر البحرين بين الحين والآخر لظروف العمل، وفيه هناك كام محل بتبيع الحاجات اللى ناقص منها مقاس او موضتها هتروح باسعار تتراوح من ببلاش الى من غير فلوس، فباخد شنط فاضية وابضع معظم احتياجاتى اقعد ادوب فيها بالسنة والإتنين
وساعات اكون ماشى فى كارفور الاقى تيشيرتات بباش اخدلى 5 وللا 6، شوز من غير فلوس اخد لى 2 ، يعنى لما اجيب شوز شكله حلو ومريح ب 40 جنيه، حتى لو رميته بعد 6 شهور بيكون جاب حقه وزيادة ، بنطلون جينز ب50 جنيه حتى لو مكملش سنة فكتر مليون خيره
اما القمصان فالسيدة زوجتى مشكورة بتاخد منى فلوس بالعافيه وتجيبلى قمصان لما تلاقى اللى عدنى دابوا، وان كان ساعات برضه لاقى حاجات ببلاش فى كارفور او فتح الله بتاع اسكندرية

كنت فين يا سبعاوى من الصبح لحسن الناس دى حسستنى إن ماشى بهدوم مقطعة براحة شوية علينا يا جماعة وكله بيدوب فى الآخر و ربنا يبارك للجميع و مش حسد و الله هزار. :mrgreen:

hehe

طيب حضراتكم عمالين تتكلموا فى موضوع الكوتشيات على ات المقياس هو الراحة و انت لابسه

انا باه مضطر أتغاضى عن حاجات كتير
الموديل ( قديم و لا جديد )
اللون (ممكن ميكونش ماشى مع اى هدوم عندى الا الشراب)
الراحة
الصنع
الجودة

كل ده فى سبيل انى الاقى مقاس رجلى المسكينة
و هو و بلا فخر 48-49

لفيت معظم التوكيلات اللى فى القاهرة و بعض اللى فى اسكندرية
وبرده رجلى مش عايزة تدخل جوه اى مركب من اللى بلاقيهم

و بمناسبة موضوع الراحة فأنا من كتر لبس الجزم الجلد
بقيت زى اللى راكب عربية زيستافا 750
لو ركب أى عربية تانية حتى لو 128 ( مع احترامى الشديد ليها )
بحس انها مريحة على الاخر

بس الحمد لله ربنا كرمنى و لقيت كشك ( ايوة كشك )
فى ناجيا سنتر فى الهرم عندة عدد اتنين كوتشى مقاسى
و كانت سعادتى غامرة و انا بفاضل بينهم
احساس مفتقده من زمان
و أخدت واحد منهم
وماشى معايا تمام بقاله فترة و لله الحمد
وداخل بيه على النص مليون خطوة و عمره ما طلب منى اى صيانة
و كمان لو طلب صيانة فهتبقى عند اى ميكنانيكى قصدى جزمجى مش محتاج اروح التوكيل
لأن صيانته سهلة
و الاهم انه ملوش توكيل اصلا

معلش طولت عليكم
بس مصدقت افضفض بالى جوايا من موضوع الكوتشيات ده

لا عادي
بس نوع الجزم الجلد بتكون جلد طبيعي و جلد من بتوع اليومين دول بتوع الصين الصناعي؟؟؟
والله السؤال بجد

بعد ما عديت مرحله الكفوله °علي ايامي كان البامبرز غالي شويه°
بدات البس من محلين ما فيش غيرهم تقريبا الحاجه كانت عامله عقد احتكار معاهم
موباكو و نيومان و الغريبه ان الاتنين مصنع واحد
بعد ما خلصت كليه °احسب كام سنه براحتك°
و بدات اسافر كنت بجيب اللبس من بره الميزه غير المقاسات و الانواع ان الهدوم بتعيش بجد و حالتها زي ما هي
دلوقتي بلبس كلاسيك في الشغل و بجيب من محل اسموا شيك في الاسكندريه
و ساعات بروح المصانع اللي جنب الشغل عندي في العاشر لو محتاج بدل
بس كاجوال بلبس في حاجات كنت جايبها من بره بقالي سنين

انواع الكاجوال ايه؟

اقتباس:

---

المشاركة الأصلية كتبت بواسطة mtema99

انواع الكاجوال ايه؟

---

كان فيه كام براند بحبهم و دايما بروح اجيب منهم شويه حاجات
بانانا ريببلك
http://www.bananarepublic.com/
اميركان ايجل
http://www.ae.com/web/index.jsp

دول اكتر براند بحب اجيب منها لبس

و حتي الان لما بسافر بنتهز فرصه الاعياد و اجيب حاجات و بصراحه بتنفع
يعني عندي حاجات يمكن من 7 سنين و لسه شغاله

انا عن نفسي مقسم اللبس
يعني الخروجات بلبس سبورت
و الشغل كلاسيك ما عدا الخميس سمارت كاجوال

شكرا على الرد :)

والله يا كريم موتني من الضحك بجد
الله يعينك يا جميل
وانت يا هاني اسلوبك بيفطسني من الضحك يا عم ارحمني شوية
الكافية كله اتفرج عليا
سبعاوي واب عبد الرحمن
طبعا معاكم حق البساطة في كل حاجة حلوة
بس احيانا مش بتاكل في اماكن كتير
خاصة بلدنا عينة الناس اللي بتقدر نص شغلك ون لبسك وعربيتك وعلبة سجايرك(مع اني مش بدخن) وموبايلك وساعة ايدك
كانت زمان بلد شهادات صحيح
دلوقتي بلد مظرة صحيح

طبعا انا مش بتكلم عن الشغل الثابت
انا بتكلم عن الشغل الحر



محدثكم من الساحل الشمالي الافغاني :lol:
مناسواء نت كافية
كريم منير
:oops: :oops:

انا كان ليه واحد صاحبي كان عامل ذي حالاتك كده يا كريم.....ما كنش بيدخل يتفرج علي الكوتشهات خالص......كان اول ما يدخل يقولوهم ايه اكبر مقاس عندوكوا :lol:
بس بصراحه كان بيلبس اقل منك يعني حوالي 47 .....
انت بقي ربنا يعينك ....مكانتش عارف ان فيه حد بيلبس 49 :shock:

علي فكره انا ساكن بجانب كوشك الكوتشهات اللي بتقول عاليه ده ....و هو بصراحه احيانا بيجيب حاجات جامده و احيانا بيكون عنده حاجات عاديه.....بس بيجيب المقاسات الكبيره ...لأن صاحبي كان هيجيب منه مره كوتشي....

و شكرا يا جماعه علي الردود